تجمع للحوامل اللي موعد ولادتهم شهر 5 جماد الاول

[الملاك]

ايوه اجل 29 دخلتي شهر الثامن,,,

يعني بنولد ورا بعض ان شاء الله,,

الله يتمم لنا على ياااارب

[سحر البرا]

الله يسعدك يااااااااارب

ويعطيك العافيه

والله يتمم عليناااااااا يارب

يالله انا استاذن

لان احس اني ضاغطه على بطني من الجلسه

[ام عبدالرحمن21]

لالا شكلها ماتعرف
انا 13\8 وثقة الدكتورة قالت لى اخر يوم لك با التاسع 1\6 يعني انشاء الله اولد قبل يعني شهر 5 كله شهري ال9 ومابيني وبينك الا يوم

[ام عبدالرحمن21]

قومي ارتاحي الله معاك

[ام عبدالرحمن21]

انا احس جاني ضغط با المثانة بقوم ارتاح اشوي
الملاك شكلك نمتي

[معنى الغرام]

مشتاقه اشوف نوني..
ياقلبي انا زيك بالتمام حامل بكريه وليه 15 يوم بالثامن

[الملاك]

ام دحوومي هلا والله,,,لا والله مانمت بس طلعت من بيت اهلي والحين في شقتي هع

[ملكتني بهمسك]

السلام عليكم ورحمة الله وبركاتة


كيفكم يا احلى كروشات ان شاء الله كلو تمام..

حبيت اكتب لكم هالموضوع من تجربة..


مستعدات تفضلوا ..

حبيباتي ..


كلنا نتمنى حمل من غير تعب ولا وحام ولا ثقل ولا الم بالظهر ولاحرقة


معدة ولا الم بالرجلين ولاولاولاولاولا كل متاعب الحمل..



ولا طلق ولاالم الولادة ولا مابعد الولادة ..



كل هالامور قضاها الله علينا ولا يمكن نمنعها ولكن !!!


فيه شي اذا سويناه نمر بجميع هالمراحل واكثر وماراح نحس فيها او

احساسنا فيها جداً قليل ..


تدرون وشو؟؟


هو الإحتساب ..


نعم الأحتساب ..احتسبي اي الم تحسين فيه وشوفي كيف رح

يتغيراحساسك بالألم ..


يعني ..اذا حسيتي بألم معين قولي بقلبك يارب اني احتسب هذا الألم عندك

ان اجد اجره يارب بسجل اعمالي يوم القيامة ..او اي عبارة مافيه عبارة

معينه ..

وبعدها والله يا بنات عن تجربة رح تحسي الالم اختفى او خف مرررره ..


وهذا الشي انا مجربته قبل الحمل بأي شي يؤلمني اجد انه يخف او يروح
تماما ً..


واذا فكرنا ياخواتي بمنطقية ترا كلها شهور وكل آلآمنا ان شاء الله بتروح


ومايبقى لنا الا أعمالنا الصالحة اللي نلقاها بسجل اعمالنا يوم نلقاه ..


برضو بالولادة ..انا اعرف انه الم لايُطاق وانا جربت الطبيعي وكمان ممن


جربن وحكالي انه وقت الولادة يطلبون منكم ماتصارخون عشان تركزين

معاهم بالدفع ..

وانتوا عارفين ان الانسان كل ماصبر ع الالم كان اجره اعظم ..


وكل ما تشكى وصارخ يقل الاجر ..طيب ..ليش ماتستغلين الفرصة بوقت

الولادة اذا سكتوك انك تسكتين لأحتساب الأجر وبتشوفين التساهيل بإذن
الله..

برضو الآن ببيتك مع زوجك واطفالك ..احتسبي الأجر بكل عمل تسوينه لهم


حتى لو ابتسامتك بوجه زوجك وانتي تعبانه وطفشانه احتسبيها ولاتنسين

انها صدقة بعد ..


اكل اطفالك شربهم تلبيسهم كل شي يخصهم احتسبي بدل مايسير روتين


يومي خليه عبادة وخلي عداد حسناتك شغال يحسب لك ..



حتى اكل جنينك والكالسيوم والحديد احتسبيه وكله بأجره ..



كل شي بحياتك احتسبيه عند الله وبتلقينه بالآخرة بإذن الله تعالى ..

حبيت اشارككم بهالموضوع..واحتسب الأجر عند الله ..


وحقوق النقل سواءاً خطياً او شفهياً مشاعة لكل مسلم ومسلمة وجزا الله

خيراً من تنقلها لغيرهاسواءاً خطياً بمواقع او ايميل او شفهياً ليعم الأجر

بحول الله وقوته ..أسأل الله ان يكون عملي هذا خالصا ً لوجهك الكريم .



اخيرا ً ..لاتحرموني من دعواتكم الحلوه بصلاح نفسي وزوجي وعيالي وان

يُقر الله عيني بولادة طفلي سليما ً معافى تام الخلق والخلقه وبقدومه يجيننا الفرج وان يكون عبدا ً

صالحا ً واجعله رب رضيا ً اللهم آميييين .

[ام جنووو]

هلا بنات في احد ولا اطلع

[ام جنووو]

ما شاء الله تبارك الله
درر درر كلامك ملكتنى
وجزاك الله الف خير يا قلبي
كيفك اليوم وكيف حال العيال