♥ تجمع حوامل جمادى الثاني 1435هـ - أبريل 2014م ♥

[بريق اللجين]

عسووولة مكة..ان شاءالله بداية طلق.. الله يساعدك ويسهل عليك
ويرزقك الولادة الميسرة ..
ويقومك بالسلاامة..
انا اليوم الصباح حسيت بالام وفرحت قلت هذا الطلق..
ونمت والحين مااحس بشي..
الله يفرجها علينا ويعوض صبرنا بالولادة السهلة يااارب..

[الريم الشرقي]

المشاركة الأصلية كتبت بواسطة عاشقة السفر

أكيد ما راح نخليكي! بس تذكري مو شرط يمكن تولدي باي لحضة يمكن تكوني الاولى :)

الله يعطيك العافيه والله يستجيب منك وأولد هالأسبوع إن شاء الله

المشاركة الأصلية كتبت بواسطة الأميرة شهرزاد

طريقتو تحطي عشبة كف مريم ومويا وتغليهم شويا
تصفي المويا وتحليها بعسل وتشربيها اذا فتح الرحم عندك مو قبل
انا شربت مقدار كوب ف المستشفى بعد ماعرفت انو الرحم مفتوح 5 سم
الله ييسر لكم ..
..

يعطيك العافيه على هالطريقة والله ينفع بها كل حامل ياااااارب

[الريم الشرقي]

المشاركة الأصلية كتبت بواسطة عَ ـيّوِنٌهِ دُنٌيّتُـيّ

الحمد لله يابنات انا ولدت صبي البارحه يوم 13/4 ميﻻادي من بعد معاناه وكانت ولاده صعبه ومتعسره ب طلق 16 ساعه بس الحمد لله حاليا ارتحت ولساتني بالمستشفى
ومبروك لكل الولدو وعقبالكم ياكروشات

عيونه دنيتي....
الف الف مبروك المولود ويتربى بعزكم والحمد لله على سلامتك وسلامته ..
الله يرزقكم بره ويجعله من الصالحين ان شاء الله,,,
إن شاء الله هالألم فترة وتنسينه وكل يهون عشان شوفة الضنى

[الريم الشرقي]

المشاركة الأصلية كتبت بواسطة وفاءإنثى

الحمدلله أبشركم بنات ولدت أمس
وجبت بنووته عقبالكم يارب والله يهون
عليكم الم الولاده والطلق
ومبرووووك للي ولدو

وفاااااااااااااااااء

الف مبروك البنوته والله يجعلها من مواليد السعاده...والحمد لله على سلامتك وسلامتها...
وعقبال تشوفيها عروس ان شاء الله

[جوجو1434]

وفاء انثى
وعيونه دنيتي وكل الي ولدوا
الف الحمد لله عالسلامة عليكم
ماشاء الله تبارك الله ، الله يجعله قرة عين لكم

وعقبال البقيه ياااااارب نفرح فيهم
بريق الله يفرجها عليك انت والريم والباقي يارب تبشرونا بولاده طبيعيه ميسره وتفرحون بالبيبي


واعذروني الي ماذكرت اسمائهم الى الان تعبانه بس والله ماني قادره اركز ومشتته بالي مع ولدي
وحاسه بالم بصدري من امس والى الان مارضع مني طبيعي وودي ارضعه من اول الحليب اللبأ عشان يعطيه مناعه بس ماني عارفه كيف لانه بالمستشفى ومادري متى يطلع ايش العمل يابنات ينفع اسحبه الحليب بالشفاط ودي اسحب الحليب بالشفاط مين عندها خبره او انتظر واتحمل الالم

[Bent-Abdullah]

السلام عليكم

اخباركم بنات والدات و كروشات ؟؟

الف مبروووووك للي ولدوا و الله يسهل و ييسر للبقية ان شاء الله

بما ان بنتي نايمه قلت راح اكتب لكم قصة ولادتي

بالبداية و في ليلة يوم السبت تاريخ 28 مارس ما كانت عندي اي بوادر ولادة بس كنت امشي

جت لي بنت عمي تقولي ليش تمشين كذا ؟؟ المشية لازم تكون رياضية و بخطوات متباعده مو مشيتك انت مشية دلع هههههه

