دردشة بنات فلسطين, دردشة حوامل فلسطين, تجمع بنات فلسطين

[بينك روز]

اكيد طبعا
انا صح بنفس منطقتك بس انا مستأجرة مش مقيمة
يعني اهل زوجي واهلي تابعين لسويدي النصر
مشان هيك

[احساس أنثى]

اهااااااااااااااااااااااااااا

ياالله كويس .. ان شاالله بكره تطمني على رهوفه

انتي هلأ بشغلك ؟

[بينك روز]

ان شاء الله
اه والله انا هلا بالشغل
بس شكلي ماخده لفحة هواء
صدري بجعني وكل شوي كحه
مش قادره
بستنى تسير 2.30 مشان اروح انااااام

[احساس أنثى]

بس تفطري اشربي شي ساخن ... ودهني فكس ... الف سلامه عليكي

الله عيينك على النوم بهالحر .. اليوم بتقطع على ال3 عنا

ماعليكي طبيخ؟ اليوم ؟

[maya123]

هلا احساس كيفك؟

انا فحصت الكفارة لحالها بتغني هيك شيوخ بلدنا حكوا هسا بحطلك فتوى الشيخ

هاي الفتوى شو رايك؟

1. المرأة الحامل كما صورها القران الكريم تكون في حالة ضعف وغثيان وتعب شديد قال تعالى" وَوَصَّيْنَا الْإِنسَانَ بِوَالِدَيْهِ إِحْسَاناً ۖ حَمَلَتْهُ أُمُّهُ كُرْهاً ۖ وَوَضَعَتْهُ كُرْهاً وَحَمْلُهُ وَفِصَالُهُ ثَلَاثُونَ شَهْراً ۚ" وقال تعالى" وَوَصَّيْنَا الْإِنسَانَ بِوَالِدَيْهِ حَمَلَتْهُ أُمُّهُ وَهْناً عَلَى وَهْنٍ وَفِصَالُهُ فِي عَامَيْنِ أَنِ اشْكُرْ لِي وَلِوَالِدَيْكَ إِلَيَّ الْمَصِيرُ" اذن الحمل وهن وضعف وتعب.
لذا سمحت الشريعة الإسلامية للحامل أن تفطر، سواء كانت الاستشارة الطبية تتعلق بها أي الأم ام بجنينها، أو إذا شعرت هي بالتعب أو خافت هي على جنينها، ولا حاجة لتعقيد المسالة، بل تفطر ولها ثواب الصائمين بإذن الله، لان سبب إفطارها خارج عن إرادتها، فإذا صامت الحامل وتضررت أو تضرر جنينها وعلمت قبلها أن صيامها ضرر عليها أو على جنينها فهي آثمة لا ثواب لها، والواجب عليها أن تفطر.
2.إذا أفطرت الحامل فهي إما ان تقضي عدد الأيام التي أفطرتها، وإما أن تطعم عن كل يوم مسكينا، والإطعام لمن توالى عليها الحمل أي تحمل كل سنتين او ثلاثة أولى وأيسر، وعلى كل حال هي بالخيار إما تقضي عدد الأيام التي أفطرتها فهذا يسد ويجزيء، وإما ان تفدي أي تطعم عن كل يوم مسكينا وهذا يسد ويجزئ أيضا، وهنالك أراء أخرى بعيدة عن روح الشريعة.
مثال: امرأة حامل أفطرت 30 يوما ،فلها انها تطعم عن كل يوم مسكينا او تخرج قيمة ذلك مبلغا وقدره25-تقريبا شيقل تعطيها للجنة الإغاثة أو لأي مسكين او فقير .
2. اخرجي ما بين 750 ش.ج

[بينك روز]

اه بتقطع على 3 صح
لا عليه والله بس لسه مش مقرره شو اعمل
زوجي حكالي ارتاحي وانا بعمل كل شي
اسمعي
على الاكم برايك هيجيبوا الكهربا اليوم
معقول قبل لفطور ولا هنفطر على العتمة

[بينك روز]

اها
توكلي على الله مسك
بس برضو اتصلي انتي باي شيخ واسئليه بنفسك افضل

[احساس أنثى]

هلا مايا ممنكم نستفيد .. طمنتيني كويس

مسك والله من مبارح ماقطعت بالليل انسي كمان على الفطور تضل جايه هههههههههه

بكفينا طمع ههههههههه ... انتي ماعندك ماتور بالبيت؟

[maya123]

قصدك مايا يا بنك روز
هاد الشيخ نفسو سالتو هو حكا هيك انو بكفي او كفارة او اعادة الصيام والاولى كفارة
انا صاحة كنت ناوية اصوم بس برضو دكتورتي وممرضتي وامي وحماتي وكلهم خوفوني من الصيام وبخاف اخاطر ويصير لبنوتي شي
وكل الحوامل اللي حوالي اختي وقرايبي وصاحباتي ولا وحدة صايمة
والله كان نفسي اصوم بس كتير خايفة من اللي بحكولي اياه

[maya123]

صبايا انتو بتشغلوا برمضان ويلا كيف؟
انا بعد ما اولد ان شاء الله بشهر راجعة عالجامعة وشايفتها كتير صعبة اترك البنوتة وهي عمرها لسا شهر شو رايكم اعمل؟