تجمع حوامل ليبيا

[ام روفيدة]

السلام عليكم ميمونة الف لاباس عليك وإن شاء الله تكوني حامل يارب امشي ديري تحليل مرة تانية شن خاسرة بالله عليك وطمنينا ليبيا قلبي كيف حالك ووووووووووووووينك لولي صحى ليكم اني والله ما طلعت ولا مشيت لاي مكان

[ام روفيدة]

نسرينا وحنين 88 وينكم ان شاء الله المانع خير

[ام لقمان]

كل عام واخواتى بالف خير

[نسرينا]

السلام عليكم

صباح الخير

اولا وقبل كل شيء

كل عام وانتم بألف خير انتم واماليكم وازواجكم ، واللي عندها صغار ربي يطول عمرهم
والله حامل العيد الجاي بين ايديها ان شاء الله .
والل تستنى ربي يكرمني ويكرمها .

ثاني شيء / اني هذا اول عيد عيدت مع امالي راجلي وسلفاتي ، مشت الامور الحمد لله .

ثالث شيء . الدورة نزلت يوم 8 / وقعد 11يوم وكانت خفيفة عالاخر ، استغربت اني دورتي 5 ايام وكان طولت 6 ايام مش عارفة المرة هادي ليش .
في جميع الاحوال الحمد لله والشكر لله

توا لا كلوميد ولا ابرة ولاغيره ، بديت في سورة البقرة بنقراها لمدة 45 يوم ، وبنمشي نحزم وبعدين بنمشي اندير حجامة ان شاء الله ، هذا العلاج اللي بنديره والاتكال على الله والعشم في رحمة ربي .


.

[ليبية85]

السلام عليكم صباح الخير لكل الصبايا الحلوين كيف حالكم اليوم


نسرينا توكلي علي الله ويارب الشهر الجاي تبشرينا

ادعولي يا بنات ان ربي يتبت حملي ويتمملي علي خير

بالنسبة للوحام مش حاسة شي بكل ناكل ناكل لكن قالولي مازال الوحم يبجا في نص التاي صح هكي؟

[نسرينا]

صباح الخير ليبية

شكرا على دعوتك

بالنسبة للوحم مش ضروري في اللي ما تتوحمش بكل ،،،

ربي يسهلك ويثبت حملك

.

[أم سعد]

صباح الخيرات
أهلين ليبية 85 حتى أنا ماتوحمتش بكل إلا النوم فقط

[لولى2010]

كيف حالكن بنات وكل سنه وانتن طيبات
ام رفيده شن حالك انتم تدبحو ولا شنو ديرو نحن ندفعو فى فلوس وخلاص ونجيبو فى للحم ونشووى فى الفرن وخلاص
ليبيا شن اخبارك واخبار البيبي شنى عرفتى وليد ولابنيه انا نسكن فى قطر (الدوحه)
نسرين كل توخيرة فيها خيرة وربي يسهل عليك
ليبيه85 كيف حالك بنسبه للوحم افتكيتى منه بس هو يجى فى التانى او التالت الوحم دراه كبده وخلاص احسن انك ماتتوحميش وعلى حسب فى هلبه ناس مايتوحموش
ميمونه شن اخبارك ان شاء الله ربي يسهل وتطلعى حامل وكيف درتى فى العيد والبطون
عيون لاباس عليك وعلى عويلتك بس ليش عزوزتك ماسعدتك مش قلتى هى صاحه وانت مازلتى نافس
من تانى ..................................شن اخباركم كلكم

[ليبية85]

السلام عليكم

كيف حالكم توا يا بنات

يا بنات اما احسن الولادة الطبيعيه ولا القيصرية؟؟

[ام روفيدة]

المشاركة الأصلية كتبت بواسطة لولى2010

كيف حالكن بنات وكل سنه وانتن طيبات
ام رفيده شن حالك انتم تدبحو ولا شنو ديرو نحن ندفعو فى فلوس وخلاص ونجيبو فى للحم ونشووى فى الفرن وخلاص
ليبيا شن اخبارك واخبار البيبي شنى عرفتى وليد ولابنيه انا نسكن فى قطر (الدوحه)
نسرين كل توخيرة فيها خيرة وربي يسهل عليك
ليبيه85 كيف حالك بنسبه للوحم افتكيتى منه بس هو يجى فى التانى او التالت الوحم دراه كبده وخلاص احسن انك ماتتوحميش وعلى حسب فى هلبه ناس مايتوحموش
ميمونه شن اخبارك ان شاء الله ربي يسهل وتطلعى حامل وكيف درتى فى العيد والبطون
عيون لاباس عليك وعلى عويلتك بس ليش عزوزتك ماسعدتك مش قلتى هى صاحه وانت مازلتى نافس
من تانى ..................................شن اخباركم كلكم

لولي حتى حني نفس الشيء يدبحوا في المجزرة بإسم راجلي يعطيهم اسمه ويدبحو عنه لأن الدبح هني ممنوع خارج المجازر وتجيني السقيطة واتية ومقطعة غير نغسلها ونحط في الفريز لكن علاش إنتم ما تدبحوش وهي دولة اسلامية