دردشة بنات فلسطين, دردشة حوامل فلسطين, تجمع بنات فلسطين

leen82 · 02-10-2012, 03:39 PM

كيفكم صبايا وشو اخبار الحمل معكم والله جاره انا بحب كتير المنظفات والروائح العطريه
اليوم نزلت كل اواعي مالك اول ولادتو وبريتهم يلي منيح غسلتو ويلي مو كتير وزعتو مشان اجيب للبيبي الاشيا النائصه بس لاني بتوقع انو البيبي بنوته فكل التبانات الولادي رفعتهم الاسبوع الجاي ببدا اجهز عالخفيف ان شاء الله لالي ماجبت شي للحمل ألت خساره بس جبت اشيا اكبر بنمره لانو وزني مازاد غير 4 كيلو ومو مبين علي الحمل لهلا الزياده حتسير بالصيف وبالصيف الواحد مابلبس غير أمصان نوم
يلي بولدو برمضان زيييييي شو احساسكم بصراحه انا متدايأه من هالشي وبئول ياريت تأخر الحمل شهر مشان أكسب رمضان صيام ما بحب افطر فيه ابدا :(( بالنهايه الحمدلله على كل شي وربنا يأدرنا

جارة القمر · 02-10-2012, 08:54 PM

مساء الخيرات

صحه وهنا يا احساس شهتيني على التبوله زاكيه ..............ويعطيك العافيه على الغسيل
تعرفي بالشتا بحب انشر الاواعي على المنشر واحطه بالغرفه الفاضيه قبال الشباك بضل ريحة البيت
معطر رووووووووعه

لين يا الله سبحان الله اللي يومين بقول لنفسي اطلع اواعي يزن واغسل اللي منيح واطلع الباقي بس والله
شغل البيت دابحبني وغسالتي ما بتفضى من الغسيل ولا المنشر .......
وبالنسبه لرمضان من اول ماعرفت اني حامل اكلت هم لاني بفطر برمضان ولادتي انا باخر شهر 6 ل1-7

ورمضان بيجي ما بعرفف ممكن بنص شهر 7 يعني خسارة .......

انت متى اخر موعد؟

احساس أنثى · 02-11-2012, 11:48 AM

صباحكم فل صبايا ... أنا اصلا بنشر على المنشر ياجارة لأنه بلكونتي فيها متور وبنزين وخربطة

عارفين شو نفسي اليوم أخد كرسي وانزل على الشارع اتشمس هههههههههه

اليوم الجو دافي وحلو ... للأسف البيوت الي حوالينا كلهم بنوا عمارات وسكروا علينا الشمس .. لأنا طابق تاني

جارة رمضان بأول 8 أعتقد ... يعني انا يلي حيروح عليا رمضان ...

جارة القمر · 02-11-2012, 06:01 PM

مرحبا صبايا .............

ههههههههههههه والله يا احساس الشمسات اليوم روعه بس ما قدرت اتشمس

شو عملتو اكل اليوم انا روحت من الشغل وحضرت بسرعه بسرعه

عملت شوربة عدس وسمك وسلطه يونانيه بدون جبنه وبطاطا ..............

يعني نحن هون حوامل مفطرين رمضان ههههههههههههههه ما بنستحي بس ان شالله انا بلحق اصومه

لولو حمادة · 02-11-2012, 06:54 PM

مرحبا كيفكم صبايا شتقتلكم كثير كثير

جارة القمر · 02-11-2012, 08:47 PM

هلا وغلا بلولو

سافرتي؟؟

حواء مثالية · 02-12-2012, 10:24 AM

صباح الخير كيفكم شو اخباركم

لولو منورة الف الحمدلله على سلامتك

كيفكم والحمل ان شاء الله تمام

احساس أنثى · 02-12-2012, 11:29 AM

صباحكم فل ياصبايا ... مبارح عملنا ملوخية اليوم اجى عبالي شوربة الخضار كتير زاكية ومفيدة

تفضلوا معي ...

حواء مثالية · 02-12-2012, 01:35 PM

صحتين احساس كويسه بهالجو كمان

انا كمان مثلكم السنة بروح علي رمضان انا ولادتي قبل رمضان باسبوع او اول رمض

سما الدنيا · 02-12-2012, 01:54 PM

مساء الخير يا صبايا كيفكم شو عاملين...فصلة هالنت بعدتني عنكم هيني من بيت حماي بحكي نمت امبارح عندهم حماتي مبارح شاريتلي كل اجهاز البيبي يعطيها العافيه بجننو بس حاسسهم كتار بفكر اجيبلو خزانه من هلاء....ان شاء الله رح اولد بالهلال البيره ...ادعولي يا صبايا اقوم بالسلامه يا ربي...
اطمنت عالبيبي بسته الشهر ما شاء الله كان منيح ووزنو وكل شي تمام بس ما شفت المره وجهو كان نايم عبطنو ازعلت كنت حابه اشوفو ب23 الشهر الي كمان موعد بكون فايته ان شاء الله بالتاسع...العد التنزلي ببلش عندي او هوه مبلش من هلاء..
يا رب يتمملنا كلنا عخير وييجو بصحة وعافيه يا ربي.....

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	15243	06-15-2013 02:43 AM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
دردشة حوامل اهل فلسطين الغاليات ^_^	* ام لؤي *	إستفسارات حوامل من الشهر السابع إلى الشهر التاسع	2433	01-02-2012 09:14 PM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
بنات فلسطين الغاليه..كيف تعيشون؟؟	دلع	منتدى الحياة الأسرية والزوجية	18	07-17-2010 05:18 AM