تجمع الحوامل اللي ولادتهم في صفر 1434هِ

اروي يقيني · 10-13-2012, 03:09 AM

شذا

وانتي من اهل الخير نوم العوافي

هيمو حقي · 10-13-2012, 03:27 AM

انا في السادس سويت اشعه رباعية الابعاد
وحسييت انو النونو يشبه بابته فديييييت قللللبه حبيب ماما

الله يقر عيني بشوفته وهو بخير ويقر عيونكم اجمعين

اروي يقيني · 10-13-2012, 03:34 AM

هيمو

اي انا قصدي هاذي رباعية الأبعاد

وايد حلو تشوفين البيبي واضح وتقولين سبحان الله

هيمو حقي · 10-13-2012, 03:44 AM

انا اكثر شي كان باين لي رسمة فمه
وسواااد شعره

هوادي*** · 10-13-2012, 03:45 AM

بناات انا شفت عيوونه مغمض..ورمووشه وحواجبه واضحه مررررره

بس يمكن انا ماركزت في شكله...او انه شبهه مين

شفت رجووله وجلده..فيهم شعر صغييييير

هو هذا ثلاثي الابعاد

هيمو حقي · 10-13-2012, 04:00 AM

حبيبي رباعي الابعاد تكون الصوره الوانها طبيعيه زي ع الطبيعه يعني

بس العاديه هي اللي تكون اسود وابيض

ياهم ربي كبير · 10-13-2012, 04:09 AM

مرحبا بنات

وااااااااو
لما اغيب تيجون ولما اكون موجودة تختفون
اخذ مني 30 دقيقة اقرأ القصص والسوالف هع

رحت اليوم عند وحدة من قرايب زوجي
كانت عازمة قريبات زوجي وقالتلي آخر شيء
قلت اروح عشان ما اضل لوحدي بالبيت لان زوجي كان بالشغل
ولقيت تقريبا 10 بنات هناك ، حكينا وتعشينا ورجعت ظهري تعبااان مع اني كنت قاعدة طول الوقت
جيت تقريبا قبل ساعتين

ياهم ربي كبير · 10-13-2012, 04:10 AM

اقتباس:

المشاركة الأصلية كتبت بواسطة اروي يقيني

مساء الخير يابنات

مهرة

تقدرين تنزلين الصور من برنامج في الايباد اسمه picup

زنوب

لاتذكريني بالولادة يارب يسهلها علينا

بقولج قصتي من البدايه

انا كنت راقده وقعدت بنص الليل على الم ماقدرت استحمله كان الم تحت لدرجة ان كنت ابي على طول أوقف ماقدر اقعد
وانا كنت راقده في بيت أبوي لان زوجي ماكان عندي عنده شغل برا

ورحت الحمام وانتي بكرامه قلت يمكن هذا غازات
شفت مثل خيط الدم
خفت على طول تجمدت مكاني واتصلت في أمي لان ذاك الوقت ماكان فيني قوه اركب فوق لها
وياتني وانا كل مالي يزيد الالم

وبعدين نادت ابوي
عشان يأخذني المستشفى
وكان ذاك الوقت الساعه ثلاث الفجر وكان مطررر وبرررد
ورحت وكشفت الدكتورة وقالت مفتوح بس سانتي

وقالت لي بس لازم تنومين في المستشفى عشان البيبي داخل مافي ولانقطة ماي
وظليت عندهم وأمي معاي
يوم ثاني من الالم والتعب الظهر ياتني وحده من اللي يشتغلون اهناك
تقول لي خلاص انتي مافي ولاده الحين هذا الم مال التهاب مب مال ولاده

قلت لها شنووو من البارحه وانا مؤ قادره اقعد ولاقدرت ارقد
بعدين تقولين لي هذا الم التهاب

الا اتقول الحين بتجي الدكتورة وبتروحين البيت
يات الدكتورة وكشفت علي الا تقول فاتح ثلاثة وشوي خلاص ركبوها فوق غرفة الولاده
وذيك اللحظه اشوى ماقتلت السيستر اللي اهناك يوم تقول لي مب الم ولاده
قلت لها فارجي ناقصتج انا تخيلو كان بتخليني اروح البيت وانا انتفتحت ثلاثة وشوي

