دردشة حوامل مصر - دردشة بنات مصر - تجمع حوامل مصر

[دودى اشرف]

توته هو انتى الدكتورة اللى قالتلك تنزلى فى السابع ولا انتى من نفسك .... اصل جوزى كان هينزلنى فى التامن وفى دكتور قالى فى اى وقت تنزلى مش مهم ... والدكتورة اللى تابعت معاها قالتلى اخرك السابع او قبل كده بعد كده لا

[يارا ويوسف]

المشاركة الأصلية كتبت بواسطة somia

توتة انتي مش حاسة انه بدري على نزولك يعني استني أما تبقي في الثامن مثلا؟؟؟

لاياسومة صح كدة مينفعش تنزل فى التامن انا قريت فى المنتدى هنا مينفعش الحامل تركب الطيارة فى الشهريين الاخريين اللى احتمال فرص الولادة فيها اكيدة هيا صح كدة تنزل وتتوكل على الله علشان مينفعش تنزل فى التامن

[توتة السيد]

ربنا يوصلك بالسلامة يا رب يا توته ... ويقويكى .. انا كمان ان شاء الله لما انزل هقعد فى شقتى برضه شوية علشان اللى هييجى يسلم خصوصا انى اصلا متجوزتش هناك فاماما بقى ان شاء الله هى اللى هتجيلى ... ربنا يطمنك عليهم يا حبيبتى ويرجعولك بالف خير وعقبالنا جميعااااااااااا يارب منحج جماعة


الله يسلمك ياحبي

وربنا يخليلك ممتك يارب

ربنا يخليكي ياقمري يارب ان شاء الله جماعة

[somia]

سومة الحمد لله انا بخير..
دودي علاقتي بيهم الحمد لله تمام وأنا أعرف وحدة كنا بنجيبها عند ستي وهيه أمينة قوي وغلبانة جدا يعني ممكن تيجيلي وأبقى أديها فلوس المواصلات بس المشكلة الصراحة اني كنت بحس ان زوجي مبيستريحش اما كنت عند جدي مع الست وهي بتنضف من الموضوع ده وده اللي مخوفني زيادة اني أقوله

[دودى اشرف]

صحيح يا توته ... اخدتى موافقة من الدكتورة بسفرك بالطيارة ... انا اصلى قريت برضه على النت كده وجوزى قالى بما انه شغال فى الحجوزات بتاعت الطيران ان لازم يبقى فى اذن بالسفر للحامل علشان ركوب الطيارة خطر المفروض على الحمل فى شهور معينة ... فا ممكن تتصلى بيها لو مخدتيش اذن مكتوب منها وتسأليها ... انا سألت الدكتورة برضه اللى روحتلها وقالتلى اخر مرة هتيجى فيها هتقولى بس انك عاوزة اذن بسفرك علشان المطار

[توتة السيد]

توته هو انتى الدكتورة اللى قالتلك تنزلى فى السابع ولا انتى من نفسك .... اصل جوزى كان هينزلنى فى التامن وفى دكتور قالى فى اى وقت تنزلى مش مهم ... والدكتورة اللى تابعت معاها قالتلى اخرك السابع او قبل كده بعد كده لا


والله ياقلبي انا من نفسي اللي نازلة

بس كل مرتات اصحاب جوزي بينزلوا في السابع بيقولوا

ان في شركات طيران مابتسفرش الحامل بعد السابع والله اعلم

وفي شهادة اصلا لازم الدكتورة تطلعها علشان تقدري تسافري ولسه مش عرفة

[دودى اشرف]

سومه عاملة يا حبيبتى فى الوحم والحمل عامل معاكى ايه ؟؟؟

سمية والله الله يقويكى انا بحاول اشوف حلول معاكى ... طيب لو هما عندك بيجيبوا حد قوللهم انك عاوزاها .. شكلك خجولة مووووووت ... بس دى حاجات عادية يا بنتى والله انتى مش بتطلبى حاجة غريبة ولا مش بتحصل ... ربنا يسهلك الحال يارب

[توتة السيد]

لاياسومة صح كدة مينفعش تنزل فى التامن انا قريت فى المنتدى هنا مينفعش الحامل تركب الطيارة فى الشهريين الاخريين اللى احتمال فرص الولادة فيها اكيدة هيا صح كدة تنزل وتتوكل على الله علشان مينفعش تنزل فى التامن


تمام ياطمطم وانا كمان سمعت كده

[توتة السيد]

صحيح يا توته ... اخدتى موافقة من الدكتورة بسفرك بالطيارة ... انا اصلى قريت برضه على النت كده وجوزى قالى بما انه شغال فى الحجوزات بتاعت الطيران ان لازم يبقى فى اذن بالسفر للحامل علشان ركوب الطيارة خطر المفروض على الحمل فى شهور معينة ... فا ممكن تتصلى بيها لو مخدتيش اذن مكتوب منها وتسأليها ... انا سألت الدكتورة برضه اللى روحتلها وقالتلى اخر مرة هتيجى فيها هتقولى بس انك عاوزة اذن بسفرك علشان المطار

زي ماقولتلك في شهادة بتطلعها الدكتورة ولسه مش عارفة

لما ارحلها بقي

[somia]

دود لا حماتي مش بيجيبوا حد احنا بنجيب واحدة تنظف عند جدي