دردشة بنات فلسطين, دردشة حوامل فلسطين, تجمع بنات فلسطين

[احساس أنثى]

مساء الخير ياحلوين يلي شكلكم نايمين ههههههههه

زهقانه ياهبه الأسبوع الجاي اكيد حتزهقي المشاوير لما تسيري تروحي مع زوجك على صلة الرحم ^_^

ميسا حلوة فكرتك بس بلاش نخصص يوم نطرح اي موضوع ويلي بفوت بشاركنا لأنو شايفه ظروفنا والكهربا

عيون المها بالسلامه يارب قرب الفرج ... عقبالنا ان شاالله

غزاوية برايي لاتعقدي بنتك حرام لساتها طفله ...

غموض ماشاء الله عليه زوجك يساعدك اللهم لاحسد هههههههههه زوجي مستحيل يعمل شي الا لما اشكي واتعب بحزن عليا غير هيك انسي هابلني ههههههه وصحتين وهنا على المسخن ... بس احكيلي شو هوا؟؟؟؟

أم عزمي ايوه هيك دايما سيطري على الاب توب وفوتي معنا ... ^_^

[احساس أنثى]

انا اليوم رحت مشيت بالشارع الأول لسى مش كل المحلات فاتحه ... شريت لبنت عمي شنطه وشاله لون نسكفيه هدية الخطوبه عملت اشهار وبدنا نروح نباركلها ... مين عندهم نفس العادات يلي بتخطب بروحوا بباركولها؟؟؟ ولا بتروحوا لما تتزوج وخلص؟؟

[بينك روز]

المشاركة الأصلية كتبت بواسطة لولو الفلسطينية

الله يتمملك على خير حبيبتي بينك روز و انشاء الله بتفرحي بشوفته
طيب احكيلي انتي كنتي تجهضي بالشهور الاولى متلي ؟
و انا الدكتور حكالي اول ما يصير حمل لازم اخد اسبرين و ابر كلكسان
و صبرتي بعد الاجهاض التاني و الا حملتي مباشرة ؟ بدي حدا يشجعني على الحمل مرة تالتة هههههه
و انا اكيد تشرفت بهاللمة الحلوة هاي

هلا حبيبتي لولو منوره الشات بحضورك
بالنسبة الي الاجهاض الاول كان حمل ضعيف ونزل بعد ايام
وبعد ست شهور حملت تاني
واستمر حملي التاني لمدة شهرين بعدين اجهضت وعملولي عملية تنظيفات
وتحاليل وعلى اساسا قرروا اني اخد ابر هيبارين وبيبي اسبرين
وحملت بعد اجهاضي التاني بخمس شهور
وطبعا من اول ما ظهر عندي الحمل اخدت البيبي اسبرين ولما ظهر نبض الجنين اخدت ابر الهيبارين
ان شاء الله الله يكتبلك الحمل عن قريب يارب

[maisa odeh]

المشاركة الأصلية كتبت بواسطة أم عزمي

و الله شي حلو حبيبتي
بس يمكن الدردشة عشوائي أحسن لأنه ما بيكونوا كل الصبايا متواجدين بنفس الوئت

اكيد ام عزمي راح تكون الدردشه مفرئه لانون ما عنا القدره نتجمع ساعه محدده ع الصفحه كل حدا بكون مشغول المهم بالنسبه الي الفائده وانشالله الله كريم كيفك انتي هلا انشالله احسن

[عيـ‘ـون المهـ‘ـا]

احساس انثـ‘ـى
اها الحمد لله قرب الفرج حتى التوأم اليوم ما هديو عاملين حفله هههههه حاسين انهم راح يطلعوا يشوفو الدنيا
ربي يجيبهم بالسلامه
انتي ما عندك اي بوادر ولاده ,,ان شاء الله تكملي على خير و تفرحي بشوفة البيبي
نحنا كمان منبارك للخاطبه اكيد هاي عادات مألوفه عند الجميع,,
اما المسخن مو معئول ما تعرفيه لانو اكله فلسطينيه مشهوره
غموض عاملته بخبز الشراك و نحنا مرااات منعمله بخبز الطابون كتير طيب و سهل

[maisa odeh]

مسا الخير الك كمان احساس انثى انا كان ائصدي مش شرط وئت محدد يعني متل ما حكيتي كل حدا بفوت بيعطي رأيه بالموضوع وبكل حريه

