تجمع امهات التوام حياكم

[جومانا]

صبااااح الخير على السهرانات
بنات ياليت كل وحدة تحكي لنا عن نظامها وخصوصا اللي ماعندهم شغالات وعندهم اولاد بالمدارس كيف تنامون وتصحون

[زود الغلا]

محجبة .... حياتي زين سويتي بالكاميرا بس انا ودي اسويلهم حركات ولقطات بالكمبيوتر ...زوجي موصي رفيجة يجيب ملابس ماركات من بربريز .. بولو .. دي اند جي .. من امريكا حق بناتي ويوم جابهم قياسهم حيل صغير قيا س شهر بس يلبسهم الحين وودي اصورهم فيهم قبل لا يصغرون .
وبالنسبة للحليب انا بعد بناتي حييل بطيئات بالشرب ولازم يرجعون مرات شوية ومرات واجد .
ام الحلوات ...البكر ينطرون عليها مايولدونها بسرعه واذا جتك الولادة قبله راح يولدونك بس لالالا تخافين انا كنت خايفة حيل من العملية بس سبحان الله سهلها ربي واحسن لتوام عملية الله يهون عليك .
جومانا ...الله يعينك شلون على العيال ويعينا بالنسبة لنظامي انا عندي خدامتين بس مايمسكون عيالي لا الكبار ولا الصغار مجرد بس يساعدوني ويجهزون ملابس عيالي للمدرسة وانا اغسلهم وابدلهم واريقهم اعطيهم الفطور وبعدين انام واخلي عيالي عند امي لانها لي الحين عندي ماراحت والظهر اغدي عيالي واخلي بناتي عندي وادرس ولدي والثاني يشوف التلفزيون فترة صعبة والله يسهلها علينا يارب .

[أم الحلوات]

محجبة مشكورة ياقلبي ربي يحفظ لك الحلوات يارب
طيب هل اطفالك يوم جوا في الاسبوع 35 احتاجوا حضانة أو لا ؟!!

زود الغلا ربي يسعدك
طمنتيني ربي يطمن قلبك ويخلي لك اطفالك يارب

[محجبه]

جومانا
نظامي انوم عيالي فالليل اللي يدرسون واجلس اجهز لبسهم والبنوتات قايمات واعطيهم حليب والبسهم واجلس للساعه وحده بعدين انومهم احيانا يقومون بلليل واحيانا مايقومون للرضاع واذا قمت الفجر اعطيهم رضعه ويصحون شوي وننام للساعه عشر عشر ونص
وبالنهار مثل الاطرش فالزفه مادري انا لبناتي ولا لعيالي ولا للبيت وزوجي قصرت معه ياليته يسامحني
ام الحلوات بناتي خشو حضانه وحده خمس ايام ووحده عشر ايام
هم مايخلونك تاخذيهم الا وزنهم كيلو و800وبعدين يطلعون

[الذوق]

السلام عليكم ورحمة الله وبركاته
كيفكم يابنات شكرا لكل من دعى لي ومن رد لي وانا في عز مشكلتي والحين جيت اقلكم اني رجعت بيتي زوجي جاته بداية ذبحه صدريه ودخل العنايه المركزه وبالرغم اني زعلانه من اللي يسويه معايا ماعرفت الا اني اخذ العيال واروح ازوره مع اني زي ماقلت لكم انا بمنطقه ثانيه ومالقيت حجز بالطياره رحت بالسياره وكان المشوار عشر ساعات لكن ماافكر الا كيف ابلاقيه مع للعلم انو جلس يدور على عروس عارفين احس نفسي تعبانه من جواي ومدري ايش اللي صح

[ماء زير]

مرحبا يامهات التوائم يارفيقاتي قبل الحمل

والله اشتقت لكم اخباركم مع الصغار شكلكم حايسين معهم

بس زعلانه عليكم ماتطلون علينا غير زود ومحجبه كذا مره

ان شاء الله كلها كم شهر ونجي لتجمعكم بس لاتروحون قبل ماتعطونا نصائحكم مانستغني

تصبحون على خير

[توأم روحي]

بنات شلونكم يا حلو يمعتكم الله لا يفرقنا انشاءالله ذكرتوني بأيام الحمال يوم كنا نواسي بعض
نواعم النعومه: شلونج حبيبتي منوره
زود الغلا: والله جنج تقرين افكاري انا بعد ودي بأحد يصور عيالي في البيت بس ما أعرف أحد شكلي بوديهم فوتوكينا وآخذلهم جم لقطه
الذوق: الله ياجرج انشاءالله صدقيني سوي خير و قطي بحر تلاقينه عند ربج ما يضيع

[زود الغلا]

ماء الزير ....الله يهون عليك وتنظمين معنا قريب :)
الذوق .... صج انك ذوق والله انك خوش مرة المريض واجب زيارتة ومهما كان ابو عيالك وخليها على الله .
توام روحي ... هلا وغلا انا بعد شكلي بوديهم حق مصور عندك تشيكيتا يهببببببببببببببببببببببببل حق سن عيالنا احلى من فوتوكينا .

[زود الغلا]

شلونكم يا امهات وينكم مختفين اشتقتلكم حييييييييييييييييييييييل .

[جومانا]

هلا زوز كيفك وكيف قمراتك عاد لاتنسين اذا صورتي بناااتك
ورينا الصور عشان اشوف يمكن اخطبهم للاولادي