.·¤ تجمع الحوامل اللي ولادتهم في محرم¤·.

دلع الأحساء · 07-22-2012, 02:53 PM

لحظت البيبي مايتحرك في النهار
بس احسه يتحجر اشوي مادري شسالفه
بنات تابعو الراي مسلسل حياة الفهد حبر العيون

دلع الأحساء · 07-22-2012, 02:58 PM

احس هند البلوشي الي تمثل حامل
تخاف من الحسد زيي هع بس هيا على زياده اكثر

Marawy · 07-22-2012, 04:13 PM

ام ريم ،، ربي يسمع منج حبيبتي ،، تسلمين يالغاليه وربي يرزقج باللي تتمنين ويحفظج من كل شر ،،
وماعليج شر حبيبتي ،، تحملي شوي عشان تكملين يومج ،، الغثيان كريه ،،

دلع ،، نومج غلط وغصب تتعبين ،، لا تنامين بعد الفطور حاولي تقاومين ،، لو تبين تنامين نامي قبل الفطور افضل ،، ع الاقل عودي نفسج تنامين الساعه 12 بالليل عشان تطولين بالنومه بالنهار وما يصيدج التعب ،،
لما اشوف المسلسل اتذكرج ،، احسها انتي هههههه ،،

مشاعل ،، ربي يعافيج يالغاليه ،، ويسلمج ويحفظج ،،

نوقا ،، تسلمين ياقلبي وربي يسمع منج ويرزقج باللي تتمنين وتشوفين النونو بحضنج ويملي عليج البيت انتي وزوجج يارب ،، وماعليج شر يالغلا حاولي تتصبرين عشان تكملين يومج ،، ومبروك دخولج السادس يالغاليه ،،

زوجة ناصر ،، ياهلا فيج ،، بخير ربي يسلمج انتي شلونج مع الصيام والتعب والثقل ؟ وشخبار النونو ؟

ام يارا ،، حلو اسم ريم ،، ربي يرزقج اللي تتمنين يارب وتسمينها او تسمينه ،،

مريوم الحلوة ،، ياهلا فيج بيننا وربي يتمم لج على خير يارب ويعوضج كل خير ان شاء الله ،،

نهال الدوسري ياهلا فيج هههههههه والله انج دايخه مع الحمل شكلج ،، لاتنامين على بطنج كثير ،، وعادي التنميل بس تأكدي من دكتورتج افضل ممكن له سبب معين ،،

اعز ،، والله اريح لج تروحين تفطرين عند اهلج او اهله ،، انا افطر بيت اهلي كل يوم وزوجي معاي ،، هو متعود عليهم ويحبهم ،، وعادي لو الكل على سفره وحده ،، احنا نفس الشي كلنا بسفره وحده واوقات تصير الجمعات ويجون خوالي واعيالهم ونقعد بسفره وحده ،، يمكن لان احنا بالبحرين غير ،،
مو زين المساج لاتسوين ،، استحملي هههههه كلها جم شهر بس وبعدين سوي مساج وابو المساج هههه

ملكتني بهمسك ،، ربي يعطيج الصحه والعافيه شكلج في حووسه مع العيال ورمضان ،، ربي يعينج ،، فقدناج والله ،، لاتطولين علينا وطلي كل بين فتره والثانيه علينا ،،

اللهم سترك ،، بخير ربي يسلمج ،، لاتقطعيننا مري علينا كل كم يوم ،، راح يخلى التجمع ،،

Marawy · 07-22-2012, 04:14 PM

بنات انا يوم الثلاثا موعدي الساعه 11 ونص الظهر ،، زوجي يقول يومها لا تصومين لانه بيصير تعب عليج ! بس مو عارفه ،، وشرايكم ؟ انا قلت بصوم وبجرب ولو تعبت بفطر ،،

هههههههه وعلى طاري التهكير ،، من الفاضي او الفاضيه اللي بتهكر هالموقع ! موقع حوامل وش يبون فيه !! هههههه

Marawy · 07-22-2012, 04:15 PM

امس بالليل ماقدرت ارقد عدل ،، جاتني الام بخاصرتي جهة اليسار ،، وكل ما انام على جنب تزيد علي ،، وحسيت بطني صاير يابس ،، اليوم الحمدلله احسن بكثير ،،

دلع الأحساء · 07-22-2012, 04:20 PM

مراوي ماتشوفين شر يالغلا كثري ماي وبطيبين
وكاني بحاول اليوم اعدل نومي بروح بيت اهلي بفطر

دلع الأحساء · 07-22-2012, 04:21 PM

مراوي مو على كيفك تفطرين حرام
بس لحسيتي بتعب فطري

جنان الورد · 07-22-2012, 04:29 PM

الله يساعدنا على الصيام

دلع الأحساء · 07-22-2012, 05:59 PM

لا إله الا انت سبحانك اني كنت من الظالمين
اللهم صلي على محمد وال محمد
تروشت وجاني الجوع هههه الحمدالله بس باقي ساعه ع الأذان

Mishael · 07-22-2012, 07:39 PM

مراوي انا بكرا عندي موعد الساعه 10 ونص الصبح اشاعه وماادري اصوم او افطر بس بصوم اذا تعبت مرره بفطر
بنات انا ماعندي مناعه ضد الحصبه وخايفه لانها لو صابت الجنين ممكن تسسب تشوهات من مثلي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
[ تجمع الحوامل اللي موعد ولادتهم في ذي الحجة 1433 ه ]	دلوعة وطيوبة	إستفسارات مرحلة الولادة	2858	11-18-2012 11:34 AM
● [ تجمع الحوامل اللي موعد ولادتهم في ذي القعدة 1433 ه ] ●	~ L o l a	إستفسارات مرحلة الولادة	2656	10-16-2012 02:07 PM
تجمع حوامل اللي موعد ولادتهم في شهر محرم 1433	غزاله شقرا	إستفسارات مرحلة الولادة	19214	05-15-2012 01:11 PM
تجمع الحوامل اللي ولادتهم بشهر ذو الحجة 1432.. الله يتمم علينا	ماما زوزو	إستفسارات مرحلة الولادة	10	02-03-2011 05:38 PM
تجمع الحوامل اللاتي سيلدن بشهر محرم 1432	عاشقة الجنه	إستفسارات مرحلة الولادة	4013	01-09-2011 10:02 PM