دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[اموورة وكتكوتة]

هايات ياحلوويين .. كل سنة وانتو طيبين وسنة سعيدة عالكل وربي يتمملي ويتمملكم الحمل ويسهلنا ولاداتنا يارب ااااميييين

انا شامة ريحة خيانة عظمى من احلى عبورة شكلها سوتها وولدت قبلي وانا اللي عديت موعدي بكم يوم ماسويتها اهئ اهئ .. ربي يسرلك حبيبتي ان شاء الله وتطمنا عنك اختك موني حبيبتي
كوكو الحلوة لاتسويها انتي كمان وتولدي دحين استني دورك حبيبتي وخلينا اصحاب ههههه ربي يتمملك عخير ياسكرة
دلوعة سمسم حمدلله عسلامة ولد اخوكي وما يشوف شر ان شاء الله .. ومبروك زواج خالك ..
كروزة ربي يحفظلك حمادة .. هم كدة الاطفال يحبو السهر في البداية ويجلسو يبكو ترا انا زيك بكرية بس اسمع كدة من اللي حواليه .. وبالنسبة للنوم الحامل مرررااا مررررا متتهنى بالنوم الله يعينا بس
فوشية حبيبتي كيفك دحين ان شاء الله طيبة ؟؟ لسة انا بستنى الفرج ربي يعينك عالتاسع مرراا تعب ومافي راحة ابداا
انشودة الله يعافيكي ياقلبي والله انا حاسة فيكي لانو دايما يجي ويروح الالم عندي بضرس العقل والله اجلس ابكي وماانام بس اتحملتو لاني مررراا خوافة من ابرة البنج والحمل ماينفع مو كدة؟ الله يصبرك حبيبتي
ام رانسي ونلي حبيباتي التشققات هادي ماشاء الله كل الجسم صارت موبس البطن الله يعينا بس
ام يسوري وام الغاليين ولووررا كيفكم ايش مسوويين؟؟ كل سنة وانتو طيبين

امل حبيبتي ربي يعوضك ويصبرك ويرزقك ان شاء الله ولد صالح عاجلا غير اجل هادا امتحان من الله اصبري وربي حيعوضك ان شاء الله حبيبتي ماتتزكري واشغلي نفسك بقراءة القران والاستغفار واتكلي ع الله حبيبتي ربي يفرجها عليكي

بنات ايش اخبار رحيمة القلب فينها زماااان عنها ما سمعتو عنها شي ؟؟
ونانا كمان ايش اخبارها بعد الولادة اختفت والله وحشووني [/size]

[كوكو الحلوه]

كيفكم كروشات والبيبي ان شاءالله بصحه وعافيه
امل لا تحاولى تفكري كثير وربي يعوضك ان شاء الله كثري استغفار
انشوده الله يصبرك ياقلبي الم اسنان مو شي طيب الله يكون بعونك يارب وتخلعي وترتاحي
اموووره كتكوته انا استناك نسويها مع بعض ولو سبكتك ماليشودي حيلك وسوي رياضه كثير الله يعطيكي اساعه المباركه وسهله يارب
صدق نانا ورحيمه ليهم وحشه ان شاء الله يكون بخير وعافيه نانا راح تكون اكيد مشغوله في فهود الله يخليه لها يارب

[كوكو الحلوه]

من وين احصل مثل هذي العربيه بليز يلى تعرف تقولى

[دلوعة فهد]

الله يسهل حملكم وييسر ولادتكم يااااااااارب

[انشودةمطر]

كوكو العربيه تطلبينها من قناة سيتروس تجي من دبي خلال اسبوع اختي طلبتها بس 1500 ريال

[ثلجه فوشيه]

سسلام كروشات والله وحشتووني انا دخلتي عالمنتدى قلت بسبب التعب والأرهاق
الله يعيننا بس .. ويأجررنا

كل عام وأنتوو بخير وسنه جديده عليكم ياااارب ..

انشووده سسلامتك ياقلبي الله يعينك والله الم الاسنان فضيع ومحد يقدر يصبر عليه الله يشفيكي بس وتخلعيه على خيرر بس انتبهي لا تسوي زي هذاك المحشش الي راح للدكتور وقلو اخلع كل سنوني وخليه زي الكلب قاعد لحالو من كثر ماكان يألمو ههههههه تكرمو ياحلووين
الله يهون عليكي ياررب ...

أموله الله يعوضك يارب بس ياليت تمسحي كل شي لعبوودي الله يرحموو عندك خلاص لانو ماراح يفكرك الأ بالألم والتعب وعرفه انو صعب بس لما تفكتريه ادعيلوو بالرحمه ولا ترهقي نفسك والله يرزقك عاجلا غير آجل ..

احلى عبوره الله يتمم لك على خير ويارب تجي مووني تبشررنا والله بصراحه حتى موني وحشتني ماشوفتها ليا يومين واكثر يمكن ..

