أحلى تجمع لحوامل التوأم الجزء الرابع

[مشمشة توامي]

فرق بيني وبينك يا ورد 5 ايام ..

خلاص اي وحده فينا تولد قبل لازم تطمنا عليها و على بيبياتها ..

[ام غيداء2]

مساءالخير عليكم كيف الحال لكم وحشه طبعا. دعواتكم ليه بدا التقلصات. والدكاتره. يبغوني اولد طبيعي. لان الاجنه نازلين على تحت. والحمدلله على كل حال. واخيرا اخذت. ابرة الرايه

[22MISS F0F0]

ام غيداء الله يسهل عليك ويتكون ولادتك سهله وتفرحين فيهم يارب

[ward22]

مشمشة ..

يعني انت ماكنت تتابعي معهم ابد بفقيه رحتي ودخلتي ولادة ع طول ?
انا صدق ماودي اتابع معهم لانه زحمة انا مرتاحة لدكتورتي
بس خفت انه لازم اكون متابعة هناك عشان الولادة
بس طبعا بكل الاحوال روح زيارة وافتح ملف واحط بياناتي وتحاليلي وكذا ..
الله يسهل يارب ويكتب كل خير ..

والحين ناوية تولدي بفقيه برضه ?
انا قريت عند د. احمدعبدالمجيد وابي اروحله انشالله
يمدحوه بالقيصري والتعامل فبشوفه
لكن دكتورات فقيه احس عليهم زحمة مو طبيعية ماحب كذا
هذا غير اني تامين وهم اغلبهم الدكتورات ياخدوا كاش زيادة ع التامين
وصراحة مايستحقوا هالشي ع ذي الزحمة .. لذلك مابيهم ..

بالنسبة لشريط الحمل سيبك منه .. حتى انا لسة مابديت السابع صح
بداية السابع طبيا وبشكل صحيح هو الاسبوع ال 28 ..
ومنوهالاسبوع يعطوا ابرة الرئة ..
ومن بعدها خلاص يصير كل شهر 4 اسابيع حساب عادي
اطووول شهرين بحياتي الخامس والسادس خخخخ
الله يبلغنا الولادة بالسلامة يارب ..

اكيد باذن الله متوواصلين مع التجمع كلكم طمنونا عليكم ..
الله يبلغنا التاسع يارب ..


.
.

ام غيدا ..

استخيري بين الولادة الطبيعي والقيصري ..
وعسى الله يكتبلك وييسرلك الخير يارب ..
غالبا الخاص مايجازفوا بالطبيعي للتوام لان في خطورة ..
لكن الحكومي يعملوها .. انت شكلك بحكومي ?

وانت الحين بالضبط اي اسبوع ? وهل حتى مع الابر ماخفت التقلصات ?
الله يهون ويسهل عليك
طمنينا عليك ع طوووول ولاتروحي تولدي الا وانت قايلتلناا .. ندعيلك=)

[sweety]

صباح الخيرات ام غيدا الله يهووون عليك ويسهل لك امرك وبالنسبة لفقيه ياورد يمدحو الدكتور العطار في القيصري

[ام غيداء2]

صباح النور اهلين بالجميع امين تسلموا على الدعوات انا في الاسبوع ٣١. ولله الحمد. والخيره فمايختاره الله. مستشفى فقيه مره كويس. بنت اخت زوجي ولدت. فيه وكان توام. ومره عنايه.

[sweety]

اليوم اكتشفت ان تاميني ارامكو مايغطي مصاريف الحضانه وانا خايفه احتاج حضانه بعدين اتورط بالمبلغ وماقدر اغطيه فقررت. اولد في مستشفى حكومي واحاول اروح لمستشفى خالد الجامعي وان شاء الله يقبلوني لان المفروض اني اخذت ابرة الرئه والله يسهل الامر

[.lolya.]

ام غيداء الله يسهل عليكي يارب وتئوميلنا بخير وسلامة انتي وولادك ابئا اكيد طمنينا عنك

[ward22]

سويتي ..

والله مدري انا مابي اشتت نفسي قريت عن احمد عبدالمجيد ارتحتله فبشوفه الاول
والله يسهل ..
والله مشكلة التامين .. كنت احسب حق ارامكو تغطيته ممتازة !
اعتقد ان الجامعي تحديدا صعب مرررة يقبلوا اللي مايتابعوا عندهم
فلازم تروحي من الان وتشوفي واذا ماناسب تشوفي غيرهم ..
انشالله ماتضطري لحضانات ولاشي ونوصل للتاسع ع خير
بس انت ارتااحي مررة ولاتجهدي نفسك ابد ..

.
.

ام غيداا ..

الله يتمملك ع خير يارب وانشالله ماتكون هالتقلصات مؤشر ولادة مبكرة ..
اهم شي ارتاحي مرررة وزودي المثبتات و الله كرييم ..
كيف تحسي بالتقلصات كل يوم او باليوم اكثر من مرة او شو ?

[مشمشة توامي]

ورد
ايوة يا قلبي ما تابعت معاهم غير وحده مرة حتى مو مع نغس الدكتور الي ولدني
و ان شالله اولد في فقيه و انا من غير تامين ..
اه ايوة والله اطول شهرين الخامس و السادس .. بس برضو انا ددخلللت السااااابع ؛) على حسابي ..
الله يسهلنا باقي الشهور على خير ..

ام غيدا
الله يسهلك يا رب و يهون عليكي و يفرح قلبك بشوفة نوناتك سالمين متعافين يااااا رب
طمنينا عليكي يا قلبي ..
عند مين اخت جوزك ولدت و في اي اسبوع ولدت و توائمها متشابهين و لا لا ؟؟
معليش يا ريت تحكينا عنها ازا تقدري و سوري عالاسئله الكتيرة بس من جد مراااا محتاجة اسمع عن الي ولدو بتوئم يمكن ربي يهون عليا التعب ..

بنات انا بادئة معايا الزكمة ايش اخد دوا عليها مو قادرة انام عطول خشمي مسدود و لا باقدر اتنفس :(