تجمع حوامل اللي موعد ولادتهم في شهر جمادى الثاني1433 ‏ه

[قشطه وعسل]

هلا فوفو
الحمدلله انا بخيير
وسوري ياقلبي خرجت من المنتدى وماشفت ردك
ماادري يمكن تلاقيها بمحلات العبايات
حزن الليل بالنسبه للخوف من الولاده
اي صح في شوية خوف بس لما افكر ان راح يجي
حبيب قلبي انسى الخوف ههههه والحمدلله اني بكريه
ماجربت الألم قبل يعني على عمايا والي يجي من الله حياه الله
بس نصيحه لكم خواتي بالشهر الاخير اشربو مويه مقري عليها
واكلو تمر كثير واكثرو من الاستغفار بنية تسهيل الولاده
وتوكلو على الله

[نسيم الجبل]

سلام ياعسولات
تحية لتجمعنا الرائع
شكرا لكل وحده سألت عني 😊
الله يتمم حملنا ع خير
بالنسبة للتجهيزات اللي وقت النفاس في ولادتي الاولى ماسويت ولا شئ يازين البساطه
والله المظاهر خسارة فلوس لو نعطي الفقراء هالفلوس صدقه عن انفسنا افضل
وكل واحد ووجهة نظره.

[fufualmoon]

الله يسلمكم من كل شر
يلا عقبالنا بالولاة الميسرة

بنات ايش التغيرات اللي تحسو فيها ها اليوميين ولا نفس الشيء ماتغير
صرت احس نفسي ثقيلة ونومي مزعج لم انسدح على ظهري
واي حركة فجأه احس الرحم ينشد
والبول الله يكرمكم هو نفسه ما تغير رايحين جايين ع الحمام
وصدري صار فيه بقع بنيه او نمش مادري ايش يسمونه

[قشطه وعسل]

هاااااي صبايا
فوفو التغيرات طبعا الحمام وانتو بكرامه
صايره اروح له بكثره انا اصلا من بداية حملي وانا كذا
بس هالشهر احس بزياده حتى وانا نايمه اصحى من نومي واروح
صايره ماارتاح بنومي لاني متعوده انام على بطني وماعاد اقدر
بس انام على جمبي طبعا ثقل لاموحاسه بثقل لان بطني مومره كبيير
اصلا مالي بطن بس كروشه صغيره يمكن الي مايعرف اني حامل
مايلاحظ ههههه بس هالشهر كبر شوي وامي تقول مايكبر بطنك الابالسابع
وصدري تغير لون الحلمه صارت بني غامق مرررررررره يع صايره
تقرف ههههه بس الحمدلله زوجي متفهم رقبتي لاحظت فيها شويت
سمار والله يعين ويكتب لنا الاجر ياارب

[ام ضاري11]

سلام كيفكم
وكيف الحمل معاكم

[قشطه وعسل]

وينكم يابنااااات نبي نسولف
وبي صرت اغار من التجمعات الثانيه :(
شكلي بمسك خط معاهم هههههخخخخ
بلييييييييز ادخلو نبي نسولف
انا ماعندي شغل اليوم خلصت شغلي
وزوجي مداوم وجالسه لوحدي

[ام ضاري11]

قشطة وعسل
كيفك
انتي بعدي بيوم حملك هههههه

[قشطه وعسل]

هلا ام ضااري
اي قلبي بس انا موبعدك انا معاك
يمكن التوقيع مقدم يوم هههههه
بس انا اخر دوره لي 26\8
يعني معاااك

[همسات قلبي]

هلا كروشات
كيفكم وحشتوني

بنات من امس رجع لي الترجيع اكره هالشي
غير كدا نفسي اغير من نفسيتي مااقدر احس مره مكتئبه
واذا فكرت اطلع وقتها ماتعدي نص ساعه الا وانا اقول عندي لوعه وع طول ارجع

أنتو كيف زيي او افضل مني

[fufualmoon]

لا الحمدلله استفراغ مافيه
بس الريحه رجعت احس كل شيء حولي ريحته خايسة