دردشة حوامل أهل الدمام - دردشة بنات الدمام - تجمع حوامل مدينة الدمام

[احاسيس مخمليه]

ادخلي على هذا الرابط ويجيك تحت استعراض اختاري الصور الي تبغين تحطينها من جهازك طبعا تقدريت تحطين اكثر من صورة وبعدها خليها تحمل واذا حملت بينزلك كل صورة ورابطها

انسخي اول رابط وحطيه هنا بالكورة الارضيه وراح تنزل الصور

هذا هو الرابط


مركز تحميل الصور, تحميل الصور, مركز تحميل صور, مركز تحميل الخليج

[احاسيس مخمليه]

مدري ليه مو راضي يطلع

بس اكتبي بقوقل مركز تحميل الخليج وبيفتح معك

[هنّوسه]

صباااح الخيرااات

كيفكم جميعاً ..
انا الحمدلله لك يا رب ,, النزيف وقف الحمدلله ,,
باقي الراحة التامة ,,

الله يصبرني على القعدة ةالكسل ههههههههههه

لولي ,, مثل ما قالت احاسيس الطريقة
بس تنسخين الرابط الاول وتضغطين علآ الايقونة اللي فيها جبل وشمس لونها اصفر ورمادي
اسمها ( ادراج صورة ) وتلصقين الرابط في النافذة اللي تطلع لك


اقول ,, اذا تنحتي ,, قولي لي اعمل لك تقرير مصور هههههه

[ام يونس123]

صباحكم ورد وياسمين وجوري
كيفكم اليوم عساكم بخير وعافيه هاه اشوف في خيانه دخلتوا من دوني وسولفتوا اكثير وانا ياغافلين لكم الله هههههههه
ماشاء الله فاتني كثير هنوسه الحمدلله انك بخير اليوم الف سلامه عليك وماتشوفي شر والله يعافي لك امك وعقبال ماتجيني امي على خير ومثل ماخبرتك لولي السره عادي ماتخافين منها انا احط البامبرزعليها وهيه تمسكها عشان ماتتحرك وكل يوم الصبح انضفها بمسحه طبيهمن حولينهاوبس والملابس انا المره هذي غيرت من البربتوز واخذت قميص بس شوي طويل لين الركبه وعليه بنطلون واخذتهم من سنتر بوينتوالله قطعهم مره حلوه والوان مناسبه والقماش مناسب للمواليد والله تصدقون انا ماخلاني زوجي اخذ غير الي باخذه للمستشفى يقول بس تولدين انا باروح اقضي بقية الاشياء وماشاء الله عليه هوه ذويق يله احسن لي
لولي شوالاخبار عساك بخير وعافيه والله صادقه اهم شي الوناسه في لمة الاهل الله يانسكم ويحط المحبه بينكم لولي لسى الحين تخبرين زوجك الي في بطنك اخ منكوالله طبختيه على نار هاديه ههه نجمه كيف الحال اليوم عساك بخير ونعمه...احاسيس مخمليه كيف الحال اليوم


بنات ماكن طلباتنا كثرت على ازواجنا والله صرت استحي لما اطلب من يوم قربت الولاده كثرت الطلبات انا توني مخلصه صباغ البيت وغيرت بعض الديكورات في البيت والقطع كمان واخذت بيالات وصواني وطقم قدور عشان امي جايتني هلمره لاول مره يارب تجيبها على خير لاعندي فديت رجولها بنات واخذت غسالة صحون والله لاتفوتكم راحت بالل لاني بصراحه مااحب الشغالات ابد المهم وش عاد اثرثر لكم ههههههههههههههه يله خلاص يكفي ...

[loly2011]

مساكم خير وبركه

كيفكم حبايب قلبي

ام يونس ... والله مافي خيانه بس أتوقع أوقات دخولنا مؤ مع بعض
واليوم أنا حدي مشغوله برتب وانظف وانظف الغبار الي ع الكنب
وزوجي بـ يجيب عمال عشان ثلاث أرباع لمبات البيت خربانه
وسباكه الحمامات خربانه يبيلها تصليح الله يعين
وأختي ان شاء الله بتجيني يوم الاربعاء وتجلس لين الجمعة
هي ساكنه بالرياض وعيالي فرحانيييين مؤ مصدقين
انها بتجي وزوجها اول مره يجئ في بيتي عاد قلت يبيلي
انفض الغبار واحوس عسى الله يعين

هنوسه ... الحمد لله انه وقف النزيف من جد يبيلك رااااحه
والله اهم شي البيبي الحين تهتمين فيه عشان الله يجيبه بالسلامه
وبالنسبه لرفع الصور للحين ماجربت ولاحاولت بس أفضى بحرب
وأقول لكم

[نجمه فى السماء]

مسالآء الخيررر حبيباتى - اخباركم

صادقه ام يونس .... فعلا كثرت طلباتى وزوجى بدأ يتضايق حيل
يقول انتى تطلبين كل شئ مررررة وحدة - ولا اجلس 3 او 4 شهور ولا طلب تخيلو
ههههههههههههههههههههه


بنات طلع فينى دمل في عينى مؤلم جدا - وسبب لى صاع وحرارة غريبه

ماادري وش سبب الدمامل ؟؟؟؟؟؟

الى تعرف تكفون تقولى وكيف الوقايه منها

[loly2011]

هلا نجمه والله مدري عن الدمامل بس احس أحسن شي
تكمدينها بفوطة فيها ماي دافئ يريح احس وفي مرهم
اذكر خطواتي يحطونه مدري شي يحطونه مررره حلو
بس ما اعرف اسمه
ماتشوفين شر

[loly2011]

خطواتي = خواتي
الايباد بيجنني اكتب ويعنني يصحح إملائي

[احاسيس مخمليه]

نجمه يمكن قصدك رمد منتشر هاليومين هو مع الصديد بالعين


الرمد تطلع لك حبة داخل العين ماتوقع دمل

روحي للصيدليه ويعطيك قطرة ومرهم صغير مره حلو

من ثاني استخدام تلقينه مختفي ماتشوفين شر


هنوسه الحمدلله وريحي نفسك لاتسوين اي مجهوديهم


لولي لاخلصو العمال ارسللي هم لي ابي اغير لمبة المدخل وبرضه سباكه لحمام الرجال

لاتنسين اما الغبار الحمدلله خلصت البيت باقي بس المجلس

انظف بالاقساط انا ههههههههههههههههههههههههههههههه

[loly2011]

نفس الحاله هههههههه أنظف بالاقساط
ماجاب زوجي العمال قال اتفقت معهم بكره الله يعين