دردشة بنات فلسطين, دردشة حوامل فلسطين, تجمع بنات فلسطين

[أم عزمي]

صباح الورد عأحلى صبايا
كيف أصبحت اليوم؟
ميسا انشاء الله بتنبسطي ببيت أهلك يا عمري موضوعك كتير حلو أنا بحب الصراحة و ما بخبي على جوزي أي شي مع انه الكل بيقول انه مش كل شي بينحكى للزوج لكن ما بعرف ما بينبل بتمي فولة ههههههههه لدرجة اني و أنا خاطبة لما كنت بدي أطلع مع أهلي أخبر أبو عزمي بطلعتي و لو بدي أروح عند صحبيتي اللي هي بنت جيراني الحيط بالحيط كنت أتصل عليه و أقوله و طبعا هذا كلو تقريبا قلب عراسي هههههههههه يعني مش دايما بيقلب هههههههههههه
بس بصراحة يا بنات و بجد انه مش كل شي بينحكى للزوج و أحيانا في مواقف الكزب فيها محلل و لا شو رأيكم؟؟؟؟؟؟؟؟؟؟
عيوووووون المهاااااااااا بكرا العملية انشاء الله ربنا يهونها عليكي و يقومك بالسلامة انتي و حبايب ألبك طبعا راح تفوتي بأقرب فرصة و تطمنينا عنك و عن البيبهات

[حيفا]

اليوم الخميس روحي عند ماماتک احسنلک ههههه

[Heba T]

والله انا زهقت من الدار

[أم عزمي]

ميسا حبيبتي بالنسبة لسؤالك عن عزمي و هويدة ....... أنا صارلي سنة و 7 شهور متزوجة و حملت بعزمي و وولدته ولادة مبكرة على آخر الشهر السابع و عاش 5 أيام بالحضانة ما صرخ و لا فتح عيونه عالدنيا و بعدها توفى و حملت بهويدة و عملولي غرزة بعنق الرحم عشان ما يحصل ولادة مبكرة و الحمد لله جبتها بخير و سلامة و الله يرزقني بعزمي تاني بس مو هلأ ههههههههه
حيفا متل ما قلتي أنا بعمل أحيانا بجيب الحكي بطريقة تانية لتفادي حدوث المشاكل ههههههههههههههههه
هبة يسعد صباحك روحي عند مامتك أرررررريحلك بس طبعا من بعد رضا الباشا بتاعك هههههههه

[أم عزمي]

ميسا بنوتاتك شكلهم لزيزين كتير و خاصة الصغيرة اللي قلتي عن شعرها المكرمش شكلو كتييييير نايس عليها بس الصورة صغيرة بدنا صورة أوضح
حييييييفااااااااااااا و أخييييييييرا راح تروحي على عزيمة الماما يا روح الماما انتي و الله يا بختك أنا بدأت أغير منك شو هالمحبة هاي كلها كل يوم معزومة عند حدا و الله ياعم بس بصراحة كمان الفطور ببيتك مع زوجك كتير رووووعة أنا هذا تاني رمضان الي و بنبسط عحااااالي لما أطبخ و أعمل الفطور و أحضر السحور حلوة الاستقلالية بحس حالي ست بيت هههههه و الله كبرنا و صرنا ستات بيووووت ههههههههه و بعدين لأني ما كنت أعمل شي ببيت أهلي و هون طبخت و غسلت و عجنت و لقيت حالي بعرف كل شي انبسطت كتيير عحالي هههههههههه و بصراحة و لا مرة خربت شي طبخة مع اني ما كنت أعمل شي عند مامي هههههههههه

[أم عزمي]

بينك روز يسعد صباحك وين امبارح ما بينتي بالمررررررررة
سما الدنيا انشاء الله تكوني بخير انتي و عموووور امبارح ما بينتي بس ما يكون عمور مغلبك هههههههههه
بنت الضفتين أكيييييييييد ولدت بس متى تيجي تطمنا عنها؟؟؟؟؟؟؟؟
العسووووووولة مفقوووووووودة انشاء الله خييييييييييير
و لكل الصباااايا الغايبين اللي ما زكرت أسماءهم طمنونا عنكم و لااااااا تزعلو مني و الله زاكرتي زفت من بعد البنج تصدقوا امبارح أبو عزمي طلب مني أعمل شاي و كنت متمددة و قلتله يلا هيني قايمة المهم نسيت حالي و نمت و فجأة أجى أبوعزمي بيقولي وين الشاي أنا صحيت على هالكلمة قمت حضنته و أعطيتو بوسة و قلتله معلش يا عمري ما بعرف كيف نمت هلأ بعملك بالعجل انتا روح شوف الشباب شوي و بيكون جاهز طبعا أنا عملت هيك خفت من البهدلة ههههههههههههه

[أم عزمي]

وينكم يا صبايا نمتوووووووو و لا شووووووووووو
هبة- بينك روز- حيفا وييييييييييينكم

[بينك روز]

هلا ام عزمي حبيبتي
والله امبارح كنت تعبانه كتير
حلقي ملتهب وكحة دبحت صدري
رحت على اهلي شوي اغير جو

[حيفا]

حبيبتي ام عزمي مرتين طبخت بالبيت من اول رمضان
والباقي عند حماتي ويوم عند بيت عمي
انبسطت اکتر شي باليوم اللي ببيت عمي لاني شفت بنات عمي وعماتي وبناتهم والله اللمه حلوه کمان
صحيح الفطور مع زوجي لوحدنا حلو بس هو ما بيکملها لانه بعد الفطور بنروح ع بيت حماي يعني لا مفر هههههه
اناوما نمت بس جهزت زوجي للطلعه عالشغل اليوم کان ماخده اجازه بس اتصلو عليه بدهم ياه ههههه
المهم انا بشوفکم العصريات بس اوصل بيت اهلي لاني هلا طالعه عالسوق وبعدها ع بيت اهلي

[أم عزمي]

حبيبتي ألف يلامة عليكي ديري بالك عحالك وروحي اتحكمي
كيف أهلك انشاء الله بخيييييير