تجمع حوامل الأشهر الأخيره(السابع,الثامن,التاسع)

[Yara87]

كل عام وانتم لله اقرب مبارك عليكم الشهر الله يعينا على صيامه و قيامه
كيفكم اليوم ؟

[نبض الأمل]

نادرة...الله يقومك بالسلامة انتي والبيبي
والله يحفظه ويكبره وتشوفيه اجمل طفل بالدنيا...
والحمدالله على سلامتك وسلامته..
وهل السبب لأنك سافرتي .؟ يعني من طول الجلوس بالسيارة ؟

[نبض الأمل]

المشاركة الأصلية كتبت بواسطة يغار الحلى

نبض الأمل متى اخر دوره لــك ؟؟ ابحسبلك وان شاءالله تعرفي الصح

اخر دورة 22/11/2011

وعلى هذا التاريخ اعتقد ان الولادة 28 اعسطس 2012 اي 10 شوال
والله اعلم....
ملاحظة: الدورة ماكانت منتظمة وفقط انتظمت شهرين وحملت بالشهر بالثالث..

[نادرة]

مساء الخير

الله يبارك فيكم حبيباتي وعقبالكم كلكم يارب


ولدت قبل موعدي بشهر لكن الحمد لله اكيد انها خيييره لي وللبيبي , يكفيني انه بخير الحين وبحضني

سبب الولاده ان موية الجنين نزلت كلها بعدين نزل دم وبدا فيني الطلق وترقدت يومين لين ولدت , يمكن لاني قبلها كنت مسافره بالسياره واجهدت نفس بالمشي والحركه وما كنت ارتاح كثير

بنات انتبهوا من كثرة الشغل وريحوا انفسكم قد ما تقدرون

امممممم وقت ولادتي ما استخدمت لا اعشاب ولا اي شي خخخخخ اصلا صارت فجأه بدون ما استوعب لكن كان معي حلتيته اشمها كل شوي حتى السستر قالت لي انها حلوه تفتح الرحم بسرعه وسويت طريقة ام حنونة صبيت شوي مره بفوطه وخلبتها تنشف ولبستها بعد الولاده
وحاولوا تتعلمون طريقة التنفس وقت الطلق جربتها فعلا مريحه عكس الصراخ

بنااات لا تصيرون مثلي وتخافون وقت الولاده من قوة الخوف كنت ارتجف لكن صارت اقل من اللي مرسوم ببالي يعني لا تسمعون كلام احد ييخوف الحمد لله ربي ما خلا الالم لنا الا لاننا نقدر نتحمله واصلا لحظة خروج البيبي والله تنسيك كل شي حسيتي فيه لو تسألوني الحين عن الطلق والتعب بقولكم يومين وعدت واحلى هديه من ربي معي الحين وش ابي اكثر

الله يكبره بسرعه واشوفه يملا ثيابه ... وزنه صغير مره كأنه لعبه ودخل العنايه 4 ايام لكن الحين الحمد لله وضعه تمام ...

ربي يسهل على كل حامل ويرزقها بيبي سليم ومعافى يارب

[نبض الأمل]

المشاركة الأصلية كتبت بواسطة kiamed

نبض الأمل عندنا نفس الأسابيع وانا نفس اللي يعطي السونار والدورة الفرق يومين زادها السونار عن الدورة وآخر دورة لي يوم 15/11/2011 وموعد الولادة حسب السونار يوم 27/08/2012

والله يا اختي العزيزة انني متحيرة لأنني اخاف تقولي خلاص التاسع خلص
ولازم طلق صناعي واخاف تقول عملية وووو
لأنها تحسب على حسب السونار
ويكون التاسع توه دخل لأن الفرق كثير برأيي...
واخر دورة 22/11/2011 وموعد الولادة 28/8/2012 على حسب الدورة
اما السونار تقول باقي اسبوعين!

[نادرة]

المشاركة الأصلية كتبت بواسطة نبض الأمل

نادرة...الله يقومك بالسلامة انتي والبيبي
والله يحفظه ويكبره وتشوفيه اجمل طفل بالدنيا...
والحمدالله على سلامتك وسلامته..
وهل السبب لأنك سافرتي .؟ يعني من طول الجلوس بالسيارة ؟

امييين الله يسمع منك

كتبت القصه بالتفصيل وحذفتها لان حسيت اني طولت والتفاصيل الزايده بتوتركم عشان كذا اختصرتها وكتبت المهم اللي يفيدكم

الدكتوره قالت من المجهود ماكان لازم اسافر بهالوقت الغلط وكنت امشي كثير واتعب وما ارتاح حتى ما استشرت دكتورتي اسافر ولا لا

[مهآآتك]

مرحبآآآآ
خوفتوني بخصوص الصيآم غآد أنا اليوم ماتسحرت
أساساً مااكلت شيء بعد فطوري أمس الساعه 9
الله يستر استودعته ربي «.
أن شاء الله بروح لأهل زوجي اليوم وبكرا بروح لأهلي
مرااا مبسؤوووطه

[نادرة]

بناااات شلون اعرف اذا هم عطوني طلق صناعي ولا لا . . فيه ابرتين عطوني اياها بالمغذي وما سألتهم حقت ايش

ممكن يصير طلق صناعي وما قالوا لي لاني كنت خايفه منه ؟؟
اذا كذا حركه حلوه منهم والله

[مهآآتك]

الحمدلله على سلامتك نادره
قوليلي ياحلوووه الكشف !! كويس وإلا مؤلم
وماأخذتي إبرة الظهر
طيب حسيتي ب الخياطه أو لا ،،،،؟

الله يبلغك بصنآك ويتمم لنا على خير

[نادرة]

المشاركة الأصلية كتبت بواسطة مهآآتك

الحمدلله على سلامتك نادره
قوليلي ياحلوووه الكشف !! كويس وإلا مؤلم
وماأخذتي إبرة الظهر
طيب حسيتي ب الخياطه أو لا ،،،،؟

الله يبلغك بصنآك ويتمم لنا على خير

الله يسلمك
الكشف يعتمد على اللي تكشف عليك , دكتورتي ايدها خفيفه الحمد لله وما حسيت بذاك الالم القوي لكن السستر شوي ايدها اثقل مع ذلك كلها الم محتمل واخف من الطلق نفسه
ابرة الظهر ما جربتها ولا عندي فكره عنها

والخياطه انا ولدت بمستشفى خاص يسوون بنج موضعي وقت الخياطه بس الحكومي بدون بنج
لكن بصراحه انا ما احتجتها ماشاءالله لان حجم البيبي صغييير مرررره وطلع بدون قص


ماودي اقول ان شاءالله ماتحتاجين ويجي جنينك صغير مثلي لكن الله يسهل عليك ويارب ما تحسين بالالم اللي خايفه منه