تجمع الحوامل اللي ولادتهم في صفر 1434هِ

[شوق جدة]

المشاركة الأصلية كتبت بواسطة اروي يقيني

هههههههههههه هلا زنوبه

ابي من هذا الجهاز انا بحرينيه مادري بالبحرين موجود او لا


ماتدرون اليوم شسويت ههههههههههه

رحت بركة سباحه مع صديقاتي

بس ماسبحت سباحه بمعنى السباحه لا قعدت بس في الماي بدون ماتحرك

ههههه لان كان خاطري

بنات من يعرف خطير او لا السباحه في البركه ؟؟؟

ياحظك......على الاقل دخلتي رجلك....
انا رحت مسبح مع اهل امي وانا حامل المرة اللي فاتت ..ومادخلت..وانا مدمنة مسابح..
نادوني لكن زعلت كيف ادخل رجلي بس ان ماراح ادخل مثل العالم والا ماابي....
اشوف البنات يضحكوا ويمزحوا وانا اتفرج بس..

[رسال]

هلا بك جمرة غضا شخبارك وكيف الوحام
انا عندي احساس عجيب اني مو حامل تغير علي كل شي ياربيييي يمكن من الخوف لاني اجهضت قبل حملي هذا
موعدي الاسبوع الجاي
بالنسبه لحركة البيبي البكريه ماتحس فيه الا اذا دخلت الخامس انا بالتحديد 4 شهور و10 ايام حسيت
والطفل الثاني بالشهر الثالث
الان انا بالاسبوع الحادي عشر وما حسيت بشي
وناسيييييه كيف يكبر البطن احس انه كبر من الخسر




على فكره كاتبه الرد من الظهر بس النت جنني

[رسال]

زينب منور بوجودك الحمدلله انا بخير
ورحت لدبي

حلو الجهاز من فتره داخل مزاجي علشان ارتاح نفسياً كل ما شكيت قمت اسمع النبض لكن ماظن موجود بالسعوديه
هاه كيف يستاهل اتحمس له

مهره اهلا وسهلا فيك

[ياهم ربي كبير]

العفوو يا خواتي العزيزاااات :)

الجهاز شريته من موقع بريطاني لاني عايشة بانجلترا

بس ممكن لو كتبتو اسم الجهاز بالجوجل
رح يطلعلكم موقع امريكي ، والمواقع الامريكية معظمها توصل لدول العالم

[ياهم ربي كبير]

بنات انا اليوم نمت ساعيتن
وكنت نايمة ع جهتي اليسار
وكنت احس بتحرك البيبي
:)
حركات خفيفة يحليله ههههههههه

[اروي يقيني]

هههههههههههههه

اي تحسين بحركات خفيفه

الله يتمم لنا على خير

بنات من قاعد ابي اسولف متملله

[ام الـولـيـد]

ماشاء الله يازينب الله يتمم حملك على خير وتحسي بحركات النونو بين يديك يارب ياكريم

كيف الكروشات معاكم , مدري لحد الآن مو متأكده اني دخلت الثالث لاني من زمان ماراجعت

دكتورتي مسافره وماحب اغير , وآخر مراجعه لي لما كان لي خمس اسابيع او شيء بسيط

اللي دورتها كانت في 11 / 5 هجري ترد علي شنو قالت لها الدكتوره لما راجعت قريب

ياليت تطمنوني هل فعلن دخلنا الشهر الثالث <<<<< فيس مو مصدق يارب لك الحمد والشكر

[ياهم ربي كبير]

اروي يقيني امين حبيبتي
انا قاعدة بس ماني مطولة
:) تفضلي عن شو نتكلم هههههههههه


ام الوليد وإياكي يا غلا وكل البنات ، الله يسعدك يارب
ايه انتي بالشهر الثالث لان الشهر الثالث يبدأ من تسع اسابيع
الله يتمم لك على خير يارب

[هدوووء الكون]

ما شاء الله ع البنات اللي حسو بحركة البيبي


الله يخليه لكم يارب و يرزقنا شوفتهم بصحه و عافيه

[ياهم ربي كبير]

آمين يارب
عقبالك يا قمر
:)