تجمع حوامل ليبيا

[عيون زوجي]

مساااااااااااااااااء الخيراااااااااااات
لولي وليبيا قلبي وليبيه كيف حالكم اليووووووم
وشن الجو عندكم
ليبيا قلبي شن تخصصك؟ وانتي اتعينتي معيده ولا لا
لولي سافرت لدبي وابوظبي من قطر
ولا صعب
عندكم محالات لماركات h@m ,next.ovs.ms,c@a

[حنين88]

السلام عليكم
وكل سنة والجميع بالف خير وان شاء الله بالصحة والسلامة

ليبيا قلبي ، ونسرينا ، وام روفيدة ، عيون زوجي وشكر لكل من سأل عليا
واهلا بالبنات الجدد ربي يكمل حملكم على خير
اني يابنات تعبانة هلبة هلبة مش طايقة نفسي واللي ناكله نرده وليت زي البوبلال وعيون طلعو زي الباغلي من الاخيــــــر وليت شينة راح الجمال بالله اننناااهاهاهاهاهاها

ريقي يابنات بنته مش حلوة بكل وديمة واني ندفل حشاكم ووجيني وجع في فم الكبد

[حنين88]

خلي نحكيلكم على جو عيدنا

تبو الحق نعتبر مادرت شي معاهم لان اللاي نزلت في الجنان وين يدبحو ياناري برويحتها غسلت البطون وركبوهمنا الاولاد وحماتي دارت خلطة العصبان وحشت واني غير خيطتلها العصبانات وخلاص طبعا اني ماناكلش في لحم الخروف يعني غير قعمزت معاهم وخلاص ودرت خبزة وجبنة وخديت بن
واللاي دارت قديد عاونتها شوية قعمزت شلحت معاها وخلاص وتمت الحكاية وزوت الزواية وان شاء الله كل عام حيين وملتمين ومنورين

[لولى2010]

عيون كيف حالك ايه سافرت لدبي مرة وابوظبي مرتين وقبل نبونمشو نعيدو فى دبي لكن صار لزوجى ظرف ومقدرش والتدكرة رخيصه بكل من هنا فى العيد دارو سبيشل افر فى القطريه السفرة لدبي ب 300 ريال يعنى 100 جنيه ليبي وفى الايام العاديه ب 600 ريال يعنى 200 جنيه ليبي ايه عندنا كل الماركات الى قولتى عليها وعندنا ماركات عالميه زى بربري ولويس فيتون وقوتشي وغيرة الى تبيه كل هنا بس انت وفلوسك هههههههههههه
ليبيا فى البدايه تفرحى بعده تملى وتقعدى تبي هلك وبلادك انت شن تخصصك ؟ وشنى صورتى وليد ولا بنيه
ليبيه انا ولادت عمليه نحسه ساهله مش زى الطبيعيه انا ماجربتهش بس سدك غير اليه انا خوفه بس العمليه نحسه اسهل واسبوع وتعاودى طبيعيه

[لولى2010]

حنين شن اخبارك انت فى كم تو

[حنين88]

تو قريب انكمل التاني يالولي

[لولى2010]

حنين هدا وحم تحملى لين الشهر السادس

[ام روفيدة]

[quote=لولى2010;502871]خيرات بنات شن الاخبار
نحن ماندبحوش لان راجلى مايحبش للحم وللحم هنا مش حلو استرالى ونيوزلندى وسورىفنقولو حرام ندفعو حقه خير ع الاقل الناس الفقراء يستفيدو فنجيبو فى شويه للحم وكبده ع السنه وخلاص
ام رفيده شن جنسيته الخروف هههههههههالى تدبحو فيه
احني خروفنا انجليزي اشقر هههههههههههههه كيف حالك يا لولي وكيف حال لينة

[ღॐ آية ღॐ]

السلام عليكم
كل عام وانتم بالف خير
وعيد اضحى مبارك على الجميع.

[معراج]

شلخبار بنات ان شاء الله كويسات حنيييييين تحملي ان شاء الله العاقبه خيرانتي زيي حتى انا خاشه الثاني ونسرينا احمدي الله تعرفي انا من تجربتي الخاصه انقولكتوجهي لله قبل الطب تعرفي انا الشهر هذا الدكتور قالي الشهر هذا مابصيرلك حمل بويضاتك صغار تعبت نفسيتي وزعلت وقالي حتى العلاج الشهر هذا ماتاخذيه وسبحااااااااااان الله الطب قال قول والله فعل فعل الحمد لله الحمد لله الحمد لله وكلي امرك لله وما تزعلي ولا تكذري روحك العاطي حي وان شاء الله ربي يرزقك