تجمع امهات التوام حياكم

زود الغلا · 03-03-2011, 07:39 AM

يا امهات ياليت الكل يفيدنا عن تنظيم نومة توأمكم ..انا بناتي لحد الان ماتعدل نومهم حاولت بس ماكو فايدة ينامون على كيفهم ويقعدون على كيفهم ... وقلت بجرب اسبحهم بليل وحدة نامت والثانية مانامت الا الفجر عنيدة .. عطوني اقتراحاتكم وافكاركم اللي فادت وياكم .

نواعم النعومه · 03-03-2011, 04:45 PM

هلا والله باحلى تجمع الله لايخليني منكم
كنت مستفيده منكم وانا حامل
والحين ولله الحمد انا ام لخالد وغلا عمرهم 3 شهور

محجبه · 03-04-2011, 10:24 PM

هلا بكم بنااااااات
شلونكم حبيبات قلبي ورفيقاتي بوقت الشده ووقت اللي كلن مادرى بي غيركن وبث هموم وثقل والحمدلله اللي حط بنوتاتنا بين ايدينا
زوز
شلونك قلبي فاقدتك وربي وكثير من البنات اختفو ليش ووينك شازل افتقدنا نصايحك
زوزو انا بنياتي اذا قربت نومتهم خليتهم يصحصون واغير لهم والعبهم واخر شي الرضعه
ونوما هنيئا بس كثير منهم من يخالف النظام واروح في داهيه

حبيب قلبي عبود · 03-05-2011, 12:25 AM

كيفكم وش اخباركم
بنت الهدي وحشتينا والله
زودالغلا انا مثلك نفسي انظم نومهم بس مش قادرة الله يحفظهم لنا يارب
نفسي ادخل نادي رياضي بس خائفة عليهم قلت لين يكبرو شوي
زود انتي ولادتك عملية

زود الغلا · 03-05-2011, 03:21 AM

نواعم النعومة ... ياهلا وغلاااااااااااااااااا ومرحبتين ياهلا والله بهالطله وحشتينا شلونك وشلون عيالك .
محجبة ..........كل شي سويتة معاهم ماكو فايدة النهار كلة نايمين والليل سهرانين ورايقين يبون يلعبون .
حبيب قلبي عبود...........اي حبيبتي ولادتي عملية والحين لي شهرين وكم يوم والكرشة حكاااااااااااااااااااااااية شي مو طبيعي ومو راضية تفش نهائي .... بس ليش ماتنظمت نومتهم عمرهم 6 شهور المفروض ينامون زين .

زود الغلا · 03-05-2011, 03:28 AM

المتواجدين اللحين ...توام روحي ,,,جومانا ... محجبة ....تعالوا هني خلونا ندردش عن الحلوين اكيد سهرانين معاهم نفس حالتي بيبي يمينكم والثاني يساركم :)

زود الغلا · 03-05-2011, 03:45 AM

بنات صورتم عيالكم ؟؟؟ صور تذكاررية والا لا ؟؟؟ انا بصراحة احب اصور عيالي واهما صغار وودي بمصورة تجي البيت ماودي اطلعهم برا ... توام روحي حياتي ماتعرفين مصورة تجي البيت ؟؟

محجبه · 03-05-2011, 05:10 PM

زوز انا مصورتهم بكمرتي شريتها خصيصا لهم
زوزو عسى بناتك يرضعون زين انا عذبوني من ناحية الرضاعه والاستفراااااغ حيل ذابحهم

أم الحلوات · 03-05-2011, 09:06 PM

السلام عليكم

ياامهات حابة اسئل اللي كانت ولادتها عملية
في أي اسبوع حددوا لكم وقت الولادة؟
انا وضع اجنتي جاين بالمقعدة فراح تكون ولادتي عملية باذن الله
الدكتورة تقول بحدد لك وقت الولادة في الأسبوع 38
قلت لها بعيد على بالي اول التاسع راح تولدني
قالت عادة البكرية ماتطول وتتحمل الوزن الثقيل فيمكن تجيك اعراض الولادة مبكر اول التاسع ونسوي لك عملية عاجلة
هل كلامها صحيح من تجاربكم ؟
وشكرا لكم

محجبه · 03-06-2011, 12:36 AM

ام الحلوات سلامتك
انا حددو لي بدايه ال37بس جتني ولاده وطلق ببداية ال35يعني نهايه الثامن وعلطول دكتورتي قالت تعالي لانهم مقعدي والحمدلله ربي يهون عليك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل الكويت - دردشة بنات الكويت - تجمع حوامل الكويت	سمو الغيم	إستفسارات حوامل من الشهر السابع إلى الشهر التاسع	968	12-27-2011 07:13 PM
صور بناتي التوام	كاتمة الاحزان	منتدى حوامل الطبي	294	06-05-2011 10:45 AM
تجمع الحساويات .... حياكم الله ..... يالله ندردش ..(((2)))و((3)).	احبك ماما	إستفسارات حوامل من الشهر السابع إلى الشهر التاسع	12133	09-19-2010 11:22 PM
تجمع امهات المستقبل بأذن الله	om Roha	منتدى علاج العقم و تأخر الحمل	24	06-20-2010 09:06 PM