دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

ريمان الوادي · 11-27-2010, 12:31 AM

ام يسوري حبيبتي حبيت اسالك هذا الزيت مافي مانع ابدا استخدمه من الان قبل الولاده بصراحه تحت باطي سواد رهيب اول ما حملت ومضايقني خايفه ما يخرج بعد الولاده
روح دحومي انا براجع عند دكتوره حنان في عيادات علي الصاعدي بصراحه ارتحتلها وكمان اختي ولدت عندها والله يسهلك يارب

روح دحومي · 11-27-2010, 12:34 AM

وين ولدت بنفس المستوصف ..؟

ريمان الوادي · 11-27-2010, 12:39 AM

اختي ولدت بنفس المستوصف انا زيك كنت خايفه والمستوصف شكله ما يأهل بس هيا عندها كل المستلزمات واذا لاقدر الله كنت بحاجه لمستشفي هيا تروح معاك يمكن تستدعيها في اي وقت

نلي خانم · 11-27-2010, 12:39 AM

أم يسوري
ربي يسعدك والله سمعت عن هالزيت والليله بسوي بحث عنه أحسك فتحتي مخي عليه كنت ناسيته
أنا جالسه اليله بس أدور أشياء تصفي البشره <<< متحطمه بقوووووووه

ريمان الوادي · 11-27-2010, 12:43 AM

ام يسوري ليه متحطمه يا عسل النفسيه ليها دور في البشره اذا كنتي ولاده استخدمي الحلبه بصراحه مفعولها عجيب للبشره انا وقت الولاده بس بستخدمها غير كدا لا تعرفين علشان ريحتها في الجسم

روح دحومي · 11-27-2010, 12:59 AM

طيب حبيبتي كيف الولادة عندهم ..؟

يعني تخرجي بعد ما تولدي بكم ..؟

و كماان بكم ولادتهم ..؟

نلي خانم · 11-27-2010, 01:15 AM

اقتباس:

المشاركة الأصلية كتبت بواسطة ريمان الوادي

ام يسوري ليه متحطمه يا عسل النفسيه ليها دور في البشره اذا كنتي ولاده استخدمي الحلبه بصراحه مفعولها عجيب للبشره انا وقت الولاده بس بستخدمها غير كدا لا تعرفين علشان ريحتها في الجسم

شكلك تقصديني <<< حاشره نفسي مو صح
أنا متحطمه لأن بشرتي مره تغيرت وكمان زوجي يقول أني سمرت ووجهي طلعت فيه بقع آآآآآآآآآآآخخخخخخخخخ×××××

ويني وين الولاده باقي أربع شهور الله يتممها ويعديها على خير

ورده ناعمه · 11-27-2010, 01:39 AM

صباح الخير كروشات انا جديده يمكن شاركه مره او مرتين المهم حابه اشارك معاكم والله يتمم لنا على خير
بنات انا مربوطه اقصد طبعا الرحم مو انا الحمد لله بس طلع عندي التهاب بول شديد الله يكرمكم ولوز كتب لي الدكتور مضاد اوجمنتين 625 لمده 8 ايام والزكمه دبحتني احس بطني تعورني ياريت إلي عندها خبره بالإلتهاب تنصحني والله خايفه على حملي كثييير

انشودةمطر · 11-27-2010, 01:41 AM

حلو صراحه موضوع العنايه وقت الحمل
بالنسبه للجسم والله الجفاف زايد بس استخدم فازلين اللي لونه موف مكتوب عليه لتجديد البشره مره روعه
وبشرة الوجه والله تعبانه بالذات الشهر هذا الهالات زادت عندي لان نومي قليل
بس سويت حركه اتمنى تفيدكم طحنت في المطحنه بطاطس نيه مع ليمون وحطيتها بقوالب الثلج وكل يوم اطلع وحده وامسحها على وجهي وحولين العين الى ما تذوب واخليها ساعه واذا تقدري نامي فيها بس للي زوجها عندها صعب بعدها رطبي وجهك احسها شوي اعطت نظاره يس لازم استمرار عليها

لعيونه أحيا · 11-27-2010, 01:42 AM

صباح الورد

كيفكم..؟