تجمع لحوامل شهر جمادى الأولى 1433

[المخملية]

مالك سلايف ؟؟
انا اخت زوجي سهتاانه يادوب حالها حال نفسها
هي متجنبة الناس كلها حياتها عيالها وشغلها وبس
وعمي طيب مععايا مررة صح انا رسمي معاااه لانو رجال كبير وشديد شووي
عمتي طيبة بس لو تسيب اسلوب المسكنه حقهاا .. مررة تقهرني بأسلوبهاا دا
وكمان لو تبطل بحث ورايا واسلوب السيطرة
تصدقي اني اخاااف منهااا على طيبتها لكن احسها قوية يعني من تحت لتحت
دايم اتخيل لو صار شي بيني وبين زوجي لاسمح الله ممكن تقدر تاخذ عيالي ..
لانها قوووية...واكثر من مرة تجي سالفة وحدة زوجها طلقها وخلا ولدها معاهاا تقول مدري كيف تنازل عن ولدو بهالسهولة
اكثر من مرة زوجي حاول ينزل هوا وبنتي لحالو عند اموو مررة تجيني حالة بكى ماابغى بنتي تتعود تنزل من غيري
مدري ليش هالوسااوس بس يمكن لان عمتي مسيطرة مع انو زوجي مستحيل يسويهاا
اماا سلايفي انا مالقيت منهم قبول اول ماتزوجت فصرت رسمي معاااهم ..

واهل الزوج بصفة عامة خليك رسمي معاااهم عشان ماتخربي على حياتك

[المخملية]

لازم يمشو كلمتهم الرجال
خلاص انتي ايش لك خليه دام هوا الي بيتعب وبيدفع وهو سااكت
طنشي وماعليك ..

شكلك تقولين ليتني اولد وتتفركش الروحة كلهاا
الله يعين امك بس
منجد هما الي ياكلووها

[white sugar]

الا عندي 3 سلايف
وحدة فيهم خالتي ، والتانية على قولك سهتانة ولما حاولت في البداية اني اتقرب منها حسيتها تنافق
تخيلي من يوم ما اتزوجت عمرها ما قالتلي اتفضلي عندي مع انو الباب قدام الباب مرة وحدة دخلت بيتها يوم ولدت ورحت اباركلها واعطيها هدية ولادتها
والتالتة اتزوجت انا وهيا فنفس اليوم وكنا دايما نروح ونجي عند بعض لاننا ساكنين بنفس العمارة وحملنا وولدنا سوا بين ولدي وولدها شهرين ونفس الشي ما عاد سارت تقلي اتفضلي عندي بالكزب تخيلي .. لما انا اقلها تجي وتنط فقلت يا بت من قاصرها ابعدي عنهم ، سرت ما اقابلهم الا عند اهل زوجي وفي المناسبات كمان

[white sugar]

على فكرة ترى انا مرة مو من النوع اللي يتكلم في امور زي كدا
في المنتديات ولا اشتكي شي
بس شكلو مع الحمل والنفسية .. وطبعا الصحبة الحلوة انفلت ههههههههههه

[همسات قلبي]

حلوه السوالف اخر الليل

الحمدلله لقيت احد احكيله أنا مبسوطه من ام زوجي وأبوه مالهم فيني
حتي اخواتو بس وحده فيهم منكده حياتي
وزوجي دايم عندها يحبها واكتر مشاكلنا بسببها اوقات والله ادعي عليها
ان ربنا ينكد عليها حياتها زي ماهي تنكد حياتي
اوقات ودي اتصل فيها وأقولها ابعدي عن حياتي الله ياخذك



احس لازم فيه نكاده من اهل الزوج
ع الرغم أنا معاهم رسميه جداً
الا ماتطلع وحده تعكر جو حياتك

[همسات قلبي]

