تجمع مواليد شهر ( ذو الحجة ) لعام 1434 ه بإذن الله

غيمة ومطر · 10-09-2013, 08:18 PM

بيني وبينكم خواتي
ما ادري طلعت مرررة فرحاااانة
اصلا وانا من السيارة وهم يزفوني بكلامهم
يالله اليوم بتولدين
وجاك الموت ياااتارك الصلاة
خلاص بيشقون بطنك
اليوم بتدخلين غرفة العمليات
بصراحة رعب كان الموقف
بس يوم طلعت
حسيتهم هم اللي زعلوا
وانا طالعة اضحك وفررررحانة
والله حالتي غريبة بجد
ههههههههههه

غيمة ومطر · 10-09-2013, 08:26 PM

بيللي يااااحلليك ههههههه
اجل ما رحتي
ام الخووووف والرعب ياشيخة
روحي اولدي علشان نبارك لك خخخ
ابد البنت اخذت تمديد وفرررحانة
رغم اني مليت والله من الحمل وانقرفت وابغا اولد امس قبل بكره
بس لما رحت اليوم
طلعت مبسووووطة
مثل اللي كانوا ناويين يسوون له قصاص واخروا له الحكم
ياعيني ع الامثال
المهم حسيت اني فرررحانة
وعصبوا اهلي
بعد الموعد
ودوني السوق ومشطوني تمشيط
امشي علشان تولدي
الناس ولدت وانتي معمرة
هههههههه
ولا بعد من زود الفلة
جالسة اتشرط
ابي بيتزا هت
وايس كريم
وابغا سفن اب
خررربتها
عقب الخلطات والشغل والتعب
قلت طز
خليني بس افلها بس
وش وراي
دامهم حددوا قيصرية
خلاص
خلوني افلها هالاسبوع
قبل القيصرية
يالله
عقب كل هالتعب
وما ربي اراد
خلاص
اللي كاتبه ربي يصير
لاطقها فلة واكل كل الممنوعات واتفرج واتسدح بالتلفزيون
متي ما ربي اراد راح تجي
ليه اهلك نفسي وبالاخير خذيتها ع وجهي قيصرية
يالله
بكره يا قيصرية
يا اتمدد اسبوع ان طلع راسها بالحوض
عندنا الطب تجااارب
خرطي
تقربع ببطني ساعة
ولا عرفت وين راسها ووين ظهرها
تبي تشوفها بالاشعة
اوكيه
شوفيها
ما ورانا شي خخخ

*حلم العمر* · 10-09-2013, 08:26 PM

السلام عليكم ورحمة الله
كيفكم ياحلوات
شكرا لكل الي سألت عني الله يجزيكم الخير
اول امس رحت الطوارئ ونوموني بالمستشفى يوم واتطمنت على النونو وخرجت امس
خلصت التاسع امس ودخلت الشهر العاشر
والدكاترة اعطوني مهلة ٧ ايام يارب اولد قبل العيد
والرحم مفتوح شوي من صفر ل ١سم
الله يعين ويفرجها علينا جميعا ما ادري ليه كلنا كدا دخلنا العاشر شكل النونوات حابين العيد يكون عيدين هههه
طمنوني عنكم

غيمة ومطر · 10-09-2013, 08:31 PM

ههههههه
ياحليلكم يا حوامل
وسعوا صدوركم بس
والله والله والله
اني كسرت ظهري تكسير وانا اشتغل بالبيت
وهلكت بطني بالخلطات
والتجارب
وبالاخير
تحدد لي قيصرية
ياااعين الشقا بس
فلوها بس وانبسطوا
والله ايش ما سويتي
اللي كاتبه ربي راح تاخذيه
لو تفحطين طول اليوم
مرات اقول
شكل الخلطات
هي اللي قست عنق الرحم وشدته
يالله
الحمدلله ع كل حال
ابروح اناااام
احس رجليني صارت منتفخة ومحمرة من كثر ما قطعوا رجليني بالسوق
ابغسلها موية بارة وبتمدد
سلام ياااحلوات
تصبحوووا ع الف خيررر يااارب

*حلم العمر* · 10-09-2013, 08:34 PM

ههههه غيمة ومطر اما انتي فللللللة وربي اقرأ تجاربك وتعليقاتك واضحك واهلي يضحكو على ضحكي
سويت اشعة وطمنتني الدكتورة الحمد لله الراس لتحت
بس غريبة ليش قررولك قيصري
انا اعطوني مهلة اكمل ٤١اسبوع بعدين يشوفو اذا ما جا طلق
اتوقع الطلق الصناعي هيكون اهون من القيصري اذا الراس لتحت
صراحة رحت للمستشفى الحكومي قمة في الاهتمام والرعاية مو مثل ما كنت اسمع

*حلم العمر* · 10-09-2013, 08:37 PM

ههههه قبل ما اروح المستشفى بيوم شربت كاسة شاي بقرفة وبعدها صارت النونو تتحرك بقوة وصار يجيني الم وتاني يوم صحيت ومشيت ودهنت نفسي زيت زيتون واكلت رطب وجاني وجع في ضهري وبطني والام زي مغص الدورة وحتى بالمستشفى كنت اتألم وحسيت بطلقتين بس راحت والدكتور قلي مو طلق ههههه الله يعين