كنت حابه اسال هيه مدرسه الارقم اللي عندكم كيف نظامها لاني حسيت انه كلكم مش متشجعين الها شكلهم متشددين في الدين انا المدرسه اللي حاطه فيها اولادي كتير ممتازه نظامها حلو جدا صح المدرسات ملتزمات لكن كتير بحببوه الطلاب بالعبادات وبيعطهم حصص دائما متل حصص احنا بنسميها حصص التفكر بس بقالب طريف وائريب ل عمر الاطفال لدرجه ما بحبوه يطلعوع منها غير الالعاب الرياضيه وبعملوه كمان بازارات وكمان بعرضوه مواهب الاطفال

وكل هدا طبعا بدون تحيز ل اي حزب بالعكس بعلمهم الدين بالطريقه الصحيحه اللي احنا تربينا عليها الحمدلله الله وفئني بمدرستهم وهيه احسن مدرسه بكل المدارس اللي بمنطقتي


غزاويه ازا متل ما حكو الصبايا فيها تشدد ديني انا ما بنصحك تحطيهم فيها لانوه هدا الشي راح يتعبك بالمستئبل وراح يخلي الاولاد بالمستئبل يكروه اي شي من امور الدين نصيحتي الك دوري ع مدرسه تكون ملتزمه ماشي انوه بعملوه الدين صح لكن بنفس الوئت تكون وسطيه وتكون مكمله ل الشي اللي بتربيه عليه ولادك لانوه ولادك راح يئعدوه بالمدرسه اكتر من ائعدتهم بالبيت والطالب بحب ياخد بحكي المعلمه اكتر من اهله ف ازا اي مدرسه حطتت براس ابنك اي اعتقاد خاطئ تأكدي راح تاخدي وئت كتير لحد ما تغيري تفكروه وربي يوفئك للصواب

[احساس أنثى]

هلا عيون المها سهرانه هيك ^_^

والله احيانا بجيني وجع بظهري متل وجع الدورة ... واحيانا بيجي وجع من تحت من الرحم احس انو بشد

بس اليوم مافي اي وجع ... مزجات ههههه ... انتي عامله متل حماتي بتقلي ياعلى معادك ياقبل بيومين ...

المسخن مابنعملو رغم انو اكله فلسطينيه ... بس مره بعتتو مرت عمو لزوجي النا اعتقد انو خبز حلو صح يعني طعمو حلو ؟ وعليه قزحه ولونو اصفر ؟ ههههههههههههه

تفضلو معي عملت كاسة شاي ياسلاااام تعدل الدماغ هههههههه اجا ع بالي اصلو مع الصيام بطلنا نشرب الشاي

[maisa odeh]

هلا بعيوان المها منوره والله يئومك بالسلامه هانت مش ضايلك شي والله يهونها عليكيي احساس انثى انا بعمل المسخن وكتير طيب ومتل ما حكتلك عيون مرات بشراك ومرات بخبز الطابون كتير طيب وانا اللي يومين جاي ببالي جاي ع بالي بس اروح عند ماما اخليها تعملي اياه لانوه المسخن ازكى ع جمعه صح عيون المها

[احساس أنثى]

ميسا هادي المدرسه من الاخر لحماااااااس ... ^_^ لدرجة انو صحبتي درست فيها اشترطو عليها تلبس المنديل الشرعي كل المدرسات يكونوا لابسين المنديل الشرعي

انا بقول متلك كل المدارس بتعطي مادة التربيه الاسلاميه ... وبتفهم الاولاد بأمور دينهم ..

[maisa odeh]

المشاركة الأصلية كتبت بواسطة احساس أنثى

ميسا هادي المدرسه من الاخر لحماااااااس ... ^_^ لدرجة انو صحبتي درست فيها اشترطو عليها تلبس المنديل الشرعي كل المدرسات يكونوا لابسين المنديل الشرعي

انا بقول متلك كل المدارس بتعطي مادة التربيه الاسلاميه ... وبتفهم الاولاد بأمور دينهم ..

عارفه حبيتي والله انا شغله الاحزاب كلها الصراحه بحسها ما بعرف بحسها ما جابت الا خراب الديار للناس عم يدبحوه مع بعض شو فتح وشو حماس بالاخر احنا كلنا نتبع ل دين سيدنا محمد وبس ما بعرف والله هدا ضياع للامه انا اسفه يمكن ما بسير نحكي بهيك امور بس انا تربيت وهيك ربيت اولادي على الدين متل ما بالقرأن وبس لانوه بعد ما شفت حماس وفتح شو عملوه ببعض بجد حزنت على الناس والله حراااااااااااااام هد الشي

ما بعرف انا هيك بشوف الامور الدين دين متل ما انزله رب العالمين على سيدنا محمد صلى الله عليه وسلم وبس