تجمع مواليد شهر ( ذو الحجة ) لعام 1434 ه بإذن الله

غيمة ومطر · 10-08-2013, 12:49 AM

الله يكون بالعون يااارب
اليوم حسيت ظهري مسلوق سلق حمير
اوووووف من الالم اللي بغيت يطلع روحي
والمشكلة فيني تحجر بالبطن لدرجة انه يصير قاسي مرررة وتشوفي جز من بطنك وجزء من جسم البيبي
رحت ع الطواري
بعد سين وجيم
جت دكتورة كشفت لي من تحت
وقالت عنق الرحم مسكر
وحاولت تحرضه وتقربع فيه
شفت الموت وحسيتها تحك ظهري من داخل وانا اصرخ لها من الالم
خلتني شوي
والمكان غرق كله افرازات بيضاء كثيرة
وحسيت بطني بالطول يعني من تحت صدري للعانة كان احد يكهربه كل شوي
بعدها طلعوني
وقالوا مافيه اي بوادر للولادة
الرحم قاسي وعنق الرحم مسكر بشدة
تحطمت وقالوا لي
تعالي بعد يومين نسوي لك كشف من تحت ثاني مرة وتحريض
وان ما فاد تعالي في ١٥ اكتوبر
يالله متي اولد
خلصت ٤٠ اسبوع
وبيمددوا لي كمان اسبوع
الدكتورة تقول لي
نامي مع زوجك ٣ مرات باليوم
علشان يلين وينزل الراس بالحوض تحت
وانا اللي اسعفني زوج اختي
وربي صااار وجهي زفت مرة مرة مرة
تمنيت الارض تبلعني ولا تقول لي هالكلام
ياشيخة يعني ما تعرفي تقوليه لي داخل غرفة كشف الطواري
لازم تقوليه لما طلعت للاستقبال وعند باب الشارع
بجد حقدت عليها
وحرصت ع زوج اختي
يجيبني يوم الاربعاء الصبح يسوون لي كشفيه ويحاولوا يسوي لي تحريض ثم توسيع مرة ثانية
ثم اذا فتح عنق الرحم يسوون لي طلق
وربي خايفة من البهذلة اللي راح اكلها
بجد لو بيصير كل ذا وبعدها قيصرية
خلاص يريحوني ويسون لي قيصرية من البداية ويفكوني من هالتعب كله

غيمة ومطر · 10-08-2013, 01:04 AM

اهلن فيك اخت لموش
والله هذا ثاني حمل لي
واول بيبي لي
الحمل الاول جلست للشهر الثالث في بدايته ثم اجهضت
وجلست تقريبا ٧ شهور
ثم حملت ببنتي الان اللي ما ادري متي ربي يكتب لها عمر وتولد
والله اني شاكة ان حبوب الدفستون المثبته هي اللي قست لي الرحم
لاني كنت استخدمه من اول شهر لغاية الخامس
وتركته نهائي بالسادس
وربك كريم ياااارب
بيكتب لها ربي قريب تجي
قريب يااارب