نسيت اقولكم
من لقافتها بيني وبين زوجي حتي في النوم ماتستحي تدخلت
والله يابنات تقوله كيف انت صابر من حملت زوجتك بعيده عنك
تقوله هذي تدلع
لدرجة تقوله عادي نام معاه اللي تسويه مفيد للجنين
يقولها الدكتوره تقول البنت ماتتحمل صحتها تقوله هالدكتوره كذابه
ماتدروا قد ايش قهرتني

[المخملية]

ههههههههههههههههههههه
خليتك تتكلمي او على قولتك يمكن من الحمل

أنا سلايفي كثير ...
هما حاولو يتقربو مني وزاروني ببيتي بس ماادري احسو نفاق
لانهم من كنت مخطوبة وهما مو متقبليني وكم مرة يعيبو في بنتي ويقولو زي امها
وغير الكلام الي مالو داعي فأخذتها من قاصرررها ومادخلت بيت ولا وحدة فيهم الا كم وحدة اضطريت لاني سافرت لهم مع زوجي
ووحدة تزوجت مع بنفس اليوم وخلفت معي وزارتني ببيتي بس مااستقبلتني لما جيت ازورها وبيننا شوية حزازيات وغيرة خاصة بعد ماخلفنا ذبحوني بالمققارنة بين بناتناا..
وللامانة انا مااستقريت عشان افكرازور اي وحدة فيهم يادوب انزل لعمتي ...~
وتدري انو عمتي ماتحب ازواج اولادها قبل مااجي من شهر العسل طلبت من ماما اني ماازورهم ولا احتك فيهم لانهم مايزوروها على طول الا من فترة لفترة
فأنا خفت منهم صراحه وتجنبتهم والحمدلله اني كنت رسمية معااهم
ودايم اردد على زوجي مااحب فيكم ومايلزمني بعائلتك الا انت وبنتك

[سرووءة]

صباح الخير
كروشات
قلت اكيد موجودين بدخل بسولف معكن
وربي مقهورة للحين ماقدرت انام
نمت بعد صلاة العشا شي ساعتين وفقت بعدها
وللحين ماقدرت انام صرلي بالسرير من الساعة 3 وماقدرت
والبنوتة حركت كتير
قلت يمكن جوعانة
لاني من الغدا الساعة 6 ماكلت شي
قمت سويت لي اندومي واكلته
وبعد ماااكلته ندمت
والحين فتحت اللاب شكلي ساحبتها للصباح :(

[white sugar]

والله يا همسات مالك الا تطنشي وتكبير العق
انا زيك كدا وحدة من اخوات زوجي مرة رسمي معاها وهوا مو بس يموت فيها
العيلة كلها عندهم احسهم رافعينها اكتر من قدرها
بس انقهر من تصرفات زوجي معاها تخيلي ما يناديها ابدا باسمها دايما يا يقلها حبيبتي او انه يناديها بدلعها
عاد انا انجلط عمره ما ناداني باسم الدلع حقي الا مرة وحدة صح يقلي حبيبتي ومدري ايش
بس الغيرة عاد .. فانا امسك نفسي واكبر عقلي اقول مهما كان دي اخته وهما مالهم الا بعض وانا مالي حق اتصرف تصرف مالو داعي

على راي المثل كبر الدي وروق الجي ولا هوا العكس مدري

[المخملية]

همسااات قلبي..
ايش تبغى هذي حتى بالخصوصيات تتكلم
هي قريبة من زوجك من قبل ماتتزوجو والا دوبها تقربت منوو
منجد لما ابويا قالي احمدي ربك ان زوجك ماعندو اخوات غير وحدة والا ترا الاخوات يطينو العيشه
طيب كلمي اي وحدة من اخواتها وقولي لها تكلمها تتجنب حياتكم او كلمي عمتك
ايش دا ...
وبعدين زوجك ليش يقولها هالامووور الخااصة ...
هذي تذكرني بوحدة من عماتي كم مرة تتكلم مع ابويا بهالامور
وربي انها عمتي بس استحقر منها هالشي...
حتى زوجي لما قلتلو انصدم
لانو هالشي عيب وخاص بين الازواج

ياشيخه ادعي انو ربي يكفيك شرها ويشغلها بنفسها