تجمع حوامل الأشهر الأخيره(السابع,الثامن,التاسع)

faith-berry · 07-30-2012, 03:53 AM

اخبااركم كرووشات
خفايا ياقلبي ان شاء الله بروح اكشف لاني احس بالم وشد قوي من تحت في عنق الرحم
ومره مره يوجعني مو عارفه اجلس منو
الله يكتب لنا الاجر
بنات بسالكم طبعا انا مافيني حيل للطبخ والنفخ
جارتي الله يجزاها خير ارسلتلي فطور لما عرفت اني تعبانه
بشاميل ولقيمات وسمبوسه وشوربة ومهلبيه وحلى
ابي اسوي فطور وارسلها منو قسم راسي فاضي مافيه شيء
ابي تقترحو عليا فطور ما يتعب ويكون تمام
......

وكمان ياريت تقترحو عليا عشى يكون خفيف
لزوجي ابيه يتعشى ع الساعه 11:30
لان اليوم قالي كلمه ضايقتني انو مافي احد يتعشى زيي
خفايف قلتله ياحبيبي كل يوم اسالك لو تبي شيء اسويه لك
قالي انا اراعي ضروفك قلتله دام يضايقك لاتراعيها
انا طلبت منكم لان مع تعبي والنفسيه دماااار
مافيني افكر وكثير دموعي قريبه واول مره اشوفها كثيره كذا
سوري ازعجتكم معايا :)

خجول الورد · 07-30-2012, 04:00 AM

وميض .. دام هذا كلام الدكتورة توكلي ع الله وان شاء الله ماقدامك الا العافية ..

خفايا الدنيا · 07-30-2012, 04:18 AM

بيري الله يعينك حبيبتي وكل شي ب اجره
التعب والخمول لازم منه هالايام
شوفي ماادري اذا يناسبك تسوين شوربة اي نوع تحبين
وسمبوسة جهزيها من الليل وفرزيها واليوم الثاني على طول اقليها
وتقدرين تسوين عجينة من الليل ونفس الشي تحطينها بالفريزر اليوم الثاني
طلعيها كانها جديدة بتكون واحشيها باللي تحبين وعندك بعد المنتو انا اسويه هالايام
واحس انه سريع ومريح تاخذين رقاق السمبوسه وتقطعينها نصفين وتحشينها بلحم مفروم
تكونين حمستيه مع بصل وبهارات وتحطينه بصينيه بايركس تقدرين تسوينه بصلصة بيضاء
وهي عبارة عن قشطة وجبنة بالخلاط بالاضافه لمكعب ماجي تصبينه على اصابع المنتو
وتحطينه بالفرن وبعدين تشغلين الشوايه عشان يحمر من فوق
والطريقة الثانية نفس الاولى بس بدون صلصة تستبدلينها بدوائر من البصل والطماط
والليمون تحطينها تحت المنتو عشان مايحترق عليك ويستوي وبعد من فوق حطي دوائر
عشان تسوي شكل وغطيها بالقصدير وحطيها بالفرن لين تحسين استوى الرقاق وطلعيها
بالعافيه هذي الافكار الي عندي حاليا

وميض النجوم · 07-30-2012, 04:18 AM

إنشاء الله راح اتوكل على الله وانشاء الله خير

ام سناء · 07-30-2012, 04:35 AM

مرحبا ياحلوات
وميض اهم شي صحتك وصحة البيبي والعملية انا جربتها ثلاث مرات والمرة هذي بعد عملية صح صعبة بس الحمد لله كله يهون عشان البيبي الله يقومك بالسلامة وكل الحوامل يا رب

faith-berry · 07-30-2012, 04:35 AM

خفايا الله يسعد قلبك فديتك
وتولدي بالسلامه
عجبني المنتو طريقته سهله وبسوي فطاير
واللحين بروح افرفر في الشربات اشوف ايش فيه يكون حلو

بداية أنثى · 07-30-2012, 04:40 AM

صباح الخيرر ياكروشات أنا لي كم يوم تنزل عليا موية نقط واحيانا تيبلبل الكلوت رحت للدكتورة قالت لحد الان الحمدلله المويات تمام بس اذا استمررت تنزل لازم أخذ طلق صناعي قبل ماتجف الموية كلها بنات أنا توني ببداية التاسع وخايفة الموية ماتوقف ويعطوني طلق صناعي يقولون أقوى من الطبيعي بكثيرر أنا مرة قلقانه الله يسهل علينا ياارب

خفايا الدنيا · 07-30-2012, 04:56 AM

امين بيري وربي يسهل ولادتنا جمييييع يارب
بداية انثى السونار يبين اذا موية البيبي كويسه ولا قليله
والله يسهل امرك هو الطلق الصناعي يقولون قوي وسريع
الله يكتب لك كل خير حبيبتي ويهون عليك

وميض النجوم · 07-30-2012, 05:11 AM

حبيبتي ام سناء وين سويتيها وانتي بالدمام ؟؟

ورده ورديه · 07-30-2012, 06:55 AM

ومييييييييييض الله يسهل عليك ويسهل علينا جميعا

حبيبتي لاتقلقي وحده من زميلاتي ولدت بالاسبوع 36 والحمد لله ولدها وهي بخير

أصلا مجرد الحامل توصل للاسبوع 36 الحمد لله تتجاوز تاخطر هذا الللي قريته وكذلك زميلتي اثبتت لي ولله الحمد

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ألم الحوض في الأشهر الأخيره من الحمل	سماسم	إستفسارات حوامل من الشهر السابع إلى الشهر التاسع	42	09-09-2014 05:45 PM
دوالي الساقين لدى الحامل في الأشهر الأخيره	سماسم	إستفسارات حوامل من الشهر السابع إلى الشهر التاسع	9	07-06-2014 07:31 AM
تجمع حوامل الأشهر الوسطى(الرابع,الخامس,السادس)	سماسم	إستفسارات حوامل من الشهر الرابع إلى الشهر السادس	28122	06-15-2013 08:36 AM
الإفرازات الدمويه في الأشهر الأخيره من الحمل	سماسم	إستفسارات حوامل من الشهر السابع إلى الشهر التاسع	12	05-17-2012 05:38 PM