المشرقة · 10-09-2013, 09:32 PM

انيقة
بيللي
غيمة ومطر
حلم العمر

جميع الكروشات

ربي ييسرلكن الخير من حيث لاتدرون ولاتحتسبون

بس انصح الجميع الابتعاد عن القرفة والخروع
فكثيرا ماتسبب في الم وتقلصات ونزيف

يكفيكم الرطب والعسل

غيمة ومطر · 10-09-2013, 11:17 PM

هلاااا بنات
انا جيييت
انااا طبيت انا وكرشتي الحمراء
اصلا وحدة قالت جربي قشر الرمان
سويت وتصبغ بطني
والله حسيت الناس تطقطق ع راسي
ع فكرة
تجربة البصل كانت مخيسسسسة
طلع ريحتي بصل xبصل
لا فتح ولا جا طلق ولا يحزنون
وانا فرررحانة
اتمشي السوق واهلي يقولون احد معرق
احد مخيس فيه ريحة بصل معفن
وانا اسوي نفسي ما اعرف شي خخخ
رغم اني غيرت ملابسي لكن شكله التبخر مسك بجسمي
وشكرا لمن نصحتني بقشر الرمان
صارت بطني محمرة
الله يستر بكره وش اقول للدكتورة لو شافت لونه احمر !!!
يالله
مو مشكلة

اخت حلم العمر
الله يسعدك
والله حددت لي قيصرية لاني طولت
ولقت راسها مايل ع جنب الحوض
يعني مو نازالة بالوسط بالضبط
وقالت ان ما عدلت راسها
بنسوي لك عملية لانها متخوفة انها تحول وتصير مثل شكل الموزة بس تحت
يعني بالحوض وسطها وراسها وظهرها جاي ع الجنب
وغير كذا
ما رضيت تعطيني طلق صناعي لان رحمي مسكر والعنق مسكر
وقالت ان هذا خطير يسبب لك انفجار بالرحم

اخت عبدالرحمن · 10-09-2013, 11:21 PM

الله يسهل لكم الولاده بنات

غيمه ومطر الله يقدم لك اللي فيه الخير

نور المغرب انا سمعت القرفه اذا انشربت والرحم مغفل م يفتحه ويزيد قساوته

لا تشربي قرفه الا اذا تاكدتي ان الرحم مفتوووح

انيقه ربي يسهل لك اتركي الولاده ع ربك متى ماجات ي هلا بها
لا تاخذين لا خروع ولا خرابيط بس تمر وعسل

غيمة ومطر · 10-09-2013, 11:25 PM

اييييه يالله
طبيعي قيصري خلاص
ماعااادها تفرق
اهم شي اللي ببطني ابي اشوووفها
بجد حسيت اني من كثر ما اشتقت لها
بضمها بقوة والله يستر عليها مني

وياحبيبتي
المستشفي الحكومي
اللي تشوووفينه من اهتمام ورعاية
لانك جايه ساعة وطالعة
لو جلستي كم يوم طلعت فيك القررون
انا اشبهم بالاطفال
اول ما يجوا بيت الناس
يكووون مرة مؤدبين وحلوووين
تقولين ماشاء الله ملائكة
بس تطولون ويتأخر ابو العيال عليكم
لبعد الساعة ١٢ الليل
وربي راح تطلعي وانتي دافعة تكاليف الخساير
والمبيت والمبول بعد
ويحرموا عاد الناس يعزموكم مرة ثانية هههههه
هذا وضع مستشفياتنا الحكومية
بس تطولي
تطلعي تسبي وتلعني فيهم
ولكن بيني وبينك
هم احسن من الخاص
عاد انا اشبه الحكومي بعيال البدو
والخاص بعيال اللبنانيين
ماعندهم الا الديكور واللسان الحلو
ولا من بره هالله هالله
ومن الداااخل يعلم الله
هذا حالنا
يالله وش نسوي عاد
الله يتلطف فينا ويرحمنا برحمته ياارب*

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
هنا تجمع الحوامل الي ولادتهم في ذو القعدة 1434	ميمي 17	إستفسارات مرحلة الولادة	3965	10-20-2013 06:09 AM
تجمع بنوتات كروشات ••جمادي الاول 1434•••مارس 2013•••	أم الزين	إستفسارات مرحلة الولادة	16965	04-12-2013 02:05 AM
تجمع اللي بيولدوا في شهر ربيع الثاني 1434	ام رتيل	إستفسارات مرحلة الولادة	9124	03-16-2013 04:08 AM
[ تجمع الحوامل اللي موعد ولادتهم في ذي الحجة 1433 ه ]	دلوعة وطيوبة	إستفسارات مرحلة الولادة	2858	11-18-2012 11:34 AM
تجمع الحوامل الاتي سيلدن في ذو الحجة	بيوني	إستفسارات مرحلة الولادة	3806	01-09-2011 10:00 PM