دردشة حوامل دولة الجزائر- تجمع بنات الجزائر

[هادية]

صحا فطوركم كامل
انا اليوم جوزت غير قلقة و زعاف و ميناج فور هذا وين قعدت راني قدقد و الله ماقعدت تعبت حتى مصليتش التراويح اليوم بلاك ريح شويا و نوض نصلي ربي يقدرني
سمرمر وراكي ماكيش مالفة هك

فرقان صحا رمضانك
انا درت الفطور شربة و لحم الحلو و بطاطا مقلية سلاطة خضراء و عجوزتي مريضة لابيري و ماكليت والو تعبانة شربت غير الما و الحليب بارد

[فرقان]

سلام حباباتي
انا درت الجاري فريك كما العادة وشباح الصفرا ولحميص والفريت وفطرت انا وراجلي برك الشياب مشاو لبارح للعمرة
الحريييييييييييييييية التامة
انا تاني تعبت بزاف ليوم ربي يتقبل منا يا ربي

[فرقان]

بصح اليوم جاز ساهل يعني ماعطشت ولا جعت روعة مع شويا لبرود

[فرقان]

طلو وتهربو صحيتو
مهم صح صحوركم وتبقاو على خير غدوا ان شاء الله

[samia19]

صحا صيامكم كامل رانا كامل هادية جوزناه مع التعب بصحتك فرقان الحرية انا درت شربة فريك و كفتة و بوراك و سلاطة بصح ما تكل والو رانا غير مع الماء و المشروبات

[samia19]

وين هاربة انتى رانا هنا

[هادية]

ان شاء الله عمرة مقبولة
انا لا لا يا فرقان قبل مروح لسطيف نقضي و نخدم نفضت عملت كل شيء قلت كنجي غير نفرش برك
كجيت البارح لقيت مرت سلفي عاملة العقيقة جابت 2 خرفان و ذبحتهم و قسموهم علينا كامل ماقلت والو دار العجوز و من حقها بصح لغاضتني لقيت الحالة تخلع حالة العيد الكبير الفريجدارات يخلعو و الكوزينا النمل الذبان لمعان مكانش الايزيس ف لكوزينا ماشراتش الفليطوكس و لبزتهم المهم ماعندي من قلك ملي دخلت البارح على1 و انا نجبد و درت السحور و صباح كروحت رفدت ولادها و خلات حتى فراشها من نهار لرحت نهار الاحد حتى اليوم مسيقوش الدار تخلع هادي حالة رمضان يا فرقان
و زيدبنها عمرو الله يبارك9شهور البارح نهار الشك تفكرت العقيقة
علاش هكدا وتقولي انا داري خليتها هايلة
كيفاش ماتهدريش و متعيطيش و وزيد تحلي فمك يقوللك دار العجوز
المهم فرغت قلبي برك ان شاء الله ربي يقبل صيامي اليوم و يسمحلي منيش قادرة نصلي التراويح
المهم الحمد الله
حبيت نفضفض برك

[هادية]

راني هنا علاش رحتو

[هادية]

قولولي معليش نبدا الترويح غدوة و الله غيضتني بزاف وجدتلها من شعبان

[samia19]

المشاركة الأصلية كتبت بواسطة هادية

ان شاء الله عمرة مقبولة
انا لا لا يا فرقان قبل مروح لسطيف نقضي و نخدم نفضت عملت كل شيء قلت كنجي غير نفرش برك
كجيت البارح لقيت مرت سلفي عاملة العقيقة جابت 2 خرفان و ذبحتهم و قسموهم علينا كامل ماقلت والو دار العجوز و من حقها بصح لغاضتني لقيت الحالة تخلع حالة العيد الكبير الفريجدارات يخلعو و الكوزينا النمل الذبان لمعان مكانش الايزيس ف لكوزينا ماشراتش الفليطوكس و لبزتهم المهم ماعندي من قلك ملي دخلت البارح على1 و انا نجبد و درت السحور و صباح كروحت رفدت ولادها و خلات حتى فراشها من نهار لرحت نهار الاحد حتى اليوم مسيقوش الدار تخلع هادي حالة رمضان يا فرقان
و زيدبنها عمرو الله يبارك9شهور البارح نهار الشك تفكرت العقيقة
علاش هكدا وتقولي انا داري خليتها هايلة
كيفاش ماتهدريش و متعيطيش و وزيد تحلي فمك يقوللك دار العجوز
المهم فرغت قلبي برك ان شاء الله ربي يقبل صيامي اليوم و يسمحلي منيش قادرة نصلي التراويح
المهم الحمد الله
حبيت نفضفض برك

ما تقلقيش روحك هادية هاذى هيا حالة العرب تقول لواحد يروح يهجربلاد بصح واش ديرى كبرى بالك و كلش راه يفوت المهم هيا صحتك كون طليتى عليا لبارح قريب ما مت من القلقة و الحمد لله فاتت و ربى يعطينا الصبر و الثقل و العقل وربى يثبتنا فى صيامنا و صلاتنا