أحلى تجمع لحوامل التوأم الجزء الرابع

[اتمنى الفرح]

اكمل لكم
الحمدالله ربي طلبته وماردني شفت نفسي رايحه لبابه اطلب رحمته والله ماتصدقون من جد جاني انهيار شديد وقت الولاده ابي اولد وأخلص وفي نفس الوقت خايفه
اعيش الوضع التعيس مع زوجي وكنت ناويه ادعي عليه ماقدرت دعيت له مايتحمل ربع ماشفت اعرفه
المهم ابتدي
رحت موعد عيادتي الاربعاء وسبحان الله دكتورتي في العياده قالت لي المفروض الاسبوع الي راح وخليتج تروحين اسبوع اليوم خلاص قلت توكلت على الله بس العمليه كانت صدمه وتكيفت مع الفكره الحين
اخدت الاوراق وكنت اخر وحده في العياده رحت الطواري علشان ادخل لعبت فيني الدكتوره بالعياده رفضت دخولي تقول مو طواري ولافي حاضنات. قلت لها الدكتوره في العياده داريه بس علشان صحتي انا تعبت صرت ابكي علشان انام لاشعوري البيبي صاروا تحت برجولهم
طلعت وانت تعبانه ومكتأبه وزوجي زاد الهم علي

[اتمنى الفرح]

ماعليش زياده تشويق وانا اتعب وبعدين اقرر اكمل بس ماعاد يهمني طالما التنوز بره وبصحه وسلامه انا اشيل حالي الم منه والم منه ويمشي الحال
رحت الخميس علشان اقدم اوراقي قالوا لا هذي حقت بكره حرام عليكم ايش اسوي سبحان الله اني اشوف العسر ويجي اليسر دخلت الحمام حق الطواري وقعدت اصيح واجهز نفسي اصلي العصر الا بطلعتي بدكتورتي بالعياده وصوت دكتور شكله استشاري كلهم واقفيت بالطواري طلعت الا الفرج بوجهي وينج من امس انتطر تطلعين للملاحظه وعلمته بحالي قال ماعليج ارتاحي والحين يجهزون الاوراق ربي تفرحهم وتفرج همهم الي يحسون ويشيلون الهم من الناس ماهو هذيك للحين فيني حره عليها المهم طلعت فوق انتطار ليمن تفضى حضانه الدكاتره متفقين ماله داعي العجله طالما مافي حضانه وكل شي تحت السيطره

[اتمنى الفرح]

طولت عليكم بس ابي اتكلم تعبت تعبت ماعمري شفت مثل هاليوم
طلعت فوق مع العشاء ونمت عادي جلست الصباح وصليت واكلت جبن وتوست وياليتني ما اكلت كانت رحله عذاب نمت وجلست على ذاك المايه الي انفجر تحتي
خفت من جد خفت كلشي جاني كل الدنيا جاتني حللت اعصابي تحليل
نقلوني بسرعه لغرفه الولاده ايش بيسون توني من ساعتين ماكله ماينفع التخدير الا نصفي ولا خدرت وتبهد لت بهدله مابقى احد ماكشفني وانا ابكي كلن بيفحص ايش يسون المخدر مايجيب مفعول الا بعد الاكل ثمان ياعات وانا منهاره اعتقد مابقى ممرضه ماعرفت قصتي مع زوجي مابقى دعاء عرفته ماقلته وصلت مرحله خدر كاني موجوده وماني موجوده الله ياذاك اليوم بس ابي احكي تجربه ممكن يتعلمون منها ناس غيري

[اتمنى الفرح]

كلن عارف شلون حملت وايش صار وشلون تهلى عني زوجي بعد السونار ان بنت واضحه بالتصوير ولااحد عارف هي مشيمه ولامشيمتين
الحمدالله يارب تخدرت كامل بعد مارفع الدكتور يده يكبر مافي فايده كل الكميه هذي قاعدين ندخلها بالظهر مافي فايده والحرمه عندها انهيار مش مساعده وانا عندي احساس طوال الوقت ان هذا عقاب لي سلمت امري لله لما شفت دكتور التخدير الكامل قعد جنبي وقلت يالله انا بين يديك خلاص ماعاد يهمني بس ان رحت اروح مع الي في بطني وامنتك عيالي وقعدت اتذكر اساميهم ووجيهم والله تخنقني العبره بس انا ابي اوثق تجربتي من جد العيال نعمه من رب العالمين بنات او اولاد انج تروحين وقلبج متعلق فيهم ماتدرين شصير بامرهم هو الموت خلاص بطلع من العمليه اذا الله اراد وبطلب الطلاق

