تجمع سيدات ليبيا الغاليات..

[جوهرة ليبيا]

بنوض انغير لجمونه الحفوظه وبجامة النوم ونغير اني ونحاول نررررررقدد صابح جمعه والغالي

معادش يبيني نرقد بعد الفجر هههههههه تعود بالعمل

انسقد فيه الصبح ونرجع نررررررقد ربي يحفظه

ليلتكم سعيده

[ام وسونة]

السلام عليكم

شكلني جيت متاخرة كل الحبايب ننو نوم العوافي يارب وان شاءالله تنوضوا على كل شي تمنيتوه

ام فراس تسلم ايدياتك الصورة تتكلم

ام رنودة كيفك ياحلو تصدقي لما قولتيلي ان مطبخك 6\6 بنقولك انك متلخبطة يعني بحكم عندي خبرة في القياسات

فقلت مطبخها وهي ادرى بسه المهم حبيبتي مطبخ ماشاءالله عليه ان شاءالله تعمريه وتشوفي فيه احلى ايام عمرك يارب

اني مطبخي 4/4.5 يعني فارق بسيط بيناتنا

ام سومة نعسانة شكله ابدي فيك الوحم ههههههههه

سوسو ربي يدوم لمتكم وصحيحة البكبوكي

وتوا تصبحوا على الف خير حبايبي

[هدية الخالق]

السلام عليكم ورحمة الله وبركاته
كيف حالكم اليوم

[هدية الخالق]

المشاركة الأصلية كتبت بواسطة dr.loly

اهلا هدوووووووو

اليوم ماعدينش

لولي جتها حراره وهك برده يستر الله هالايام عويلتي مش عارفه كنهم

اهلين فروسه لاباس عالسموحه ربي يشفيها إن شاء الله
أه مأفيش أصعب من مرضة الصغار أني جربت لما مرضت سوما المده اللي فاتت أول مره تمرض من لما صغيره ماشاء الله عمرها ما مرضت هذا ليش خفت لأني أول مره معرفتش نتعامل معاها بس الحمد لله بوها قام بالواجب أكتر مني لدرجة حتي هو اللي اكتشف إنه عندها حرارة واني ما انتبهتش معنديش خبره الحق نحسابها عادي ساخنه من الحوش بس ههههه ولما قستها لقيتها 39 ونص لكن باهي الحمد لله مشت بسلام

[جوهرة ليبيا]

ام وسونه سلمها الذكيه ياربي وعادي لو قلتيلي الانسان يتلخبط

وطبعا ماصارش من النوم لحد توا لان الحلوه والعسوله واللي قطعتها بوسات حبيبه امها الصغيره نااااااايضه

وتلعب برجليها وايديها وتضحك وكلميني ولعبيني وبس هههههه ربي يحفظها هي ووخيتها وبوهم

ورنو من شوي ناضت تبي حشاكم الحمام ربي يخليها وولت رقدت

[جوهرة ليبيا]

اهلااااااااا هدهد

كيف حالك وحال سوما العسوله وبوها وكل اهلك في ليبيا

[هدية الخالق]

المشاركة الأصلية كتبت بواسطة sosolibya

اليوم مممممممممممممممم ماخاطريش ندير غدي على خاطر أمس مدايرة هلبة حاجات

فاليوم قالي راجلي خلاص توا نجيب حاجة وخلاص

بس لقيته صقع وخاطري جي في مكرونة سخونة جاااااارية ممممممم ودرت طنجرة مبكبكة تهههههبل تستاهل فمكم.. وطاجين بيتزا يهبببببببل بالفلفل الحلو الملون وجبنة..

ووو عيالي اتصلوا بيا عزموني على مبكبكة في الشراك بس مشينا درنا دورة سريعة وروحنا تغدينا في حوشنا ..

ألف صحة علي قلوبكم سوسو

المشاركة الأصلية كتبت بواسطة sosolibya

مسااااااااااااء الخير والورد والمحبة

هدهد وين كسل فرقت حالي هههههههههه نايضة بكري لكن لاهيو في الصفحات الجديدة يللي درتهم

الجدية اعدة مازرتينيش فيها انت

وحدة طبخ والثانية لثقافة المرأةثقافة المرأة..ألأم وألأنسة
الزواج,ألأمومة,ألأطفال,الصحة والجمال,الديكور


فروسة صحة ومشكووووووووورة على البخور فوح صنتك ياحنة ...

ولد عمي احمد لله كويس بس قاعد ماروحش.

مبروك الصفحات الجدد يا سوسو ربي يعاونك
حطيلنا روابطهم باش نزورك فيهم

[هدية الخالق]

المشاركة الأصلية كتبت بواسطة جوهرة ليبيا

اهلااااااااا هدهد

كيف حالك وحال سوما العسوله وبوها وكل اهلك في ليبيا

اهلين جيجي قاعدة مسهراتك السموحة ربي يحفظها
الحمد لله باهيين كلنا الله يسلمك

[جوهرة ليبيا]

ايه ياهدهد قاعده ساهرة بس اعتقد بترقد خلاص ياااااااااااارب ترقد تعبانه

[هدية الخالق]

سوسو لاباس علي قريبتكم ربي يشفيها ويحفظنا جميعا
جيجي الله يبارك فيك وصحيتي عالدعوه الحلوه إن شاء الله عقبالك حتي إنتي بتوأم أولاد يارب
ام وسونه زعما وحم هههه لالا يا حلوه لما قلتلكم نعسانة ومنرقد كان عندنا الوقت ليل متاخر الساعة 12ونص معناها طبيعي ننعس ونرقد ههههههههه