【ツ】أحلى تجمع لأحلى حوامل التوائم 【ツ】 ‏الجزء الثالث

[الفراشة الجميلة]

الياه الله يعطيك العافيه على الجدول
غرومة لايكون فيك هواء وداخلك براد تكبي بكبو الهواء واذا مانفع معك لازم تروحين للدكتورة تعمل لك سونار ضروري والله يشفيك ويعافيك

[متلهفه لضمته]

ايي الحمد لله رب العالمين

انتي شو اخبارك فرحة جديده ؟؟

[الياه]

مسا الخير

شخباركم عساكم بخير كروشات
سمحولي يالسة أسوي في الجدول وعدل من ساعتين
جدول الأمهات ما طاع يظبط عندي فغيرت الشكل
وهو اللي خلاني اطول فيه

مجرد انسانة/ وينج عسى ماشر مختفية
شفتج طولتي وما نزلت الجدول نزلته اليوم
وإن شاءالله تكونين بخير وعافية أنتي والتوينز
وكل غالي عليج

أحلى توينز

شخبارج وشخبار العسولات والعيال؟؟
حبيبتي أنت الوحيدة اللي سألت علي يزاج الله خير
ومثل ما تعرفين
أجازة وطلعنا دبي يومين، وكانت الكشته حلوة
ومتعبه كل ما ادخل محل أدور بس على كرسي
واشوف من بعيد الله يعينا
وعقب انشغلت ويا ريلي سافر امس فرنسا
واليوم معزمة ادخل وشوف الكل
بس خواتي يو عندنا وما زهبت عمري للدوام ابد
والله يعينا باجر
مب شاله إلا هم واحد كيف بنش الصبح وكيف بينشون عيالي
بعد كسل اسبوع وسهر


مبرووووووووووك لكل من دخلت شهر جديد
والله يسهل على حوامل التاسع ويبارك لهم في التوينز

وكل وحده عندها ملاحظه على الجدول ، ماعندي مشكلة
بعدل لها اللي تباه
والسموحه من الكب

فرحه جديدة/ يعطيج العافية على الدعوة الحلوة
ولك مثلها إن شاءالله

محبة رسول الله/ سلامتج وأجر وعافية ما تشوفين شر
ارتاحي على قد ما تقدرين والله يتمم لج على خير
وتوقيعج غير عن الأسبوع اللي انتي فيه
وضبطة لج

الفراشة الجميلة/ انضميتي لحوامل التاسع الله يسهل أمرج
ويقومج بالسلامه ويا عيالج

بنكي بنكي / سلامتج الف سلامة الغالية ما تشوفين شر
طمنينا عليج هانت كلها أيام وتفرحين بشوفتهم
والله يكتب لج الخير طبيعي أو قيصري

عذب/ هونيها تهون وإن شاءالله الله يكتب لج ولادة سهلة ميسرة،
وتقومين بالسلامة أنتي وعيالج وتشتاقين لأيام الحمل


كـــاسبر/ حبيبتي الله يعوضج خير
عسى ان تكرهوا شيئا وهو خير لكم، والله زعلت يوم شفت الخبرن والله يثبت لج الثاني ويبارك لج فيه
ويفرحج بشوفته

[الياه]

أول غرام

الله يبارك لج في التوينز وولدج وماشاءالله
اسماءهم حلوة ومميزة،
وسلامتج ألف سلامة اذا الألم م قادرة تحملينه
سيرة المستشفى وأطمني وطمنينا
وان شاءالله ما عليج شر

متلهفة لضمتة

شخبارج، بعد هالغيبة، الحمدلله أنج
اطمنتي على البيبي، والله يفرحج بشوفته وضمته

وباقي الكروشات الحلوات

كوفي كلرز، عشمانة في ربنا، ماء المسك، دموع الشوق
ألوان الحياة، ماءالزير، ديم الوفا، فوفو الأمورة
روعة ن، أم الحلوات، كوين، دانات" لج وحشة"
أم جمانة، توقيع، ميرة الورد، مايهم
هيونة، طوق الياسمينا، أنت وأنا
الأمل، عذاري، رضاك ربي، غلا ناصر
maha8181

ويا هلا ومرحبا بكل الحوامل الجداد على التجمع

سمحولي مضطرة أني أطلع

أشووووفكم على خير
وأن شاءالله نسمع عن الكل أحلى الأخبار

[هيونه]

الياه أنتي بعد مختفية زين جيتي تو كنت أحاتيك خيتوا عسى ماشر
والجدول تسلمي عليه
وبالفعل مجرد مادخلت التجمع الجديد ما ندري عنه شيء يارب يكون المانع خير

[بروفكشن]

هلا بنات شخباركم مع التعب

[أم الحلوات]

مساء الخير
مشكورة الياه على الجدول ربي يسعدك ماقصرتي

بالنسبة لي أنا الأثنين اكمل37 اسبوع واليوم كان عندي مراجعة
ولسى الدكتورة ماحددت لي موعد تقول بعد 38 اسبوع تقرر وقت القيصرية وهذا كلامها من أول
والسبت القادم عندي موعد والله يجعله آخر مواعيدي من غير شر يااااااااااااارب وتحدد لي القيصرية وارتاح وافتك
الظاهر لازم نمشي بالدور شكلي ماراح اولد إلا بعد عذب وبنكي ربي يهون عليهم يارب
وعلينا جميع

[متلهفه لضمته]

الله يعطيك العافيه الياه على تحمل عبئ تنزيل الجدول

الله يساعدكم عليه يارب

[اول غرام]

سويره
خلي واحد عند اهلك والثاني عندك
وبصراحه معك حق .. انا توي اصحصح لهم شوي
ولا بالبدايه كانوا مع امي ..
الحين تعبت ومليت هذي تصيح وهذا يبي رضاعه غير التنظيف والترتيب كل شوي .. يوووووه بس ارجع واقول الحمدلله نعمه الكل يتمناها..

محبة رسول الله
الحمدلله انها التحمت وربي يتمم لك ان شاء الله

اليــاه
يسلمو ع الجدول ربي يسلم دياتك ويسهل عليك ولادتك يارب
وموضوع المستشفى مالي خلق عليه ..
زود الغلا تقول الالم هذا عادي ويخف مع الايام
اذا طول اكثر من يومين بروح باذن الله للدختوره بتاعتي

فرحه جديده وكوفي كلر
الله يبارك بعمركم ان شاء الله ويتمم عليكم يارب

مهاوي
الشر مايجيك ياقلبي
والي قالته ساره صحيح ميه ميه ههههههههههه
مانبي نخوفك بس نبيك تشجعين وتعطين الموضوع اهميه
بالنسبه لي يبيلي انظم وقتي معهم ..
حسيت ان الرضاعه بوقت واحد ماتنفع
والطبيعي احسه مايكفيهم ..

الفراشه الجميله
وشو الكبو هذا وش مكوناته ..
لاني انا ماشاء الله علي امشي ع الارض حافية القدمين
فاتوقع يدخل الهواء ليش لا ...

[اول غرام]

متلهفه لضمته
اخبارك وش مسويه ..؟
اليوم مسيره علينا .. شكل ماسنجرك فاضي من الاهل هع هع
وش اخبار الحمل معك ... والوحم ان شاء خف ..؟