دردشة بنات فلسطين, دردشة حوامل فلسطين, تجمع بنات فلسطين

[أم عزمي]

معلش يا صبايا غبت عنكم شوي أصله أجى أبو عزمي فتح الفيس بوك شوية و راح و بعدين أنا رجعت للنت
حواء ما شاء الل عنها بنوتك كرموشة و صغيرة يا روحي عليها هويدة هلأكبرت و تغيرت لما أصورها راح أحط صورتها صارت أحلى من قبل

[حواء مثالية]

بتعرفي انا عمليتي الحمدلله شبه طابت بعدين مو باين اني عاملة عملية خط كثبر رفيع وبلش يختفي الحندلله بحس مرات بوجع لما اشتغل واتحرك زيادة

بالنسبة لبرلنت برضعها مني جبتها وزنها اقل من 2كليو بس الحمدلله مع الرضاعة زادت وهلا كثير منيحة

بحممها كل يوم وهي بتحب المي كثير ما بتبكي بالمرة بالحمام

لهلا ما غلبتني بس مرات بتنام ساعات طويلة وبتصحى ساعات طويلة انا صرت انام على نومتها

[حواء مثالية]

هاي الصورة وقت خلفتها اول ما روحنا على البيت هلا كل يوم بشوفها بتتغير

[أم عزمي]

أها و أنا متلك العملية خط رفيع و اللي بيتعبني الشغل أحيانا بس الحمد لله تمااااااام بالنسبة للي بسمعه عن العمليات
و كمان هويدة متل برلنت ما بتبكي بتحب المية و النوم صار منتظم عندها بس احيانا بتغلبني يمكن من الشوب و الله

[احساس أنثى]

جمعه مباركه للجميييييييييع

حواء ماشاء الله عليها بنوتك ربي يحفظلك اياها ... وفعلا البنات مش بقولو بسبع وجوه يعني حتضل تتغير ^_^

عيون المها ربي يقومك بالسلامه يارب انتي واموراتك ياكريم

غموض انا اليوم معزومه عند اهلي عامله نواشف ( سنتشل ... كباب ... شيش طاووق ... وسمبوسه ... وفتوش على طريقتها ^_^ .. حمص .. ) تفضلو معي بتكسبوها هههههههه

مسك بعينك الله حبيبتي على القضاء المهم ابنك يكون بخير ... كل شي بهون ..

[احساس أنثى]

ميســــــــــــــــــــــــا ( موضوعك حلو )

أنا عن نفسي زوجي عيبو الوحيد مبذر هههههه احيانا بكون متلو واحيانا بتدايق لأنو الحياه اشي ومنو ... بس بالاول كنت متلو هلأ الحمد لله واقفالو لأنو فعلا القرش الابيض بنفع باليوم الاسود .. وومرت ايام وامن بكلامي هاد

وطبعا في تصرفات مابتعجبني لكن لاتعتبر عيوب .. بس بزعل منو بحرد ..برجع براضيني وبقلي يلي بدك اياه خلص بكره لاعمل هيك وهيك وهيك ... هههههه وطبعا بعد كم يوم بنرجع للعاده القديمه بضل طبع سبحان الله ...

بس من الاخر زوجي عسل والله ^_^ ...حتى حماتي بتقلي انتي مدلعاه هههههههههه

[أم عزمي]

غمووووض
بصراحة انتي اللي بتفهمي لأنهم بيستاهلوا هيك بس يا بختك على برود أعصابك كيييييييف بتقدري انه يزعل منك بتقولي لو يقعد سنة ما بصالحو أنا والله ما بقدر أنام ليلة و احنا متخاصمين حتى لو الحق عليه أنا بأبدأ بالمصالحة عشان يهدى بالي لأني من النوع اللي بيضلوا يهري و يبحص هههههههههه و مش صبورة يعني بعد ما تخلص المشكلة بثواني بتلاقيني بروح أكلمه عشان أشوف قابليته للكلام معي هههههههه طيب هو أكيد ما بيكون طايق حالو بهاللحظة المشكلة اني عرف هالشي و ما بقدر أغير طبعي هههههههههههههههههه

[احساس أنثى]

هههههههههه قلبك طيب ياام عزمي

انا معك بس مش دايما ... و\انا لما اكون غلطانه اه براضيييه ومش دايما كمان احيانا بخليه هوا يجي ويكلمني
وأحيانا بحزن عليه ههههههههه ... اولها انا كنت زييك بس تغيرت هلأ شوي

[أم عزمي]

احساس
هلا فيكي منورة حبيبتي صحيح أنا كمان زوجي مبذر و في تصرفات ما بتعجبني و متل ما بيصير معك بيصير معي ههههههههه بيقولوا الكلام من هين و بينسوه على طوووول هههههههه و أنا كمان عمي بيقولي انا و أهلي والله انكم مدلعينو عالآخر مهو يا روحي عليه امي بمقام امه الله يرحمها حتى أحيانا بيقلها يا ماما بس بجد هو طيب و حنوووووون و عسلللللللللللل

[حواء مثالية]

الله يخليكم يا رب ويعطيهم لكل مشتهي