تجمع مواليد شهر ( ذو الحجة ) لعام 1434 ه بإذن الله

[¤♥ أنثى حآلمه ♥¤]

سلام جميلااتي كيفكم ...
غيمة مطر الحمدلله على كل حال وربي ينصرك على كل من ظلمك وظلم بنتك
بيللي الله يهونها عليك وهما الرجال كذا ياحبهم لاصاحبهم يعتبرون الزوجه مكمل لحياتهم واحنا نقدسهم كأنهم الحياة
ان شاء الله تبشرينا بسلامتك
ماشاء الله السوالف كثيره مالحق ارد
عيون امها & اخت عبد الرحمن & كابتشينو &ام لموش كيفكم
الهاديه مختفيه من زماااان عساها بخييير وتبشرينا بسلامتهاااااا
انيقه ان شاء الله تكون بوادر ولاده وتبشرينا .......
ام تولين وينك مختفيه .. والمشرقه ... وروح المدينة ياهو طمنوووناااا

[غيمة ومطر]

هلا بنوتات
ازيكووووا خواتي
كيف عاااملين
اممممم عني ابشركم طيبة والحمدلله
يمكن عقب مسكن الالم ماعاد حسيت بشي
بس الله يكرمكم لما رحت الحمام كان عندي مغص زي الدورة او مثل البرد ببطني
شوي وراح
المهم ابتوضا وبصلي
وعسا الله يفرجها لنا هاليوم يااااارب
ويجعل بهاليوم بركة وخير ونعمة وصحة يااارب
ويجعلنا امهات باذن الحي القيوم يااارب

[¤♥ أنثى حآلمه ♥¤]

اخباااااري اليوووم
رحت المستشفى بعد ماتعبت وحسيت زي المويه نزلت مني
طبعا رحت للمستشفى اللي ناويه اولد فيها .... وفتحت ملف .... وكشفت الدكتوره
والصدمه .. كل هالتعب الاسبووع اللي فااااات نص سم اللي فتح والعنق قاسي وبعيد والرحم فووق الرأس مانزلت بالحوض
يعني خرجت متحطمه الحمد لله على كل حال .......

[toome]

صباحووو


اخباركم كلكم صامدين مثلي هههههههههه عسى الله يعجل لنا بالفرج قولو امين ،،،


صبايا انا موعد ولادتي ب20 اكتوبر يصادف سادس العيد

وامس رحت اسوي سونار وقدمني قالت ولادتك 16 اكتوبر اول يوم بالعيد



شرايكم ايش اللي يكون حسابه صح ؟؟؟؟

[عيون امها]

الاصح هوه حساب الدوره
انا قبل كذا لخبطو في حسابي بسبب الاشعه مقدمتني ....
ورجعوا لاشعة اول 5 شهور طلع حسابها نفس حساب الدوره....
الله يقومك بالسلامه ياقلبي

[ام لموووش]

غيمة ومطر اللهم امين
انثى حالمة الله يهون عليك مابقى اكثر من اللي راح
تووم حساب الدورة والسونار الاولاني هو الاصح
هذا كلام دكتورتي عشان الاسبوع اللي راح قالت لي اني اول يوم بالتاسع وانا اقول ع حساب السونارات القديمة اكون لي اسبوع
قالت الدورة والسونار القديم ادق شي

[بيللي]

اليوم رحت المستشفى

وكشفو علي من تحت وقالو مقفل مره


وربي جاني احباط


وقالو لازم تنويم وطلق صناعي لحد ماتولدي


صراحة حسيت بالخوف وقلت لا ماابي


قالو مايصير دخلتي العاشر بعدين مويه الجنين تنشف

وسو تخطيط قلب للجنين


مليت الموضوع طول

قالو لحد الان سليم بس ماتطلعي


طلعت على مسوليتي وقلت برجع لكم بالليل


:(


بس جد الكشف يالم اجل كيف الطلق


الحين احس اني دايخه

[ani8h]

مسساء العسل ..

فديت من سأل عني ..ابششركم للحين صااااااااااااااااااامده ..
كلمت دكتورتي امس قالتلي عادي مايعتبر طلق ولاشي ..
تحطمت من ججججججد:"(

شكلهم مسوين تحالف عيالنا .ناويين يعيدون ف بطوننا .ههههههههههه
باقي يومين واخلص التاسع ..
يارب سهل الامور..

