هنا تجمع حوامل الشهر (الاول والثاني والثالث)

[فراشة حائرة]

السلام عليكم
مساء الخير حبيباتي الحوامل
انا مخلصة الشهر الاول وداخلة الثاني
وعندي فقر دم وش تنصحوني فية وهل فقر الدم يسبب نزيف في الولادة
وانا حاسة نفسي مرة طفشانة وخمول واربع وعشرين ساعه نايمة وانام على بطني واحس بغثيان
اللة يكرمكم واذا قمت احس انا بطني مرة مضغوط اش الحل

[عقد لؤلؤ]

المشاركة الأصلية كتبت بواسطة فراشة حائرة

السلام عليكم
مساء الخير حبيباتي الحوامل
انا مخلصة الشهر الاول وداخلة الثاني
وعندي فقر دم وش تنصحوني فية وهل فقر الدم يسبب نزيف في الولادة
وانا حاسة نفسي مرة طفشانة وخمول واربع وعشرين ساعه نايمة وانام على بطني واحس بغثيان
اللة يكرمكم واذا قمت احس انا بطني مرة مضغوط اش الحل

حبيبتي لازم تاكلي كبدة وبنجر وأنا أنصحك وأنا ما آكل بس الله يعين بس أنا عندي فقر دم زيك والدكتورة قالتلي لازم كبدة وبنجر ولو ما تقدري تاكلي البنجر ممكن تسوي عصير وتحطي معاه برتقال وترى هو مالو طعم أنا أشرب عصير البنجر لكن الكبدة ماااارة ما قدرت أكلها بالقوة آكلت لقمتين لكن فقر الدم ما يسبب نزيف لكن لو قدر الله وجاك نزيف في الولادة مررررة رح تتعبي فأنصحك أنك تاكلي وأنصح نفسي كمان الطفش هذا طبيعي والغثيان لكن انتبهي لا تنامي على بطنك ممكن يضر الجنين مرررة أو لا قدر الله يتوفى أنتبهي لا تنامي على بطنك

[أم فاطمة]

اهلين بكل الحوامل الحلوات الي مثلي هههههههههه

أنا توني في بداية الحمل بس عندي استفسار بسيط

انا عندي كروشة صغيرونة من قبل واللحين الي بس شهر ونصف حامل
وبطني كبران كأني بالرابع أو الخامس ولا ادري بالسبب وخايفة يكون الوضع مو طبيعي أو اكون حامل بتوم الله المعين

[حلم جميل]

الله يتمم حملنا على خير
وام فاطمة ان شاء الله مافي الا العافيه

[ريآنهـ..!]

نور تسلمين يا عسل ويسهل عليك

وام الجوري حامل ان شالله انا مثلك اول مرة سويتوا كان قبل يوم من موعد الدورة وطلع الخط خفيف مارة عشان الهرمون لسه خفيف في البول والحمل في البداية وبعدها سويتوا بـ4 ايام وبان الخط اوضح من قبلو وسويتوا مرة ثالثة وكان واضح مرة مثل خط الكونترول تماما <- جبت العيد من كثر ما سويت الشريط بالبيت حح :)

الله يسهل علينا ويثبت حملنا آمين

[الكادي]

السلام عليكم كيفكم يا حلويين انا الحمد لله بخير اقيلي 3 ايام وادخل الثالث وعقبال ما ادخل التاسع من دون شر بس يا بنات اتمنى تفيدوني امس حسيت بحركه البيبي لا تقولون غازات انا اعرف الغازات واعرف حركت الجنين واللي حسيت فيه حركت جنيني ربي يحفظه فهل هذا عادي ومن صار لها مثلي وسلامتكم

[عقد لؤلؤ]

أختي أم فاطمة إن شاء الله مافيك إلا العافية في بعض النساء كذا بطنهم بتكبر بسرعة من أول شهر
الله ييسر لك يارب..
مبرووك عليك أختي ريانه والله يتمملك على خير يارب..
أختي الكادي الله يتمملي ويتمملك على خير وندخل التاسع بالسلامة ونولد بالسلامة قولي آميين لكن بالنسبة لحركة الجنين أنا ما أدري والله ما عندي خبرة لسه أول حمل وما أدري أيش أحس فيه خخخخ الله يعين يارب..

[ارجوان]

هلا بنات اخباركم

تصدقون مدري متى ادخل الرابع طفشت ومااحس بحركة الجنين باقي

ماحسبولي صح لاني اكل مثبت وقالت اتركيه اذا خشيتي الرابع

وعلى كلامها بكره ان شاء الله مدري ؟؟

[نور الايمان]

السلام عليكم خواتي اتمنى اكون صديقة لكم انا حامل في الاسبوع السابع وتعبانه مره ذابحني الغثيان والترجيع مع اني قبل حملت واول مره يصير فيني كذا اللي عندها خبره في شي يخفف الغثيان تفيدني جزاكم الله خير

[مدري وش اسمي نفسي]

دلوعة حبيبيس كويس نولد مع بعض هع



نور الايمان عادي يختلف الوحام من حمل لاخر

الله يعينك اللي اعرفه كلي بسكويت مالح

والله ييسر لك