دردشة حوامل القطيف- تجمع بنات القطيف

[حيدرية الهوى]

دلوعه

انتي عندك خبره الحمل فيه الام مثل الدوره

[مشمر زري]

دختورتي القمره وحشتيني وااااااجد

سؤال اليوم

الى الحين عندي وحم وش السالفه ؟؟؟؟

لوعه من الصبح و نخزات صدري و الم خفيف عند سري عااادي لو ؟؟؟

[مشمر زري]

هلا حدوره عافاش الله كيف حالش اليوم ؟؟؟؟

[حيدرية الهوى]

مشامر

هلا خيه اني بخير الحمدلله مع شوية ملل
تعرفي اليوم جمعه واني مااحب اقضيه في البيت واليوم ماطلعت

بالنسبه لسؤالك
يمكن للحين هرمون الحمل مارجع لمستواه الطبيعي
يعني لسى مرتفع علشان كذا تحسي بمثل الوحم
اعرف وحده صار لها هيك حتى شكت انها حامل وهي سقطت طلع الهرمون مانزل عندها

[ام نور علي]

اهلين حوامل
اخباركم واخبار البيبيات
بالنسبة ليي تعبانه حدي كله الم في الظهر ويزيد خصوصا اذا جيت بنام اقعد اعاني حوالي ساعه وساعات يتطور ويجي الم اسفل البطن مال الدوره وينزل الى رجولي
ماني عارفه من ويش هالالم هل هو من تطور الجنين وحجمه ولا شنو
ولا اقدر اتحرك واذا تحركت يزيد الألم
والاكل ماكو رغبة بتاتا وحتى لو غصبت على روحي واكلت تلوع جبدي وتصير نفسي بفرغ ولا افرغ ساعه اقول يمكن لو يصير تفريغ برتاح
اليوم كنت مخططه اروح ويه زوجي الخبر بس من التعب ولا اكلت شي من الصبح الى الساعه 3 ومارحت تالي رحت بيت أهلي قعدت شوي وانفتحت نفسيتي للأكل شربت ليي شوربه وحسيت نفسي شوي نشاط بس تالي رجع الخمول والتعب ولوعة الجبد حتى حرمت روحي من روحة الكورنيش

الي مر بهالشي يقول ليي ويش أسبابه وهل في خوف على الجنين
طبعا مافي افرازات ولا دم بس المشكله كله الم و تعب
دعواتكم ليي بالفرج والشفاء :(

[همس آلوجدان]

ام نور

ماتشوفي شر ان شاء الله .. شكلك في بدايه الحمل .. الله يسهل عليك

وبالنسبه للالم احس بدري عليها لو كنتي في بداية الحمل لان الجنين لساته صغير ولساته ماكبر او يضغط على الرحم .. لان في السادس الى التاسع اهني الثقل وتبدأ الالم والحامل تحس بصعوبه في التقلب عند النوم

واذا على اللوعه فهذا من الوحم وشي طبيعي جداً ..

المهم انتي حاولي اتاخدي شاور حار وان شاء الله ترتاحي

وماعليك شر ان شاء الله :)

[miss sweet]

مراااااااااحب

العفووو قلبووووووو اني كان عندي من زمان وستفدت منه واجد

[ام نور علي]

المشاركة الأصلية كتبت بواسطة همس آلوجدان

ام نور

ماتشوفي شر ان شاء الله .. شكلك في بدايه الحمل .. الله يسهل عليك

وبالنسبه للالم احس بدري عليها لو كنتي في بداية الحمل لان الجنين لساته صغير ولساته ماكبر او يضغط على الرحم .. لان في السادس الى التاسع اهني الثقل وتبدأ الالم والحامل تحس بصعوبه في التقلب عند النوم

واذا على اللوعه فهذا من الوحم وشي طبيعي جداً ..

المهم انتي حاولي اتاخدي شاور حار وان شاء الله ترتاحي

وماعليك شر ان شاء الله :)

الشر مايجيك غناتي .. توي في نهاية الشهر الثاني بدخل في الثالث 5 يوليو
ماادري شنو سبب الالم وتوي اول مره قلت يمكن هيك بداية نمو الجنين فيتسع حجم الرحم تلقائي كل ماكبر
من ناحية الشاور من اخده احس بنشاط بس تالي بعد فتره يجي ساعه ارجع زي ماكنت
هدا توي في بداية حملي وهيك اجل اذا وصلت السابع ويش بيكون حالي
الشر مايجيك حبيبتي :)

[ليلى محمد]

هلا مشامر
زي ماقالت حيدرية هذا بسبب هرمون الحمل مانزل
وانت كيف عرفت انك سقطتي سويتي سونار؟؟؟ وطلع الرحم نظيف 100٪ ؟

ام نور علي
عادي الوخزات والالم اسفل البطن في 3 شهور الاولى
وهذا الي فيش وحم وتعب بداية الشهور وترى يكون مالش مزاج تطلعي بس اذا طلعتي تنفتح نفسيتش بالعاة المتوحمه ماتحب شقتها او بيتها اني آكل برى الشقة واذا رجعت البيت استفرغ ):
الله يعينش

[miss sweet]

الله يساعدش ام نووووور

انشاء الله من تخشي الثالث ترتاحي

ناس مايحسو بالحمل وناس يصير عندهم الثقل وكل شي من البدايه

لاتحاتي خيتووو اعرف ناس واجد زيش ودكم ولدو

اني نفسي كله تلعي وخصوصا الظهر وقت الغدى اكل شي بارد واخف

وداني عايشه على السلطات والتبوله ماقدر اكل شي ثقيل

دعواتش خيتووووو