[غيمة ومطر]

هلا بنات
مساكن الله بالخير
شو اخباركن

انا والكرشة طيبات والحمدلله
وامورنا ياربي لك الحمد باحسن ما يكون

امممم مليت بصراحة
ولي يوم و ١٣ ساعة وانا تركت الخلطات خير شر
وفليتها بالممنوعات
لاني اعرف وقت النفاس راح انحرم منه
طبعا خربتها ايس كريم وبيتزا هت ومشروبات غازية
ولا بعد
طلعنا الصبح نفطر بره بالاستراحة
راح العب بالمرجيحة جلست اتمرجح
لين فجأة لقيت امي واختي يركضون علي
يامجنونة بتطيحين البنت بتموتين البنت
انزلي من المرجيحة هههه
مانزلت الا لما جا اخوي وقال ترا وحدة من السلاسل خربانة ومو مثبته خفت اطيح فنزلت
وجا وقت الغذا
امي حطت قسمت اختي وقسمتي ( جريش باللحم مع القرصان ) وحلي ( مراصيع بالعسل والسمن )
جلست اناظر يمه هذا اكل النفاس
قالت كليه زين لك وخذي لكم ثلاجة زنجبيل بالزعفران
ياااااساتر
واناظر
يااااسلام فلينها
ياكلون برجر دجاج وبروستد وبطاطس مقلي و متكين ع البيبسي والفانتا وشبس وشاي وحركات
سلامات
خربتها
ورحت اكل من اكلهن
وتونا رجعنا من الاستراحة
طبعا لا جديد
مافي الم ولا وجع بالعكس احس بنشاط واحس نفسي مستصحة
ولا عاد نزل مني لا دم ولا موية ولا يحزنون

طبعا انا ملاحظة ان الكرشة صغرت شوي
وتكورت بدل ما كانت كانها كورة منسمة
لكن يوم قست الطول والعرض بالمتر لقيتها اقل من قبل اسبوعين بكم سانتي
غريبة ماني عارفة وش القصة يمكن لاني جالسة انحف كل فترة عن فترة
يالله ربكن كريم

وشكلنا بنخلص الشهر العاشر ولم نولد بعد
او بالاصح راح نعيد ولسااااا الكرشة مرتزة


الا صحيح بنوتات
مين ناويه تسافر باجازة العيد هذي
يعني حق ٤ ايام ع قولتهم

ولا الخوف من الولادة حابسكن بالبيوت ؟؟!!

اهلي ودهم بالخبر او الجبيل !
لانهم شافوني مطووووووولة ولا فيه بوادر للولادة
وطبعا انا معهم بروح بتمشي
وطبعا السفر بالسيارة مش بالطيارة
لاننا بنروح على ثلاث سيارات
تعرفون امي
سيارة بس لمعدات الطبخ من قدور وسكر وشاهي ورز وخلافة
سبحان الله ما يجيزها السفر الا وعدة المطبخ معها
الله يسعد قلبها ويحفظها لنا يااارب

المووووهيم
انتوا
شو
فين
قررتوا تتمشوا
ع جناح الطواري كل ليلة
ولا بتسافروا وبتعيدوا ف الاجازة


عطوني امكان تقترحون السفر فيها ابو ٤ ايام بالكثير
انتظر ردكن ياااحلوات

[غيمة ومطر]

ههههههه
اخت toome
ريحي راسك
قال ايش حساب الدورة او السونار
ياماما
انسي الموضوع
كله بيد الله
حنا خلصنا حساب الدورة والسونار
ولا بعد ماخذين فترة تمديد
العلم عند الله
والله اللي يعلم متي تفيض الارحام ومتي تزداد كله بعلمه
ومانقدم ساعة ولا نستاخر الا بعلمه سبحان الله
فوسعي صدرك
ولا تحسبي شي

احطمك اكثر
ايش رايك ان موعد ولادتي كانت حددته لي الدكتورة قبل اختي باسبوعين
وولدت هي قبلي والان هي خلصت الاسبوع الثالث من النفاس
شكلها بترجع بيت زوجها وانا لساااا حااامل
سبحان الله
التاريخ اللي عطتني الدكتورة اولد فيه ولدت فيه اختي
وانا والله العالم متي راح اولد
الظاهر عقب العيد
ويمكن بنهاية ذي الحجة

الموهيم
انسي بس
بجد توترنا بالتعداد والحسبة
وبالاخير
لساااااا هههههه