[اتمنى الفرح]

تخدرت وسلمت امري لله الجنين الاول البنت رجولها تحت والثاني بالمقعده ساد الطريق الكتور يصحى فيني ولد ولنت ولد وبنت كلمه الي اسمعها قلت انا اتخيل انا متخدره وكل نرسه تدخل علي ولد وبنت مبروك مبروك وانا أعيط هذا صحيح ولا حلم رفعت ايدي احاول اقرا المكتوب والدنيا تلف فيني شفت الج والب غيرل وبوي قعدت اصيح واحمدالله ماردني ماردني اعترفت بذنبي وماردني توكلت عليه وماردني يالله شقد عانيت ابي اطوي الصفحه بس كل مااطالع السقف او اسرح كلشي يرجع لي عيب عليك رخصت فيني وصدقت انك تعبان من الدنيا ولد وبنت خلاص ارتحت انت بي انا دعيت قلبي يحنن قلبي على هالولد لما شفته ماحسيته مثل اخته لميتها وشميت ريحت عيالي فيها كلمتها وفتحت عيونها تطالع فيني اكمل لكم بعد شوي فيني الم

[زهرة الكميليا]

المشاركة الأصلية كتبت بواسطة اتمنى الفرح

تخدرت وسلمت امري لله الجنين الاول البنت رجولها تحت والثاني بالمقعده ساد الطريق الكتور يصحى فيني ولد ولنت ولد وبنت كلمه الي اسمعها قلت انا اتخيل انا متخدره وكل نرسه تدخل علي ولد وبنت مبروك مبروك وانا أعيط هذا صحيح ولا حلم رفعت ايدي احاول اقرا المكتوب والدنيا تلف فيني شفت الج والب غيرل وبوي قعدت اصيح واحمدالله ماردني ماردني اعترفت بذنبي وماردني توكلت عليه وماردني يالله شقد عانيت ابي اطوي الصفحه بس كل مااطالع السقف او اسرح كلشي يرجع لي عيب عليك رخصت فيني وصدقت انك تعبان من الدنيا ولد وبنت خلاص ارتحت انت بي انا دعيت قلبي يحنن قلبي على هالولد لما شفته ماحسيته مثل اخته لميتها وشميت ريحت عيالي فيها كلمتها وفتحت عيونها تطالع فيني اكمل لكم بعد شوي فيني الم

انا اتابعج كمليييييييييييييييي


قطعتي قلبي

[ward22]

ياااحيااااتي الف مبررررروك وربي فرحتلك من كل كل قلبي ماتتخيلين قد ايش ..
الله يكرمك بكل اماني الدنيا والاخرة يارب ياكريم ويقر عينك بصحتهم وعافيتهم
وتقومين بالف سلاااامة ..

منتظرة الباااقي

[ام بكر2013]

الفففف مبارك اختي اتمنى الفرح الله يجعل ايامك كلها فرح بتقولين مين هاذي انا من متابعات التجمع من اول صفحه وماتركته ابد تابعت كل الاخوات وعشت معاهم اللحظات رغم اني كنت لست حامل ولكني الان حامل والحمد لله واتمنى يوكونو تؤام خرجت عن الموضوع المهم انتي اكثر واحدة لفتي انتباهي وكنت احب ردودك واتابع اخبارك والله فرحت لك كثيراً وانتظر الباقي من قصة ولادتك والحمد لله علا سلامتك

[اتمنى الفرح]

ايش في المنتدى اكتب ويحذف

[اتمنى الفرح]

اي اكمل مشكورين تراني اكتب وارسل ويحذف واعيد الكتابه على فكره انا دايما ادخل من جوالي تاركه له حتى جهازي
الف شكر للي رد ولي مارد اكيد مشغولين
بنت وولد يازوجي العزيز ايش بتسوي الحين غريب جهل الانسان وهو متعلم ايش تبي بالعيال اذا مايهمك برهم او صلاحهم بس تقول عندي ولد
من جد الانسان عدو نفسه رخصت عشره عمر دخلتني في حاله الله اعلم فيها اندمار تام لعافيتي وبشرتي ونظرتي حتى لنفسي نسيت ان عندي من هم أغلى من عيوني كل يوم معتمدين علي ولا اقدر اخليهم درس لك واقول اهتم فيهم ماقدر اعرفهم روحي هذولي كل شي معتمد علي مايتكلمون بس لهم انا مصدر ثقه لدرجه يهملون كلشي ماما تدري ماما تسوي لما اطلب صورهم ويرسلونها لي اعرفهم من نظراتهم حاسين بالوحده