دردشة حوامل أهل الرياض - دردشة بنات الرياض - تجمع حوامل الرياض

بنت سدير · 11-27-2011, 12:05 AM

هلا فيكم ياحلوووووووووووين

انا من اهل الرياض واراجع في الضوي ,,والولاده ان شاءلله بدله
هذا ثاني حمل لي في الشهر السابع ,,,
والله يسهلي ولكم
بالنسبه لمقاضي البيبي من سنتر بوينت ومن مذركير ونكست ...
ولبس التقديم من القرعاوي قاليري..

شجون الشمري · 11-27-2011, 12:54 AM

الله يقومك بالسلامه يارب ام سدير

انا تزوجت وجيت الرياض ماعندي احد

هل مستشفي دله زينه ؟

واذا ابغى اطول بالمستشفي يعني واجلس 4 او 5 ايام هل لها حساب ثاني ؟

وانتي من متى بديتي تشترين اغراض البيبي ؟

انا والله مو عارفه وش اسوي ومتوهقه بعمري لانه اول واحد

سامحيني ازعجتك *

بنت سدير · 11-27-2011, 01:28 PM

اهلين شجوووون
اللهم امين الله يهون علينا يارررب
مايحتاج مستشفى دله راىع بكل القياسات..
طبعا كل يوم تجلسينه بحقه يحسبونه لك ..
انا بديت اتقضى من الشهر الخامس لاني في الشهور الاخيرة اتعب من المشي كثير تعرفين الثقل الله يهون عليناااا..
اي سؤال ياقلبي انا حاضرة ...

شجون الشمري · 11-27-2011, 06:07 PM

تسلمين حياتي ماقصرتي

طيب بكم الولاده عندهم لاني ابغى اسوي استقبال في المستشفي

معليش ازعجتكم ومن وين شريتي اغراضك واغراض البيبي

فولة · 11-27-2011, 07:54 PM

مساء الخيرر ياكروشاات
أنا حامل بس مدري كم لي وبأي شهر حامل
بليز أحسبو لي لأني ضعت كل مستشفى يقول شهر
أخر دورة كانت 3/6 عربي

بنت سدير · 11-27-2011, 11:01 PM

اهلين شجووون
بالنسبه للولاده اتوقع انها ب 6500
وبالنسبه لمقاضي البيبي من سنتر بوينت ومذركير ونكست والاستقبال من القرعاوي قاليري
اما انا عند حياه مول الدور الي فوق فيه محلات تبيع ارواب استقبال مثل محل واحه الجلابيه

ام سلطان ksa · 11-28-2011, 12:33 PM

السلام عليكم ورحمة الله وبركاته
انا اليوم اول لي في المنتدى وحابة استشيركم
انا من الرياض ولكن تزوجت وسكنت في الشمال
وانا هالحين حامل في اول الثامن ومحتارة وين اولد مع انه الحمل الثالث
لاني ولدت الاول في مستشفي عبيد التخصصي وكان خياطهم مو زين
والثاني ولدته في مستشفى الملك خالد الجامعي وكان مرة ممتاز ولكن رفضو اني اولد الثالث عندهم
وانا هالحين متوهقة ومو عارفة وين اولد
مع العلم ان كل ولاداتي قيصيريه
وابي اعرف وين احسن مستشفى اولد فيه بعملية قيصيرية وابي مشورتكم
اما بالنسبة للمستشفى التخصصي الحكومي ومدينة الملك فهد ما يقبولون على طول لازم واسطة على ما اظن
والا انتم وش رايكم يا كروشات

اتمني انكم ما تبخلو علي
وربي يسهل لكل حامل ولادتها
ويرزق كل مشتهية الذرية الصالحة

اختكم ام سلطان

*غزلان* · 11-30-2011, 02:30 AM

حبيبتي ام سلطان
انا كمان جديدة زيك في المنتدى
انا ولادتي الاولى ولدت في مستشفى اليمامة الحكومي
ومرة عجبني اهتمام ونظافة يعني ارتحت عندهم
وناوية ان شاء الله على ولادتي الثانية اروح عندهم

*غزلان* · 11-30-2011, 02:38 AM

اخواتي
حبيت استفسر الدكتورة قالت عندك 7اسابيع ونص
يعني كم شهررر ردوا يالغوالي

ام سلطان ksa · 11-30-2011, 10:40 AM

هلا فيكي اختي غزلان
وربي يسهل لك ولادتك يارب
مدري انا ما اعرف مستشفى اليمامة مع اني اذكر ان زوجة عمي تولد فيه
كانت غرفهم صغيرة وتضيق الصدر
اما هالحين ما اعرف يمكن تغيير
انا بعد السؤال والتدقيق راح اولد في مستشفى المملكة باذن الله
عند دكتورة اسمها اميرة
وربي يهونها علي