حساسة حيل...
كلامك صحيح ويجب عدم التهاون في قضاء شهر رمضان.. ولكن كل وحدة ولها ظروفها ما يعلم بها إلا ربها... في ناس محرومة من الذرية والله رزقها بعد تعب ومحتاجين انهم يحافظوا عليه
ومثل ما قالت شازل.. يكلف الله نفساً إلا وسعها
والدين الإسلامي دين يسر مهو عسر ولهذا القضاء مع الكفارة للحالات الخاصة وجدت
ومعروف أن الحامل حاملة روح ببطنها والله يحاسبها على هذي الروح يعني لو صار فيها أي خطر لا سمح الله المرأة هي المحاسبة ولا نستطيع إلقاء اللوم على الدين الإسلامي
يعني يوم البنات ما قدروا يقضوا الصيام أكيد كل وحدة عندها عذر قوي يمنعها والحمل حتى لو كان حالة ظرفية لا تنسي أن كل حامل وضعها غير عن الثانية وبنفس الوقت حمل التوأم غير عن حمل الواحد
وعلى الجوع كلنا كل نص ساعة نحس بجوع وصرنا نمل من زود ما ناكل وما ناكل إلا لتأنيب الضمير
يعني لو وضعنا الصحي تمام التمام كان صمنا ولا علينا! وحتى برمضان هذا يجوز لنا الإفطار إذا كان الصيام فيه مضرة للأجنة
الحمد لله انا قضيت دين شهر رمضان من بعد إجازة عيد الفطر مباشرة وخلصت منه :) وكل سنة أسوي جذي وأتمنى هذي السنة ما يصير علي دين قضاء
---------
حوامل.. أنا اليوم حزينة ومنزعجة مرة :(
تعبت من زوجي وصوته العالي ما يعرف يتفاهم إلا بالصراخ ويتعمد يرفع صوته أحسه أحياناً نفس الأطفال!
كل هذا لأنه بغى يدخل الحمام ولقاه رطب شوي ولما سألني قلت له انت كنت متحمم والمكان كله ماء وشعر رشيت عليه ماء ومسحته!!
كأني سويت جريمة!! ظل يصارخ ويهاوش وانتي دوم عافسة لنا الحمام وانتي دوم تخليه رطب وأنا ما أحب ادخل الحمام من بعدك وانتي وانتي
بدل ما يشكرني أني نظفته عن الشعر لأن حتى الماء ما يمشي من زود ما الشعر ساكر المكان وإذا بنتظر عليه هو لا بينظف ولا شي
ولما سكت عنه ظل يصارخ ويهدر على راسي ولازم بصوت عالي حجته أني اتعب نفسي وما اهتم بالأجنة!
طيب توك تقول الحمام رطب يعني جزاء شلت الشعر اللي ساد المجرى ومسحته؟؟!! هذا لو كان داخل الحمام من غير ما أمسحه والماء مركك من سبوحته ومن شعر جسمه اللي مالي المكان شكان بيسوي
أكيد ما راح يسوي شي لأن حتى لو ما يحب يدخل المكان رطب بس لأن هو اللي ملعوز الحمام ما راح يتكلم ولا راح ينظفه حتى
انا ظليت ساكتة وما رديت عليه ولا كلمة وظل هو يسكت شوي ويرد يصارخ يسكت شوي ويرد يدور كلام بس عشان يصرخ بيه علي ويدور حجج وأنا مطنشة وساكتة لين انقهر ورقد بروحه وانا رقدت بس الحرة بقلبي!! عمره ما بيتسنع ودوم يتفاهم بالصراخ! وانا مافيني حيل صراحة أرد عليه ولا أناقشه لأن النقاش يزيده عناد وصراخ.. واهم شي عندي صحتي وصحة بناتي
اليوم الصبح سويت الريوق ويا زعم يبي يعاقبني وما أكل.. بالناقص!! طلعت وجيت الدوام
جالسة احاول ما أعير الموضوع اهتمام بس منزعجة ومزاجي متعكر وودي أبكي صراحة
قاهرني!! متى بيتعلم.. كل ما يصرخ علي حجته بس ان انا ما اهتم للبيبيات يعني هو اللي يهتم من زود الصراخ علي!! حلاته لو كان يهمه أني اهتم يهتم بنظافة المكان ويحافظ على نظافته مو بيوم اغسل الحمام أطلع خمس دقايق ألاقي كل شي مخروب وكل شي وصخ!
ونفس الشي الترتيب والتنظيف والكناس.. ما ألحق أنظف وارتب بخمس دقايق كل شي يخرب
اللي عندي أكثر من ياهل! لو ياهل ما سوى فيني جذي!
ويبيني ما انظف بعد! وخاصة ان عندي حساسية من أي غبرة وأي شوائب بالبيت ولازم أخلي المكان نظيف
وطبعاً ما يبي يجيب لي خدامة :(
احس نفسي بنفجر!
08-03-2010, 04:21 AM
رد: تجمع حــوامل التوائم
ام سعود2007 
.gif "hwaml15")
العرض العادي
