تجمع حوامل ليبيا

[ميمونة]

صباح الخير شن حالكم ومشكوره لكل من سال عليا

انا اليوم 7 يوم من غياب الدوره ومعاش حللت تاني يوم حللت منزلي في العشيه وطلع سالب بعدها معاش حللت واليوم موعدي في العشيه مع الدكتور الزروق يارب يبشريني اني حامل

ادعولي والله مستحقه دعوائكم

[ميمونة]

معراج الف الف الف مليون مبروك والله فرحتلك يارب يتمم عليك الحمل بالخير يارب وتشوفي وليدك والا بنيتك في حجرك والله قالتلي ايه انك حملت فرحتلك هلبه يارب يحفظه وينبته

[نسرينا]

ميمونة

والله نستنى فيك ونقول يوم الاحد تو تجي

ان شاء الله يارب يارب تكوني حامل

شنو ما تحسي في شيء يعني ما عندكش اعراض من اي نوع ؟؟؟

.

[poucie]

انشاء الله يا ميمونة حتى انتي طتلعي حامل الشهر هذا يا ربي
والله شبحتي فيك يا نسرينا انك حامل وما تبيش تقوليلنا تي باهي باهي

[نسرينا]

ههههههههههههههههههههه والله يابوسي وحياتك ياغالية ..

العلم عند الله ،،، والله ما مشيت حللت ، لكن احتمال كبيييييييير بنتوكل على الله ونمشي غدوة .

تعرفي ليش قاعدة ما مشيتش قاعدة نستنى في اي اعراض هههههههههههه اي حاجة دوخة ترجيع وحم على حاجة هههههههه ، غير وجع ظهري مافي شيء ..... يستر الله وخلاص ..

.

[poucie]

ما تخافيش وتوكلي على الله الوحم مش شرط اساسي في الحمل بدليل ان فيه هلبة نساوين ما يتوحموش بكل خلال فترة الحمل لا تجيهم دوخة ولا حشاك ترجيع ولا اي شيئ انشاء الله انتي تكوني منهم اسمعي بري اليوم حللي ماك خاصرة شيئ مش عارفة كيف عندك صبر ماشاء الله عليك انشاء الله ربي يطمن قلبك ويرزقك ما تتمني يا رب

[نسرينا]

امين يارب العالمين

يعلم الله نصبر في روحي بالسيف ..

.

[حنين88]

هاي يابنات صباحكم عسل يارب

تعرفو اليوم عالصبح لقيت القطوسة حشاكم لاعبتي في الكناسة عاد لقت فيها عظام حوت مخليتها حالة قدام الباب شوفو هاديكا الصنة وووه من الصبح الواحد ينوض للعناد الشقا

بنات بنسئلكم كان متلا انتي ماشية لمكان وتمشي معاك امك في السيارة تخليها تركب من قدام جنب راجك ولا من تالي ؟؟؟؟

توا ام الراجل معروفة تركب جنب ولدها من غير شك لكن امك شنو ؟؟؟

[تيمو ليبيا]

السلام عليكم ياغاليات بوسي الف لاباس علي بنيتك انشالله ربي ايزيدها شفي معراج وينك جاك وحمك علينا مسامحينك حبيبتي توحمي علي راحتك سورينام هما ايضحو اهني وراجلي بياخد امشي اقترحت عليه قتله ابعت فلوس ل ماليك ويضحولك هما واله ماخاطري في تعب بنتي مش حتهنيني سلامتها والعيد كان مكانش في ليبيا وبين ماليك مش عيد ولحمهم مش حلو الحق غير يقعد مكدس في فريز وخلاص كملتي صيانتك ولا مازال توا قداش بتفرحي بحوشك بعد الصيانه ربي يهنيك يارب نسرينا قعده محللتيش شجاعه انتي ههههه انشالله حامل يارب ليبيا كيف حاله حلو ماليا تلات متسقدين قريب نهبل ربي ما بغيبهم ميمونه حللي بلهي عليك مضيعيش الوقت وانشالله حتي انتي حامل بادن الله عيون وينك ام رفيده ام لقمان كيف حالكم حنين كيف حالك ياعروسه اني كنت عروسه توا قدمت موضتي ردي بالك من الحار بعدين بواسيررررررررررررررر قتلوني اني حاولي تنقصي منه راجلي يبي قهوه باي توااااااااااااااا

[نسرينا]

خيرات تيمو ليبيا


يا حنين ههههههههههههههههه الله يهديك عليك اسئلة غريبة ..

امك خليها تركب من التالي هههههههههههه ياسرها طول عمرها وهي راكبة مع بوك من قدام عمرهم ما عدلوا علينا وقالولنا اركبو قدام ههههههههههه

.

.