كتكوته انتي لسا صامده ماشاء الله هههه الله يتمم لك على خير خلاص هانت ماباقي الا قليل اتوقعي في اي وقت توولدي أنا الحممممد لله طيبه وخلاص زي ماقلت لكم حاسه مررا بتعب وثقل الله يعينني على التاسع مدري ايش راح اسوي فيه بس يلا انا استناه بفارغ الصبر المهم ادخلو بأي طريقه ههههه < مسويه نفسها مو خايفه وانا ميته خوف خخخ

كوكو الحلوه كيفك يابطه اا مافقستي على قولهم ؟ هههه يلا خلينا نشوف مين اششطر انتي والا كتكوته هههه

أم الغالين وام يسوري كيفكم اخباركم من زمان ماهرجت معاكم وحشتووني بس العتب على الكروشه ههههه

كروزه الله يعينك والله الولاده تعب والحمل تعب مافي احد مرتاح بس دي ضريبه الزواج محد قلنا نتزوج هههههه

بنات نانا رجعت بيتها في الي في القريه قبل الرياض من اول اسبوع دوام وهيا قالت لي وقالت سلمي على البنات كلهم بس انا نسيت اقولكم ورجعت قبل ماتخلص الاربعين عشان زوجها طفش لحالو وقال انو ان شاء الله راح يساعدها ويخليها ملكه ههههه
وكمان قالت انو هناك مافي نت عشان كدا ماراح تدخل الين تشوف كيف تجيب نت في بيتها
بس هيا طيبه الحمد لله ومبسووطه ومافيها الا كل خيرر ..

ورحيمه كمان قبل اربعه ايام قابلتها في القروب وقالت انو مامتها اظن راح تسوي عمليه في الركبه الثانيه بس مدري متى بالزبط بعدين قالت انوو راح تطلع الرياض عشان مامتها عندها موعد عيون هناك يعني ان شاء الله تكون بخير بس مشغوله مع مامتها شويا ..


كتكوته وكوكو دحين لو ولدتو كيف راح نعررف ؟؟
راح تجو وتقولو لنا والا نستناااا الى أجل غير معلووم ؟؟ بس طمنونااا عشان لو قطعتو فجأه مانقلق عليكم والله يسسسهل لكم يارب ..

[نلي خانم]

السلام عليكم ياأحلى مكاويات
كيفكم اليوم ياارب تكونوا جميعا بألف خير وتكون هالسنه كلها أفراح على قلوبنا وقلوبكم
وأن شاء الله ربي يسهلنا جميعا أسهل ولادات وربي يرزق أموله وكوكب ونفرح فيهم قريب يارب أنك على كل شي قدير


أموله
هلا ياقمر كيفك
لا تنكدي على نفسك بسبب قدر الله كتبه عليك خلاص بأذن الله ربي راح يعوضك وأذا ماحملتي هالشهر الأيام قدامك وربي يرزقك ألين يرضيك
لاتزعلي نفسك بأذن الله السنه ماتنتهي ألا أحلى بيبي بين يديك خلي أملك بالله كبير ويارب نفرح بحملك بأقرب وقت

أنشوده
ها كيف حالك اليوم وكيف ضرسك أن شاء الله هجد شويه الله يعينك توكلي على الله وأخلعيه أهم شي لاتنبشيه عشان لايزيد ألم ماأدري ليش أكثر الحوامل يشتكون من وجع الضروس أحس أنه بسبب الكالسيوم اللي يخذه الجنين وبكذا تضعف الأسنان .... يمكن يكون تحليلي صح أو غلط بس ركزي على شرب الحليب يمكن يخفف من ألم أسنانك وتقوى شوي

أموره وكتوته
تدري أني أنبسط أذا دخلتي أحس التجمع ينور
ياحبيبتي الله يسهلك ولاده حلوه مثلك وهم كذا البكريات لازم يطولون
أغلب البكريات ياخذوا 10 أيام في العاشر عشان كذا لاتزعلي لما تتأخري الله يعينك وعبوره لما بتولد لأنها ولدت قبل كذا يعني مو أول ولاده لها طبيعي تولد قبلك
الله ييسر لك ياقمر ومايخلص الأسبوع ألا أنتي ولدتي ياااااااارب

وفعلا رحيمه ونانا وحنان وكوكب وقمر ليالي مكه وأم شوجي وكثير بنات مختفين فينهم عسى المانع خير وترى وحشتونا مررررره كلمه ولو جبر خاطر ياغايبات

[انشودةمطر]

هههههههههههه والله ضحكتيني ثلوجه
كم باقيلك على التاسع احس حركة الجنين صارت قوبه وزي الدوران والم تحت انتي كذا

[انشودةمطر]

نيلي والله اشرب الحليب مو بس شرب اشفطه شفط هههههههههههه

[ثلجه فوشيه]

ههههههه انشووده دووم يارب الضحكه خخ
باقي لي تقريبا سبعه ايام يعني اسبوع وادخل التاسع خلاااااااص وتبدا ساعه الصفر تدق خخخ

ايوا الحرركه ماشاء الله زااايده والله من أمس تجيني نغزاااات قويه تحت حتى امس جاتني نغزه وأنا بصلي مادريت عن نفسي الا وأنا اصررخ في الصلاه واتألم خخخ وكنت في آخر ركعه بس رجعت عدت صلاتي بعد ماخفيت هههه
وبالعافيه عليكي الحليب يابطه ههههه اشفطي اشفطي