.·¤ تجمع الحوامل اللي ولادتهم في محرم¤·.

[Marawy]

هلووو ،،
اليوم حلمت حلم غريب ،، اخر مره حلمت كنت بالشهر الرابع وما اذكر الحلم ،، بس هالحلم غريب ،،

حلمت اني ولدت قيصري وجبت بنت حلوة تهبل ومن كثر ماهي حلوة اقول لامي تشبه من ! والكل كان يدخل يقول ماشاء الله تهبل ،، وكان شكلها ان عمرها مو يوم يعني كانت تضحك وتتفاعل معانا مو عمر رضيعه صغيره ،، وكانت تنقلب لما اخليها بالسرير ،، وبعدين قعدت مع اهلي وامي قالت رضعيها انتي من ولدتي مارضعتيها ،، قمت طلعت صدري ورضعتها من اليسار لحد ماشبعت وشفت الحليب بعيني يطلع من صدري وكان كثير وامي قامت مسكت صدري وحطت نقطتين من الحليب في عين بنتي ،! بعدها سألتهم ارضعها من اليمين بعد قالوا اي لازم ،، وقمت رضعتها وكانت تشرب ولما تضحك تفتح فمها اشوف الحليب فيه وهي تضحك ههههه وكان اسمها (اميره) والكل يسألني شسمها اقول لهم اميره ويقولون طايح عليها الاسم من حقها مع اني مافي بالي هالاسم كلش !! مدري من وين جاني !
وبعدين خليتها عند امي وطلعت لمكان شفت رجل يجامع (بقره) !!! وقفت مستغربه اقول استغفر الله وش هالبلا ! وهو مو مفتكر فيني بعدين جربت شوي منهم اشوف وكنت مو خجلانه كلش بعدين صار هذا الرجل بشكل زوجي !!! وحسيت نفسي كرهته ،، وبعدين قمت من النوم !!

مادري شنو تفسيره !! وخلاني اوسوس ،، فيه احد يعرف تفسيره ؟؟

[Marawy]

ام يارا ،، بخير ربي يسلمج شلونج انتي ؟ طمنينا عنج ؟

اعز الناس ،، الشر مايجيج فديتج ،، ربي يعافيج ويسلمج ،،

ام التوينز ،، وانتي بصحه وسلامه وربي يبلغنا اياه ويقدرنا على صيامه وقيامه يارب ،،

بنت تبوك ،، الحمدلله على السلامه ،، وماعليه شر ولدج ويارب بحق هالشهر الفضيل اللي داخل علينا انك تشفيه وتعافيه ،، ربي يحفظه لج ،،

رياليتي ،، ربي يسمع منج يالغاليه ونشوف النونو يلعب ويعفس السفره هههه معليش راضيين كله عشان وناسته فديته ،،

شولولي ،، بخير فديتج ،، ياحرام كسرتي قلب زوجج ،، شكله بخاطره تكونين معاه بالسفره ،، توكلي على الله وفرحي قلبه ،، واستودعي جنينج لربج ،،

ام اسكندر ،، اي والله صح كلامج ،، شي يلخبط بصراحه والفضول ذابحنا اكثر ،، هو صح الاثنين حلوين بس حلو تعرفين وش في بطنج ! ان شاء الله تطمنينا بعد العيد وتخبرينا شنو يطلع معاج ،، لو مستعجله روحي اعملي ملون الحين وشوفي ،،


ام نور وحمود ،، ماتوقع الرباعي يخطأ ،، الا إذا كانت وضعية البيبي يكون مو باين ،، بس بشكل عام اضمن من السونار العادي ،، ومبروك دخولج السادس ،، عقبالنا يارب،،


مشاعل ،، ياهلا ومرحبا فيج بيننا ،، منوره يالغلا،، انا خلصت اغراض النونو ،، بس باقي شغلاتي انا راح اقضيها بعد العيد ان شاء الله ،، بالنسبه للاحساس انا احساسي ان ولد واحساس زوجي بنت و كل من حولي يشوفني يقول بنت فيج والدكتورة قالت 70 بالميه بنوته ،، وانا بخاطري البنوته ،، وبنفس الوقت حلو الولد ،، اثنينهم حلوين ونعمه من ربي ،،