بيللي · 10-08-2013, 02:02 AM

الله يعينك ياقلبي
من جد زوجك يقهر

هو اولى من زوج اختك
خاصه هالسوالف محرجة
كلميه يوديك بكره يمكن يحن شوي

حسبي الله على من حرضه

يارب تولدي بالسلامه ويهتم فيك

كآبتشينو · 10-08-2013, 02:15 AM

غيمه

لازم تكلمين زوجك وتشرحين له الووووضع

ولازم هو اللي يوديك مره ثانيه .. يبي بنت ببلاش :/ جد والله شي يقهر

الله يعينك ويمدك بالصبر والقوووه ويهون عليك وعلينا يارب

بنات وش شريتو اغراض الصيدليه ..!!؟

غيمة ومطر · 10-08-2013, 03:00 AM

بيللي
واخت كابتشينو
وربي دقيت عليه ٣ مرات ما يرد
بالاخير ردت علي بنت اخوه الصغيرة وتستهبل علي انتي مين والوو
لكن قلبي محرقني اكثر انه فيه احد جالس يعلمها ترد علي
وما ادري وين زوجي عن جواله
وربي بغيت انفجر من القهر
جت لي اختي مسكينة وكلمت زوجها يسعفني
للاسف اخواني ماكانوا موجودين وقتها
ارسلت له رسالة رد ضروري
ولقيت رسالة مكتوب نايم بكره اكلمك
*وربي مستحيل هذا رد زوجي
انا اعرفه ع طول يتصل
لكن اللي عنده
فالينها هالشهر
اسواق وتمشيات ومقاضي للعيد ع حساب زوجي
حتي بنتي ما شرا لها شي ولا خذ لها لو ع الاقل لبس واحد
طول فترة الحمل كنت اقوله نجهز نشتري للبنوته
كان يقول لي مو الاول تثبت يمكن تجهضي فيها
لما صرت بالسابع صار يوديني للسوق
خذيت الضروريات مررة
بس اللي قطع قلبي
ان وقتها كان رمضان
يعني ما طلعت السوق الا مرتين اتقضي
والباقي لاهله علشان العيد
والحين انا بموت وما ادري متي اولد
وهم مشغلينه بمقاضي هالعيد برضه
يالله يالله صبرك
متي اولد
وربي لاخلي اخر عيد يشوووفونه ويتقضي لهم
اقوله ابي مصروف انا عند اهلي
قال لي من وين اجيب لك
قلت ليه وين راتبك قال سددت جوال امي وخذيت اغراض للبيت وشريت لهم ملابس للعيد
و و و طيب والباقي
قال الباقي ما بقي شي لي ليه ماراح اعيد انا بعد
طيب وانا زوجتك مالي ملابس عيد تجهيز والبنوته اللي تجي مالها لبس للعيد
قال انتي عند اهلك شهرك ذا وان ولدتي نفاس وش تلبسين يعني حدك جلابيه
والبنت خليها لو جت خذيت لها
ياااااعالم بموت قهر
بموووووت قهر
وربي بس اولد
ليكون لي تصرف ثاني
لاجننه بالبنت
ولاخليه يكسيها ذهب
واوريهم
بنته عمي يعميهم
وش اللي حارق رزهم عليها
وش دخلهم فينا بجد
ودي احرق قلوبهم مثل ما احرقوا قلبي
حسبي الله عليهم
حسبي الله عليهم
حسبي الله عليهم

غيمة ومطر · 10-08-2013, 03:04 AM

يارب صبرني يالله
يالله صبرني
وضعي علة بجد
مابقي ع العيد شي
ولا عارفه متي اولد
يارب اولد
واشوف بنتي وزوجي
ياااااارب قريب قريب
ساعدني يالله
سااااعدني ياااربيه

غيمة ومطر · 10-08-2013, 03:33 AM

والله احس اني بديت انجن واهلوس
قريت ان الاناناس يحرض
كليت اناناس
وشربت شوربة ملوخية
قريت برضه انه يحرض ويساعد ع المخاض
تتوقعون فيه شي غيره ممكن يساعد
ارجوكم سااعدوني

عنبر الورد · 10-08-2013, 03:42 AM

هدي اعصابك شويا غلط عليكي انتي عندك حق بس غلط ربنا يقويكي ويهدي زوجك عليكي ويبعد عنه اهله بخيرهم وسرهم

عيون امها · 10-08-2013, 04:19 AM

غيمه ومطر
هدي اعصابك .... انتي بكذا تاثرين ع البنوته راح تتعبك باول فتره لها بكثرة البكا انتبهي ياقلبي
الله بفرجها لك من اوسع ابوابه يارب

غيمة ومطر · 10-08-2013, 04:30 AM

عنبر الورد
الله يجزاك الخير يااارب
اللهم اميييين ياااارب

اختي عيون امها
الله يجزاك الف خير
ابشري والله
راح اهدي اعصابي وبروق
باذن الله

خذيت تمر ورطب
وابشركم شربت حليب دافي
وخذيت ملعقة عسل
وشربت كاس زنجبيل حاااار
ودهنت بطني زيت زيتون
وتريضت رياضة العسكري مشي سريع لمدة نص ساعة
وتحممت بمويه دافيه وخليت رجليني ع البانيو بمويه حاااارة مرة
حسيت اني ارتحت
وطفيت
وهذاني اكتب
وجالسه جلسة القرفصاء
متربعة بس رجليني باطنهن لاصق ببعض
يارب
يارب
يارب
اولد يااارب ياكريم
ياااارب تجيب لي الولادة
يااارب اولد ببنتي اليوم قبل بكره
يااااااااااارب ياااااارب

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
هنا تجمع الحوامل الي ولادتهم في ذو القعدة 1434	ميمي 17	إستفسارات مرحلة الولادة	3965	10-20-2013 06:09 AM
تجمع بنوتات كروشات ••جمادي الاول 1434•••مارس 2013•••	أم الزين	إستفسارات مرحلة الولادة	16965	04-12-2013 02:05 AM
تجمع اللي بيولدوا في شهر ربيع الثاني 1434	ام رتيل	إستفسارات مرحلة الولادة	9124	03-16-2013 04:08 AM
[ تجمع الحوامل اللي موعد ولادتهم في ذي الحجة 1433 ه ]	دلوعة وطيوبة	إستفسارات مرحلة الولادة	2858	11-18-2012 11:34 AM
تجمع الحوامل الاتي سيلدن في ذو الحجة	بيوني	إستفسارات مرحلة الولادة	3806	01-09-2011 10:00 PM