طيب سمعت كلامها و طبقت الي قالتلي عليه و مشيت تقريبا نص ساعه ايلين ما وجعني ظهري

بنفس اليوم و انا نايمه جاني الطلق بس كان بارد و ماصخ بس بطني تتقلص و ألم عبيط بالظهر و البطن

بس كان ( منتظم ) تقريبا كل ربع ساعه و بعدين صار كل 10 دقايق

قمت من الفراش الصبح دخلت الحمام اكرمكم الله لقيت عندي افرازات بنية و طبعا تشقق وجهي من الفرحه و استيقنت ان عندي ولادة و كلمت زوجي

زوجي طلب مني اكلم امه و استفسر منها لاني بكرية و رحت كلمتها و جلست معاها قالت لي صبري و شربتني منقوع زعتر و خلتني اكل تمر

و بعدين ع الظهر نزلت عندي قطع دم اعزكم الله دقيت على زوجي مره ثانيه قال لي نفس الكلام و رحت سألتها قالت يلا بنروح المستشفى

بس خبرت زوجي ما رضى لان الألم كان خفيف نفس ما هو بس انتظم كل 5 دقايق .. قال اختي لما اخذتها ما كانت تتكلم من الالم و انت عادي و تضحكين

اتوقع اذا اخذتك راح يرجعونك ..

امه ما عجبها الوضع و توترت راحت كلمت اختي عشان تجينا .. جت اختي قالت بنحسب الوقت بين كل طلقة و ثانية و مثل ما قلت كانت المدة 5 دقايق

قالت يلا بنروح المستشفى قلت طيب الالم عادي اقدر استحمله قالت مو شرط يمكن طلقك بارد !!

المهم ع الساعه 5 طلعنا انا و اختي و ام زوجي و 2 من خواته ع المستشفى يعني تقريبا الشعب كله ههههههههه

و انا اضحك اقول اتخيل ما في شي و يرجعوني البيت و انواع النكت و الاستهبال بالسيارة

وصلنا دخلوني من عند الطوارئ و بعدين على طول ع غرفة الولادة عشان يكشفون علي و انا اسألهم طيب ليش ما تحطوني بالملاحظة! استغربت

و بعدين رحت لبست اللبس تبع الولادة و دخلت الغرفة كان فيها نيرسات و سبحان الله اول ما دخلت راح الالم !

سألوني في وجع ؟ قلت لا .. قاموا يضحكون طيب ليش جايه ؟

بعدين جت الدكتورة المناوبة كشفت علي و انا اكثر شي اتعقد منه الكشف الله لا يوريكم اصيح من الالم

قالت مفتوح 5 سم ولادة !!

انا من سمعت جاني خوف مو طبيعي قمت ارجف كني سمكة مطلعينها من البحر ؛ (

ركبولي جهاز الطلق و جهاز نبض البيبي .. نبض البيبي كان سريع جدا يعني البنت كان ناقصنها اكسجين الدكتورة قالت لي نامي ع جنب

و بعدين الحمد لله استقر .. و بعدها قام يلعب علينا النبض مرات يزيد و مرات ينخفض و كان عندي تقريبا 4 نيرسات و الدكتورة كلهم قاعدين يراقبون النبض

حطولي سقاية و بعدين قالت الدكتورة راح نقرص كيس الماي قلت طيب فتح كيس الماي و جت النيرس عندها ابره فرغت الي فيها بالسقاية

سألتها شو هذا ؟ قالت هذا زين يخلي الرحم يفتح بسرعه !!! مع اني شاكه انه طلق لان بعده زاد الالم و قام يجي كل دقيقة و طبعا الالم ما ينوصف

بعدين قالت بوسع بأيدي بس انا ما خليتها توسع عدل قالت انت هذا ما استحملتيه ! بعدين كيف بطلعين راس البيبي ؟

طبعا تحطمت من كلامها و زاد الرعب

قمت استغفر و اسبح و ادعي ان ربي اذا اخذني ياخذني طاهره من الذنوب و قامت تجيني كل الافكار السوده و ندمت اني جيت ع المستشفى و ندمت اني عرست و حملت

راحت الدكتورة عند اهلي برا قالت ادعوا الله يخليلكم البيبي لان نبضها ضعف

و بعدها بشوي راحت تكلم زوجي ان راح يشفطوا البيبي عشان ينقذوها قام زوجي يصرخ عليها يقولها و انا وش عرفني وش هو الشفط ما درست طب !!!

