دردشة بنات ليبيا , دردشة حوامل ليبيا , تجمع بنات ليبيا

[ام معاد]

شنو شكله مافيش حد، ام وسونة شكله الضي هارب ،

[عيون زوجي]

السلام عليكم
كيف حالكم كلكم كلكم
يلي فهمته من الصفحتين يلي قريتهم ان اسيل امريضه الف لاباس اعليها يا ايه وغلفيها بالزيت الدافي والفيكس
ومبروك الطاقم يا ام وسونه اتبيديه بالهني والصحه وعقبال هديه النفاس يارب يلي تجيب اوليد لازم هديه ذهب ويلي تجيب ابنيه لازم اهديه ذهب ههههههههههههه
ميمونه عودة ميمونه ان شاءالله
والبقيه شنو جوكم
انا طلعت من اسطنبول الساعه 12.30 الظهر ووصلت الساعه 2.30 ووصلت الحوش الساعه 4.30 وطلعنا لمحل الغذائيه وروحنا منه 6.30 وبعدها رقدت زي الثمرة الطايبه ما نندري على شي لليوم الساعه 8.30
انزلت لصاحبة الحوش واعطيتها زوز باكوات حلقوم تركي شريتهم من السوق الحرة يلي في المطار تخيلو 4 باكوات صغار ب 50 دينار ليبي لكن الطعمه اتجنن لو اذقوه تكرهوا الحلقوم يلي عندنا واتحسوه مطاط
وتوا الجو برا صقع درجة الحرارة 6 وريح ومطر لكن بنطلع رغم كل الظروف ونرجع نتلاقى معاكم لان الليل طويل هنايا سلااااااااام

[ميمونة]

هلا عيون ياسعدودك والله سفهتيني غير دفي روحك ودفي صغيورتك كويس واستمتعي بكل لحظه

[الفراشة الواحة]

السلام عليكم كيف حالكم اليوم

[ام قصى محمد]

السلام عليكم
كيفيك ميمو منورتنا بعد الغيبه
عيون تتهنى ان شاء الله ربى يسر امرك
ام وسونه يهبل الطقم روعه مشاء الله
تتهنى بيه
فراشه وام معاد منورينا
شفت الى كتبته حسيت بروحى فى فرح مصر >الناس الى فى الفرح<
اليوم فايزه مشت للروضه وروحت مبسوطه

[ام معاد]

الله يباركلك في بنيتك ياام قصي وعقبال اتشوفيها في الجامعة يارب

[ميمونة]

ام قصي كيف حالك والحمد لله بنتك ارتاحت شورها عجبها الوضع ربي يوفقها وتشوفيها مكمله قريتها وعروسه

[ميمونة]

وينكم انا اليوم مقعمزه هنا في المنتدي مافيش من يجئ يهدرز معاي

[ام معاد]

اني قعدة ياميمونة بين المطبخ والكمبيوتر

[ميمونة]

هههههههههههه

راسي وراسك والله مكسده مش عارفه نفكر انوض اندير حاجه مع اني عندي طلعه بس صقع ماخاطريش نطلع من تحت البطانيه