دلع ،، نوم العوافي وبسم الله عليج ،، ليش 700 كثير !! مبالغين فيه بصراحه !! احنا بالبحرين عندنا ارخص شي 300 ريال (30 دينار) والدكتورة اللي اروح لها تسوي العادي ب 300 ريال ( 30 دينار) والرباعي ب 400 ريال (40 دينار) يعني بالمعقول ،، بس لو حابه سوي ،، اكيد يستاهل ،، بالنسبه لي طبعا ،، لان شي حلو انج تروين ولدج او بنتج كيف كانت حياته في بطنج ،، ذكريات حلوة ،،
وبخصوص رمضان سمعت في قناة MBC Fm قالوا يوم السبت بيكون لانه بيبان الهلال الجمعه واضح ،، والله اعلم ،،


روح الورد ،، ربي يعطيج الصحه والعافيه وعليج بالف عافيه الاغراض اللي اشتريتيها ،،


عيش الحياة ،، الطفش هالكني ،، واحس نفسي امل واتعب من كل شي حولي ! مدري وش الحل !

[عيش الحياة]

مراوي
سلامتك من الطفش كلنا زيك بس حاولي تنسي شوية الحمل اقري قرآن وصلي وحاولي تعملي اكلات بسيطة او حلويات بدون ماتعبي نفسك سلي نفسك باي شي لأن لسا مشوارنا طويل

والحلم شكلو حلو ولا تخافي ولا شي وتفائلي خير

[Mishael]

مراوي ان شاءالله خير اللي اعرفه الولاده فرج والبنت خير لاكن الترضيع والبقر ماادري
كااني سمعت ان الترضيع صدقه او معروف انتي سويتيه بس مو متأكده،،وتسلمين ياعمري ماقصرتي

[ام يارا القادمه]

مساء الخير للجميع



ام التوينز كل عام وانتي بصحه وسلامه يارب


شولولوي ههههه ايوالله انتي مثلي ملاحظه تغيبي وترجعي قمر قمر




مراوي كيفك حبيبتي حلمك غريب عجيب مافهم فالتفسير فسريه اذا حبيتي



Mishael ماعمر مر علي احد صدق احساسه انا كل احساسي من يوم حملت انها بنوته واحلامي بعد والدكتوره قالت احتمال كبير ولد ومدري شهر واتأكد يمكن يصدق احساسي واختي كانت تحس انها بنوته وجابت ولد


مدري احس الأحساس هو نفسه الأمنيه الي تتمنى بنت تحس ان الي ببطنها بنت والي تتمنى ولد تحس انه ولد كذا اكتشفت من متابعتي للمنتديات والحياة

الحمدلله كلهم خير مين احنا لنتشرط خاصه اول حمل الحمدلله في ناس تتمنى ريحه بنت وفي ناس تزعل اذا عرفت انها حامل فبنت يارب لاتبلانا

[ع ـبير*]

السلام عليكم..

شلونكم بنات...؟؟!!

بنات ماادري شفيني..صاير لي كذا يوم مالي خلق حد يجيب طاري الحمل..وازعل اذا زوجي قال مثلا كلي عشان خاطري ابرار ولا لاتزعلين عمرج عشان خاطر ابرار "ابرااار إن شاءالله بنوووتي الله يجيبها بالسلامه"..

حتى ادش المنتدى بس بسرعه اسكره..وماابي اريح نفسي ابي اطلع واتمشى واغير جوو..مع اني لازم ارتاح لان المشيمة نازلة عندي بس الحمدلله الدرجة الاولى..

[ام يارا القادمه]

عيش الله يعين اذا التربيه اصعب من الحمل وش بيصير فينا


بس دام التربيه اصعب من الحمل ليش نشوف ناس تجيب خمسه وسته وعادي مرتاحين سبحان الله

[Mishael]

ام يارا انا خاطري بنونو وبس ودي فبنت وودي بولد واللي يجي من ربي خير وبركه ،،

[ام يارا القادمه]

Mishael

اذا كذا كويس اجل لاتهتمي لأنه اكيد بيطلع واحد من الأثنين

[Marawy]

عيش الحياة ،، اي والله ربي يعيننا على الطفش ،، وعامله لي برنامج لصلاة الليل والقران ان شاء الله عشان اقضي رمضان ،، واقدر اختم القران اكثر من ختمه ،، الله يقدرنا يارب ،،
ربي يسمع منج ويطلع حلمي خير ،، خوفني وقلت ممكن معناه شي مو زين ،،