اذا بتقوليلي بتسوين شي اشررحيلي عنه !

و اثناء ما هي تتناقش معه برا فتح عندي الرحم 10 سانتي و جت دكتورة ثانية كان توه بادي دوامها قالت فتح الرحم ادفعي

انا لما جيت ادفع حسيت الطلق راح بس هي قامت تشجعني تقول ادفعي بسرعة بتختنق البيبي رحت انا دفعت بكل ما عندي و الحمد لله

طلعت بنوتي و ما مرت ثواني الا و اشوفها على بطني

طبعا اللحظات كانت مثل الحلم بنتي كانت عيونها مفتوحه و تطالع مستغربة و اللهم بارك كانت جميلة جدا

حتى اهلي قاموا يقولون نخاف نطالع بوجها لا نحسدها ...

بس طبعا الحين صارت شي ثاني انكمشت و صار لونها احمر و اصفر انخسف القمر هههههههه

طبعا انا كنت مستغربة كيف قدرت اطلع الراس !! بس طلعوا شاقيني من الفرج ايلين الشرج الله يكرمكم

و طبعا بعد ولادتي اكثر ما عذبني الجرح و الخياطة و الحمد لله انا و بنتي بخير

و دمتم سالمين

[ام مريم ورحمة]

عيونه دنيتي ووفاء انثى مبروووك ما جاكم والحمد لله على سلامتكم ويجعلهم من الذرية الصالحة اللهم ااامين
عسولة مكة ان شاء الله بوادر ولادة وتبشرينا بكرة بقومتك بالسلامة انتي والبيبي
جوجو
اشفطي الحليب ووديه للبيبي بالمستشفى
او رضعيه هناك
باقي البنات
الله يخلصكم بسلام وترتاحوا من ثقل الحمل يارب

[جوجو1434]

المشاركة الأصلية كتبت بواسطة الريم الشرقي

جــوجــــو
حسبي الله عليهم اللي مايخافون الله 5 تحاميل والله كثيره كيف خليتيهم ...الحمد لله اللي ربي سلمك من مضاعفاتها ...ورحمه من الله ان نبض الجنين ضعف عشان يولدونك قيصري
الف الف الف الحمد لله على ماحصل ..
ولاهنتي بأي مستشفى ولدتي وبأي منطقه ومين دكتورتك اللي أشرفت عليك للولاده ...؟!
أبغى نستفيد والكل يأخذ أحتياطه لايكررون نفس غلطتك

انا طعتهم لان التحاميل الي قبلها كانت تطيح بمجرد ما اروح دوره المياه وهي لازم تقعد اقل شي ست ساعات بس انا من الماء والعصير عشان التخطيط كنت اشرب كثير ولازم اروح دوره المياه عشان كذا خليتهم


المستشفى هو في عنيزه اسمه مستشفى الوفاء وهو معروف عندنا بالمنطقه انه زين مره وكل الطاقم الخاص بالولاده نسائي
عشان كذا رحت له وقدر الله وماشاء فعل هالشي مكتوب والحمد لله على كل حال

[shush]

مبروووك حامل وبس وفااء وعيونه الله يحفظهم لكم

الاميرة سوتيه كف مريم من البيت واخذتيه معاكي ولا بسويهاا باذنه تعاله

عاشقه والاميره والريم انا الي اخر وحده 26 اغلق التاسع اهى اهى

بنت عبد الله حمد الله على سلامتك والله يكتبلنا ولاده سهله يارب

بريق الله يسهلك يارب وتولدي حااسين فيكي الله يفرحك بولاده سهله ياارب

[اميره قصره]

ماشاء الله وفاء الف مبروك وعقبالنا يارب
بنت عبدالله ... قصتك حلوه ماشاء الله بس الي يخوف نبض بنتك لما ضعف الحمدلله على السلامه
انا احس اني اذا دخلوني غرفه الولاده بقعد ارجف هههه

انا باقي 4 ايام وادخل الشهر العاشر
والحمدلله