دردشة بنات ليبيا , دردشة حوامل ليبيا , تجمع بنات ليبيا

[ام وسونة]

هدا ياحلوة جهزي بسكويت سادة وكسريه كبير يعني ماتفترشيشي

وبعدين حطي ملعقتين زبدة في الطنجرة ولما يدوبوا حطي عليهم 4 ملاعق كاكاو

وخلطيهم مع بعض وقبلها تكوني مجهزة 2 كوب ماء ومدوبه فيهم كوب سكر و2 ملاعق

نشا ولما يدوبوا حطيهم على خليط الكاكاو والزبدة وحركي كويس لين يتجانس

ولما يبدا يختر حطي علية علبة قشطة وحركي لين تغلي وبعدها نزليها من على النار

وابدي حطي البسكويت طبقة في البايركس وحطي عليها الشكولاتة اللي جهزتيها واستمري في ا

في الطبقات لين تكملي وبعدها حطيها في الفريز وصحتين على قلبك

[الفراشة الواحة]

صحيتي سلم وخيتي ربي يحفظك ويرزقك بدرية الصالحة

[ام وسونة]

ولايهمك ياغالية تفضلي في اي وقت

وخيه ليبيا الحوت نوعه كوالي وتبلته بالثوم المرحي واليم والكاري

[الفراشة الواحة]

ام وسونة بنسالك علي الطاقم بيقداش

[ام وسونة]

الطاقم ب 3350

[ام وسونة]

موقف من الواقع

كان فيه مراة كل ما يقعمز راجلها بحداها على التلفزيون يبدا عيونه قريب يطلعو..وكان شاف لقطة من مسلسل سوري يبدا مقعمز ويقهر فيها..

(هادم النساوين..مش الليبيات اللي تبدا جنبك تقول صاحبك..) ( تي قالك خوذ ليبية..تي هذا الجمال الصح مش الليبيات شيونية وتجكتير على الفاضي)

وهي مسكينة تبدا تسحن وساكتة..

ومع انه هو كان شيونية وفقر وعنترة زي مايقولوا..غير الجمل مايشوفش لعوج رقبته

لين جي يوم وقررت معاش تسكلته

بدي كل مايتفرج ويعلق..تقوله ماهو من نيتك السودة ربي طيحك في واحدة على قيس نيتك..

وبدت هي اللي تتكلم لما تجي واحدة حلوة في التلفزيون..وتقوله شوف قهرتك..كانك كويس وربي راضي عليك راهو عطاك زيها..

لين الراجل شعف ومعاش دارها بكل..ولما تجي بنية حلوة في التلفزيون يواطي عيونه ويغير القناة على طول..

اني الحق عجبتني حكمة المراة..مع اني مانحبش الطريقة هادي في التعامل..لكن مدام هو نوعه هكي ويجرح فيها ومايراعيش في شعورها يستاهل وخلي ياكل على راسه .

[ام وسونة]

طريقة مضمونة لحصول الطفل الليبي على طريحة املحة من امه :

- تبدا كيف منشفة الحوش ويجي وسبيدروه كله تراب ولبز ويخش بيه ويرون الدنيا.

- تبدا موتية مترد حلويات لضيوف جاينها وتلقاه لاعب فيه وكله منتوش وملوح .

- يجيها قدام الناس وهما ياكلو في فاكهة ويسألها على الموز ولا التفاح ويقوللها شن اسمه هذا؟ اول مرة نشوفه.

- تبدا تحكي في موقف قدام ناس برانية وهو كل شوية يقوللها لا مش هكي صار ويكذب فيها.

- لما يجوها ضيوف يدير العار والهبال كله حتي اللي مش متعود يديره قبل ويوري للناس انه مش خاطمة عليه التربية بكل.

لهذا عزيزي الطفل بش تجنب روحك طريحة املحة من امك رد بالك اتدير هكي .

[ام وسونة]

الاب : من تحب اكتر انى ولا امك ؟
..
..
..
..
الابن: انتو الاثنين نحبكم هلبااا
الاب:به كانة اني مشيت لي اميركا وامك مشت لي باريس مع منو تمشي ؟
الابن:أكيد باريس لأنها حلوه هلباااااا
الاب:به كانة اني مشيت لي باريس وامك مشت لي اميركا وين تمشي؟ ؟
الابن:اميركا!
الاب: يعني انت تلحق في أمك ؟؟ >_<

الابن : لأ مهوو اني مشيت لي باريس علاش نمشي مره تانية

[ام وسونة]

هي تصبحوا على الف خير ياااااااااااااااااااااااااااااااارب

ربي لاتذرني فردا وانت خير الواثين

[الفراشة الواحة]

ام وسونة انتي مواليد كم ووين تسكني