ديوانية البحرين - دردشة حوامل البحرين - البحرينيات

فلونة · 11-21-2010, 10:47 AM

صباااح الخيررر

شخبارركم شعب ،،

طفلي انا لي موعد حق فحص سكر،، قالت لي مالت المختبر لازم اروح صايمة من ثمان الليل لي ثمان الصبح واشرب هالعصير وماتحرك من مكاني ساعة وتالي بيسوون الفحص ،، شلون اقعد هناك ساعة كامل بتلووووع جبدي افكر اشرد البيت في هالساعة يصير:p

الفتاة الذهبية · 11-21-2010, 11:17 AM

فلونة اي يصير
بس اذا شربتي العصير قعدي شوي وعقب قومي تمشي
لج شوي ومن يصير لج ساعه بالضبط لازم يسحبون منج دم
اذا تاخرتي بيعيدون لج التحليل خخخ

فلونة · 11-21-2010, 11:18 AM

ماميش احد اهني ،، اتحجى برووحي

انزين انا على حسبة الدورة الشهرية المفروض موعد ولادتي ان شاء الله 22/2/2011
بس في السونار اخرت الموعد الى 5/3/2011 وانا محتارة مادري على اي تاريخ احسب،، احين انا في السادس او دشيت الساابع؟؟؟

فلونة · 11-21-2010, 11:20 AM

فتاة ،، انا سألت مالت المختبر قالت لي لا ما يصير تروحين البيت بتحرقين السكر بالحركة وحماتي تقول لي انا ارجع البيت .. وانا مادري يمكن باجر اروح شاسوي في هالساعة
حتى قالت لي اذا تمللتي ييبي معاج كتاب اقري فيه :s

الفتاة الذهبية · 11-21-2010, 11:21 AM

وقت الي الله كاتب لج تولدين بتولدين
اخر دورة لج بالميلادي تاريخ كم ؟

الفتاة الذهبية · 11-21-2010, 11:22 AM

فلونة انا قمت تمشيت برع المستشفى
اصلا لازم تتحركين احسن عشان يكون التحليل صحيح

الفتاة الذهبية · 11-21-2010, 11:27 AM

انزين الحين انا بقوم اسبح وبصلي
اشوفج وقت ثاني

فلونة · 11-21-2010, 11:35 AM

فتووت اكييد هاذي التواريخ كلها مجرد توقعات في ناس تولد قبل او بعد هالتاريخ بس انا ابي اعرف انا اي شهر احين

انا باروح اصلي وباسوي غداي

الفتاة الذهبية · 11-21-2010, 12:07 PM

اقتباس:

المشاركة الأصلية كتبت بواسطة فلونة

ماميش احد اهني ،، اتحجى برووحي

انزين انا على حسبة الدورة الشهرية المفروض موعد ولادتي ان شاء الله 22/2/2011
بس في السونار اخرت الموعد الى 5/3/2011 وانا محتارة مادري على اي تاريخ احسب،، احين انا في السادس او دشيت الساابع؟؟؟

انا اتوقع انج دشيتي السابع
لانه احيانا يكون البيبي اكبر من حجمه بشوي
او اصغر من حجمه بشوي فيحددون لج بالسونار غلط

بنت الأياويد · 11-21-2010, 12:12 PM

السلام عليكم ، شخباركم جميعا ، سامحوني ماقدرت ادخل لان بدت الاكشنات معاي ومن امس خلاص ييت بيت ابوي برقد اهني لان ريلي مايعرف يتصرف ويكون في الشغل وخطر علي ، معنى الوفاء مشكورة فديتج على السؤال، اقولكم انا قصتي قصة من يومين صادني الله يعزكم ترجيع رجعت يمكن 5 مرات زوجي خاف لان كنت اعاني من الم في بطني وداني مستشفى آريف الي في المحرق اخس مستشفى شفته في حياتي طلعوا لي النرسات برع حدهم يخرعون لابسين ثياب العملية والقبعه يعني تقولين بارزين حق يقصبوني حدي خفت سألتني وين الالم ومادري شنو قلت لها ان فيني الم بس الحين بس ازوع مافيني شي واني في التاسع قالت لي انبطحي الا تقول بطنج وايد صغير والياهل شكله صغير جم وزنه قلت لها ماعرف وانا اتابع عند عيادة ماقط قالت لي الدكتورة ان الياهل صغير وعقب قالت بفحصج تحت يمكن انفتحتي لبست قفاز وانا على عماي مادري شبسوي فيني الحين وجان تحط في يدها نفس الكريم وتدعس يدها كامله داخل ذبحتني كنت ابي اصرخ بقمة راسي من الالم تخيلوا يدها كلها داخل وقاعده تهوس على بطني آخر شي قالت لي مانفتحتي واذا حسيتي بأي الم روحي دايركت السلمانية لانج تبين تولدين هناك بس نصيحة مني مو اي الم تروحون المستشفى ترى الي شفته مابي احد يشوفه قلت حق ريلي مرة ثانية ولا برايحة الا لين جريب بيطلع راس الياهل ههههههههه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
توزيعات وهدايا وستاندات _ في البحرين	بنت البحرين	منتدى السوق التجاري	4	10-07-2010 11:45 PM
ديوانية حوامل البحرين	أم _ أحمد	إستفسارات حوامل من الشهر السابع إلى الشهر التاسع	3129	09-19-2010 11:26 PM
نداء الى حوامل البحرين	اشراع الهوى	إستفسارات حوامل من الشهر السابع إلى الشهر التاسع	0	06-18-2010 12:47 AM
ام البدرين الله يعطيك العافيه	عاشقة طيور الجنه	منتدى علاج العقم و تأخر الحمل	9	06-13-2010 04:37 PM
عين عذاري ( اهل البحرين )	الشوق عطري	المـنـتـدى الـعـام	2	08-18-2009 12:16 AM