أحلى تجمع لحوامل التوأم الجزء الرابع

[ام غيداء2]

تسلمي حبيبتي ماتقصري في الرد

[ward22]

عملت اليوم الاشعة الرباعية الدكتورة طلبتها قالت ع اعتبار دخلتي السادس ..
ماشالله مرررة واضحين البيبين والحركة والشكل مرة حلوة انصحكم مااتأجلوها كثير بعدين يكبروا وحركتهم تصير اصعب لو مضمومين او لافين ..
وهي الدكتورة طلبتها قالت عشان نشوف الاعضاء الداخلية وتفاصيل الاعضاء زي الشفايف وكده والحمدلله كانت الامور تمام ..
الله يبشركم جميعا بما تحبون ويسهللنا جميعااا ..

[ام غيداء2]

ماشاءالله تبارك الرحمن على البركه الله يبلغك فيهم خير والجميع كمان

[الشموع المضيئة]

سلام كيفكم ياحلوين وكيف تونزاتكم

ماشاء الله فيه كثير جدد بهالقسم اللهم زيد وبارك وارزق كل وحده تتمني الحمل بالطفل السليم المعافي

انا كنت في هالقسم قبل اربع شهور وجبت بنتين الله يحميهم ويهديهم يارب همه واخوانهم من جد حياتي اتغيرت بعد ما جبتهم 180 درجه خصوصا عيالي كلهم وري بعض مرررررره هلاك والنوم شي اخر الحمدلله علي كل حال والله يكتب لنا الاجر

انا كنت دايم اتابعكم بس قبل شهر نفسيتي انقلبت راس علي عقب سارت دمااااااااااار خصوصا اني اكتشفت اني حامل وانا مركبه لولب طبعا الصدمه وسرت عصبيه وبس ابكي وتعبانه والوحم بدا معاي وحالتي حاله 4 اطفال صغار وبغربه وتعب وكنت مااريح نفسي مع العيال وسافرت معاهم وكنت اشيل كراسي السياره حقت البنات الصغار والشبطه كلها مع بعض ورجعت من السفر واكتشفت اني حامل من الوحم كانت اعراضه واضحه وقلت احلل مع اني كنت مستبعده عشان اللولب بس الحمدلله علي كل حال بس الحمل مااستمر اجهضت والحمدلله مااحس اني زعلانه بس من جد يابنات تعبت تعب مو طبيعي نفسيا ونصيحه اي وحده ماتفكر تحمل الا بوقت معين تستخدم مانعين حمل خصوصا اللي عندها التبويض دايما عالي الحين لي اسبوع من اجهضت وبعد اسبوع بروح اشيك واركب لولب ثاني واستخدم مانع ثاني

والله يسهل حملكم وولادتكم تري اللي خايفه من القيصري تراه حلو انا جربت الولاده في بناتي التوام بس اعطوني مسكنات قويه مرررررره فماحسيت بالالام الحمدلله

[sweety]

ياحياتي ياشموع مرررره صعب الحمل ورى بعض بس الحمدلله ريحك رب العالمين انا بصراحه من النوع الي اخاف احمل على طول فتشوفيني اولد من هنا والحبوب على طول ماتركها ولا اغامر بلولب ولا اي طريقه ثانيه ورد الحمدلله تطمنتي على البيبيات وشوفتيهم عقبال ماتشوفيهم على الطبيعه ان شاء الله وربنا يتمم للجميع على خير

[sweety]

ورد حبيبتي انتي من جده ؟ فين عملتي الاشعه وبكم سعرها

[ward22]

ام غيدا ..

امييين ياارب وياااك الله يتمملنا ع خير ياارب ..

.
.

الشموع المضيئة

منووورة طوولتي الغيبة
ربي يعينك يارب ويقويك والله فعلا صعب ورا بعض
الله ياجرك يارب ..
والحمدلله ع خيرته لك ..

انا شخصيا حالة زوجي مرة صعبة للحمل الطبيعي
لذلك ماهاخد موانع .. ولو ربك كتب حمدلله ع خيرته ..
الله يقوينا ويقدرنا ع التربية والتعب ..

تتذكري اسم الحبوب اللي كنت تاخديها مسكن ?
صراحة فعلا انا مرتاحة نفسيا للعملية والله يكتبلنا التساهيل يااارب

.
.

سويتي ..

ايه من جدة .. سويتها بالسامرية 2 بالنسيم دكتورة الاشعة اسمها دعاء
انا سويت اشعتين 3d و 4d فكانت ب 550
بس الفور دي لحالها مادري بكم الظاهر باربعمية وخمسين ..

[مشمشة توامي]

سلام يا حلوات
انا عضوة جديدة بينكم ياريت تقبلوني معاكم في التجمع
حامل بتوام كيسين ومشيمة وحده حمل طبيعي دا تاني حمل ليا
موعد دورتي 10/7/1434 مدري انا دحين في اي شهر و في اي اسبوع ملخبطينني الدكاترة

الف الف مبروك على كل وحده ولدت الحمد لله
متابعتكم من زمان وامس وصلت لاخر صفحه وحبيت اشارك معاكم احداث حملي
الله ييسرلنا و يتمملنا على خير يا رب و يرزقنا شوفت توائمنا باتم صحة واحسن خلق وخلقه يا رب العالمين

[sweety]

بنات الي تعرف بنات يبغو يتوظفو في جده في شركة محتاجه موظفات معلمات لغة انجليزيه

[ward22]

مشمشة

ماشالله ربي يباركلك يارب ويتمملك ع خير يارب العالمين منووورة ..
احذفي اول اسبوع بعد الدورة وابداي الحساب من بعدها يكون بداية اول اسبوع لحملك
واحسبيه بالاسابيع لانه ادق ..

قبل صفحتين او ثلاث راح تلقي ردي موضح كيفية حساي الحمل بالاسابيع ومعرفه الاشهر ..
والله يسهللك يارب حملك ويفرحك بتمامه =)

انت من وين

.
.

سويتي ..

ماعرف احد للاسف ..