.·¤ تجمع الحوامل اللي ولادتهم في محرم¤·.

Noga88 · 07-22-2012, 12:45 AM

اقتباس:

المشاركة الأصلية كتبت بواسطة أم ريـــم

دلع يسلموا ياقلبي
باسالكم اخترتوا اسماء للبيبيات
بالنسبه لي اذا بنت خاطري ب ساره واذا ولد ناصر ان شاء الله
وانتوا؟

انا مثلك ام ريم على خير البنوته ساره والولد مثل هدووء الماضي سعد ع ابو زوجي

Mishael · 07-22-2012, 12:56 AM

انا اذا ولد ابراهيم على ابو زوجي وإذا بنت ماادري مالقيت اسم لانها بتكون اول مولود وزوجي عقدني يقول ابي اسم له معناه
لانهم بينادوني فيه
انا ابغى اسمي سيلينا او لمار او مشاعِر يقول تخيلي ينادوني ابو سيلينا >>بمووت
يبي يسميها ريم قلت خلاص ريما بس ماابييي

عيش الحياة · 07-22-2012, 01:17 AM

بنات شاركوني بأرئكم
الحمل والعنقز

Marawy · 07-22-2012, 01:46 AM

دلع ،، زين تسوين ،، دام الدكتورة زينه وماعليها كلام واهم شي انها مو ماديه توكلي على الله وروحي لها ،، وربي يكتب لج اللي فيه الخير ،،

سألت هالسؤال لاني حسيت بحركه مثل الرفرفه فوق السره بالضبط ،، قلت ممكن صار البيبي فوق !

اشوف مسلسل حبر العيون وايد يعجبني ،، احب اطالعه يمكن عشان فيه حامل وعاشت معاناة مثلنا ،، بس وايد وسواسيه ياربي وتخاف من الحسد ،، مو زين الخوف بهالطريقه ،!

مافهمت سالفة النقزات ! عادي احس مو من الصيام ،، لوتقصدين الحكه في البطن والنغزات اللي من داخل تصير هذا عادي لان النونو يكبر والبطن يكبر ،، على كلام امي ،،
ادهني بزيت مثل ماقالت لج عيش الحياة ،،

ام ريم ،، ماعليج شر يالغلا ،، والحمدلله انج حسيتي بالحركه بشكل شبه منتظم ،، ربي يتمم لج على خير يالغاليه ،، ولاتقطعين ،، حلو اسم ساره وناصر ،، ربي يبلغج بالنونو يارب ،،

جنان الورد ،، ايوه مافي بيني وبينج الا كم يوم ،، يعني تدخلين الشهر السادس بعد ماتخلصين 22 اسبوع ويومين بالضبط (يوم السبت تدخلين السادس) ربي يتمم لنا على خير يارب ،، والله ودي احس برفسات ياناس !! ودي اتطمن لما يجيني الوسواس ،، احس مافي شي يطمني !

عيش الحياة ،، اي والله ملاحظه انا بعد اني لما اكون صايمه يصير بطني صغير ويصير لين ههههه اوقات اشكك اقول وين راح !

اثري في مدادي و دلع و نوقا ،، الف هنا وعافيه يالغلا ،، ومطرح ما يسري يمري ،،
وماعليج شر يا اثري ،، اجر وعافيه ،،

مشاعل ،، يممممممي شكله حلو الطبق ،، راح اجربه ان شاء الله ،، اسم ريما حلو ،، احلى شي احس بينهم ،، وممكن الناس يسمونه ابو ريم لكن بالجواز والاوراق الحكوميه اسمها ريما ،،

هدوء الماضي ،، ربي يعطيج الصحه والعافيه ،، ولنا ولج الاجر يارب ،، حلو اسم جولان ،، ربي يبلغج في النونو وتعرفين جنسه يارب ،،

أم ريـــم · 07-22-2012, 01:51 AM

حتى انا اسم ناصر على اسم عمي ابو زوجي

أم ريـــم · 07-22-2012, 01:53 AM

تسلمي يامروى وكلج ذوق فديتج
والله يفرحن بشوفتهم عل خير

Noga88 · 07-22-2012, 01:55 AM

مشاعل اسم ريم وريما والله يهبلووون ولا تلومين زوجك كل الرجال كذا تفكيرهم مايبون اسماء غريبه خصوصا اول نونو

أم ريـــم · 07-22-2012, 01:59 AM

انا عن نفسي مااحب الاسامي الجديده احس الاسامي القديمه وايد احلى وفيهم رزه

Marawy · 07-22-2012, 02:08 AM

انا بعد احب الاسامي القديمه ،، احسها رزه اكثر ،،

لو بنت راح نسميها ( شيخه )
ولو ولد راح نسميه (احمد) على اسم المرحوم ابوي وابو زوجي الله يرحمهم ويغمد روحهم الجنه ،،

أم ريـــم · 07-22-2012, 02:16 AM

حلوه الاسامي
واسم احمد وايد غالي على قلبي
والله يرحم الوالد وعمج يارب وان شاء الله ربنا يرزقكم باحمد اذا مو هاي المره المره الجايه باذن الله

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
[ تجمع الحوامل اللي موعد ولادتهم في ذي الحجة 1433 ه ]	دلوعة وطيوبة	إستفسارات مرحلة الولادة	2858	11-18-2012 11:34 AM
● [ تجمع الحوامل اللي موعد ولادتهم في ذي القعدة 1433 ه ] ●	~ L o l a	إستفسارات مرحلة الولادة	2656	10-16-2012 02:07 PM
تجمع حوامل اللي موعد ولادتهم في شهر محرم 1433	غزاله شقرا	إستفسارات مرحلة الولادة	19214	05-15-2012 01:11 PM
تجمع الحوامل اللي ولادتهم بشهر ذو الحجة 1432.. الله يتمم علينا	ماما زوزو	إستفسارات مرحلة الولادة	10	02-03-2011 05:38 PM
تجمع الحوامل اللاتي سيلدن بشهر محرم 1432	عاشقة الجنه	إستفسارات مرحلة الولادة	4013	01-09-2011 10:02 PM