وبعدين ركبوني غرفة الولاده
وتميت اتالم من الظهر الى الليل وكل شوي تدخل علي دكتورة تقول لي البيبي بيموت
والثانيه تقول لي بنسويج قيصري لان البيبي راسه فوق
والله أمي كانت اتقولهم ارحموها شوي أهي في عز الطلق ووحده تقول بيموت والثانيه مادري شنو

بعدين زوجة عمي يابت لي زعفران ومادري شنو معاه وشربته وكنت فاتحه سبعه
ومن شربته بعدين ياتني اللوعه وطلعته كامل وبعدين افتر راس البيبي وصار تحت

على الساعه 11 الليل ولدت طبيعي الحمدلله علووي فديته وكان صغير وزنه كيلوين واخذه دكتور الاطفال
عاش يوم واحد على الأجهزة
وبعدين توفى الله يرحمه كان أمنية حياتي بس الحمدلله الله عوضني وان شاءلله هالمرة خير

وايد تفاصيل ماذكرتها ماحب اتذكر وايد صعب الولاده تكون روحج معلقه بين إلسما والأرض ياترتفع ياتنزل
ومحد بينفعج غير الله سبحانه كنت كل شوب اقرا ايات واقرا تسبيحات
بس كلها اجر وثواب عند الله مايضيع شي

ياقلبي الله يعوضك يارب ببنوتك الحلوة ويخليها لك
ويجعل ولدك شفيع لك ولأبوه ..
ماني قادرة افهم السسترس من الأهمال اللي يسوونه ، سبحان الله
كانت هتصرفك وانتي فاتحة 3 سانتي ..
ان شاءالله هالمرة تكون ولادتك سهله وميسرة

ياهم ربي كبير · 10-13-2012, 04:11 AM

اقتباس:

المشاركة الأصلية كتبت بواسطة هوادي***

هيمووووووووووووووو صح انا معاااااااااااااااااااااك

وماابيه يتعود ع احد ينيمه..خليه ينام من وحده..

وماابيه يتعود ..ع انو احد يشيله ويهزه لما يناام

لااااااااااااااااااااااااااااا

انا اللي بتعب بالاخر

الله يجيبه ع خييير

مهررررررة والله كتبت كلاام كثيييييييييييير لك
وماحصلته..خخخخخ

النت عندي يقطع
قهررني

والله انا افكر بنفس الطريقة ، مابى البيبي يتعود على الحمل والهز وغيره
لاني شفت وحدة من قريبات زوجي ابنها الحين سنة ونص ولسا مايع ومتعود يصرخ ويلاقي اللي يبيه بالصراخ ، لانه امه عودته على الهز وتمسكه بحضنه لين ينام ويتعمله كل شيء، بس ما ألومها لانه كانت بكريه ..

ياهم ربي كبير · 10-13-2012, 04:12 AM

اقتباس:

المشاركة الأصلية كتبت بواسطة هوادي***

كيف ملوووووووووووووووووون.........؟؟؟؟

انا اللي قبل شهر شفت عيوونه واضحه والحواجب والرموووش... هووو

بنات هذا الشريط بحسساب دكتوورتي الجديده
ولادتي 3/2

حلو يعني بعدي بيوم :)
انا تاريخي 2 صفر
وعجبني انك محتفظة بالـ 6 صفر عشان عيوني هههههههه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
.·¤ تجمع الحوامل اللي ولادتهم في محرم¤·.	ام اسكندر	إستفسارات مرحلة الولادة	23225	12-20-2012 07:27 PM
[ تجمع الحوامل اللي موعد ولادتهم في ذي الحجة 1433 ه ]	دلوعة وطيوبة	إستفسارات مرحلة الولادة	2858	11-18-2012 11:34 AM
● [ تجمع الحوامل اللي موعد ولادتهم في ذي القعدة 1433 ه ] ●	~ L o l a	إستفسارات مرحلة الولادة	2656	10-16-2012 02:07 PM
تجمع الحوامل اللي ولادتهم بشهر ذو الحجة 1432.. الله يتمم علينا	ماما زوزو	إستفسارات مرحلة الولادة	10	02-03-2011 05:38 PM