تجمع الحوامل الي بيولدون في شهر ذو القعده ^_^

[حاملة قيمي]

الصمت عشقي
صادقه والله ياعمري بما ان الغرفه دافيه كفايه
ويندي
ما ادري حس بالي لازم الاعراض تجي
بنات الطلق الصناعي
تخيلو ماكنت في حملي الاول اعرف شي اسمه طلق صناعي
كنت متوقعته جهازيسحب البيبي
المهم نزلت معي مويا طبعا حملي الاول ورحت طاااايره المستشفى
كشفت الدكتوره قالت 2 سانتي لازم تنويم وانا على عماي
قلت اوكي دخلت الساعه 8 صباح وحطت لي مغذي كان فيه الطلق

وانا ما ادري بس احس انه احتمى الطلق يعني ورى بعض والحمدالله
ماحت 2 الظهر الا انا والده
يعني اللي فاتح معها الرحم تاخذ طلقصناعي وتتوكل على الله
كلها الالم في الم تولد وترتاح
ماما زوزو....الله يسهل امرك واستودعناك ومافي رحمك الله الذي لا تضيع ودائعه

[ريم ام لولو]

اهلين
مره مبسوطه من مشاركتك اختي حامله قيمي

احس الطلق الصناعي صار شبح والكل يخاف منه

انا عطوني الطلق 2 الظهر و5 العصر ولدت وانا لما عطوني اياه ماكان فيني اي بوادر ولاده ولا طلق ولا شي بس رحمي مفتوح واحد سانتي والمويه نزلت معا


حبيبتي حتى انا لابس المولد كله صيفي يعني قطن بس كم طويل وعادي هو ماراح يطلع كثير وتصير عليه كم لفه المهاد واللي فوقه وبعدين المواليد ترا مايبردون واللبس الثقيل مو زين لهم

قبل امس رحت ل سنتربوينت اتفرج كذا وانهبل كل لبس المواليد شتوي شتوي مخامل واشياء قلت بخاطري الحمد لله اني شريت ملابس البيبي قبل رمضان في عز الصيف



يارب فرح قلوبنا ولا تقطع شفنا وهون علينا واجعلها برد وسلام علينا يارب *

[ام محمـــــد]

المشاركة الأصلية كتبت بواسطة ماما زوزو

مرحبا بنات
دخلت اسلم عليكم ... انا اليوم رحت الدكتورة الصبح وفحصتني ولسة الرحم مسكر والراس مو داخل الحوض زين
وعطتني موعد للطلق الصناعي... سألتها هوه يفتح الرحم ؟؟ قالت يمكن اي ويمكن لا وتاخذين الطلق كم يوم وبعدها ندخلج قيصري :(
ادعولي الله يخليكم وانا ان شاء الله مارح انساكم بالدعاء
وسامحوني اذا غلطت بحق احد .. والله قضيت معاكم ايام حلوة وحسيتكم مثل خواتي وأكثر خصوصا اني بعيدة عن اهلي

الف مبروك للي ولدو وعقبال البقية ان شاء الله

باجر ان شاء الله بالليل ادخل المستشفى
واذا ربي كتبلي السلامة ان شاء الله ادخل وأبشركم بولادتي
ربي يسهل عليكم كلكم ويفرحكم بشوفة ضناكم

استودعكم الله الذي لا تضيع ودائعه

بأمان الله وحفظه
الله يسهل عليك ويهون ولادتك ويفرجلك
ان شاء الله على طول تدخلين المستشفى ماتدرين الا يقولونلك الرحم مفتوح و امورك متيسرة
وربي يفرحك بشوفة جنينك سليم معافى وانتي وياه بالف صحة و عافية

[حاملة قيمي]

ريم ام لولو
صحيح احس الحوامل حاطين في بالهم ان الطلق الصناعي رعب وهو رحمه من الله يساعد اللي بتولد الحمدالله على رحمته .
اما من ناحية البس واااااااااااااااو صدمتيني يوم قلتي مخمل مستحيل البس نونو مخمل احس انه ياقلبي بينكتم خصوصا مع الفات والمهادات
برضومو كويس يتعود على الدفى بالحيل حتى ما يصير يتعب من اول نسمه
كأن سنتر مستعجلين ع المخمل
حنا ان شاء الله اجوائنا بتكون حلوه النهار ولليل هبايب خفيفه
على قولتك الله يبلغنا شوفتهم بصحة وعافيه

[جمره غضى]

ماما زوز
الله يسسسهلها علييييييك ويارب ماتحتاجي عمليه
توكلي على الله
وعسى الله يحفظك انتي وجنينك ياااااارب


باقي الكروشات وش اخباركم

اللي تحس بالم في فخوذها ومنطقه العانه معنااااته البيبي نزل الحوض

[wounded feelings]

السلام عليكم
شخبار الحلوين المكرشين
احس شكلنا يضحك كل وحده بدبتهاا مجابله الكمبيوتر هههه ~

الله يسهل عليكم يا بنات
انا قلت بخذ طلق صناعي اذا عديت موعدي بدون اي بوادر
بس اول بصلي له استخاره احسن ^^ ~

.
.

امس يا بنات في المستشفى كان الم ظهري كاتم علي النفس والم بالحوض والفخوذ والمهبل
قلت يارب تكون بشاره خير وقاعده ادعي وادعي ان رحمي انفتح اكثر وتقولي قريب ولاده
بس ياللاسف احبطتني ,, الحمدلله على كل حال ,, انا ماجابوا لي سيره الطلق الصناعي
قالوا لي بكريه وبعد باقي موعدج ماوصلـ يعني انتظري الالم ممكن يزيد ويوم قالت ان فيني طلق امس فررحت وقالت يمكن الصبح او الظهر يزيد .. اي وقت تحسين ان الالم زاد تعالي مافي مشكله ,,
بس طبعا انا مليت من الروحه على الخالي اذا جاني الم ما اقدر اوقف بسببه او ماي او دم بروح ان شاء الله ’’
بعد مارجعت البيت بقت فيني الالام وماكنت نايمه عجزت اتسدح واتقلب وابد مو راضي يخف
لي الساعه 9 او 10 تقريبا خفففف الالــم او ان النومه قضت علي بشكل نهائي ونمت على ظهري ومافتحت عيوني الا الساعه 1 ..
ومافي ذرة ألم !!
والحين شووووووووي كلش كلش خفيف يعني اقدر اقول معدوم
انا صحيح استانست يوم راح علشان خلاني انام شوي بس مابي افقد الالم ابيه يزيد ويحمى :(
بكره مفروض اولد .. يارب ان يكون اليوم او بكره اخر يوم لي بالكروشه

يارب الله يبلغني بشوفه بنوتي حبيبتي
ويسهل علي وعليكم آلام الطلق والولاده

[جمره غضى]

انا يوم ولدت رحت عندهم المويات نزلت والرحم مفتوح بس 1 سانتي
واشوفهم حطو لي ثلاث ابر في المغذي >> مدري وش حقته

المهم بدا معاي الطلق من 12 الليل لين 7 الصباح وولدت
بس كاان كل خمس دقاااااايق ... مرره قريب من بعض بين الطلقه والطلقه

مدري هل هذا طلق صناعي ... والا طلقي كان طبيعي ماااااااادري

لكن مثل ماقالت اختي حامله قيمي ..
لاتخافون هو رحمه من ربي ويساعدكم تولدون باذن الله

[wounded feelings]

جمووره
انتي طلبتي الطلق الصناعي ولا من نفسهم عطوج ؟
انا الصراحه ودي اسويه بس خايفه واقول مادري بنتظر بعد شوي
انا بنطر لي بكره يكمل كامل واذا ربي ماكتب لي ولاده بروح السبت بقولهم ابي صناعي
ولو اني متردده بس بصلي استخاره مثل ماقلت ’’ وان شاء الله يجيني طلق طبيعي احسن ’’
انا رحمي مفتوح من 2-3 سم ,, وطلقي بارد جدا بس امس احتر بالليل ’’
ويا بنات ترى الطلق يحمى من بعد الجمااااااااااع عن تجربه والله
سبحانك يارب !!!

[الصمت عشقي]

مسائكم رحمة من رب العالمين وطمأنينه
اخباركم يالغوالي ...؟
اليوم رحت المستشفى والحمدلله كل شي تمام
وقالت لي ان الاتهاب راح و هذا اخر موعد
ياني فرحت وقطعت روحي من الوناسه
وقالت لي بالحمل 37 اسبوع << مدري شلون تحسب هالبطه قبل 3 اسابيع كان 33 اسبوع
بس مااقول الا اللهم لك الحمد والشكر

الله يسهل علينا ان شاء الله

[سوسو الأموره]

جمرة غضى انا عندي الم في منطقة العانه اليوم الصبح بس راح معناته نزل الحوض