دردشة بنات فلسطين, دردشة حوامل فلسطين, تجمع بنات فلسطين

[احساس أنثى]

فعلا الحمد لله على كل شي ... ان شاالله يارب نقوم كلنا بالسلامه وبيبيهاتنا يارب

الايام بتعدي بسرعه يامسك ... بس لما تصلي التاسع حتحسيه عن كل الاشهر ههههههههههه

ياالله عدها قطعت الكهربا ياصبايا ... وننام على الحرررررر

[حواء مثالية]

السلام عليكم

كل عام وانتو بخير يا بنات

كيفكم شو اخباركم والله الكم وحشة

انا لهلا كثير تعبانة لهيك ما بفوت بنوتي ماشاء الله عليها بتسلم عليكم

ام عزمي منورة

عسولة جارة احساس سما نبض سهى بينك مسك عيون المها كل البنات والله كثير مشتاقلكم

[احساس أنثى]

واحنا أكتر ياحواء ... سلامتك من التعب ..أكيد من المغص معلش من العمليه اكيد

ربي يرفع عنك ... ومع الرضاعه اكيد بتحسي بمغوصات بقولو لأنو الرحم برجع لوضعو الطبيعي سار عندي خبره هههههههههه

بوسيلي يااها الاموره الصغيره

[لولو حمادة]

مرحبا لجميع
شتقتلكم كثير كثير
ميساء انا عندي ما شاء الله ولدين احمد سنة و8شهور ومحمد 3شهور نص
مغلبيني واحمد اكثر بيغار من اخوه وطول اليوم بين اربع حيطان بيزهق ماعندو حدا وكمان مابعرف افتح لابتوب منو بيغلبني عليه وشقي كثير بيخرب

[احساس أنثى]

هلا لولو ... جيبلو العاب ذكاء يتنشغل فيها ويتعلم منها

في هل لاب توبات للأطفال فيها اصوات بتعلم واحرف عربي وانجليزي واناشيد وأذان

قعديه جنبك لما تقعدي ع الاب توب وعلميه شويه شويه

والله الأطفال فعلا بزهقو بس ع حسب ماعودتيه لو تعود من وهوا صغير يطلع حيغلبك

لكن لو تعلم يضل جنبك بيريحك كتير ... ربي يخليلك يااهم يارب

ترباية الأولاد اصعب ... ست جوزي دايما تقلي ترباية الولاد متل عود الصوان مابعرف هوا هيك المثل ولا لأ هههههههه

[غُمُوض أُنثَى]

يسعد مساكم ياحلوات

منورين الصبـآيآ الي كانو غاطسين

حواء ولولو وام عزمي

-
بس بتعرفي يا سما انا طريقتي في الكبة غير

انا بهرسها صح وبحط عليها بهار وبعدين بكورها وبحشيها اي شي الموجود يعني " جبنة , كفتة , بصل وسماق "
بعدين بغلفها اول شي بطحين بعدين بيض بعدين بقسماط وبقليهااااااا بزيت غزير

اللي بالفرن بعملها متل البشاميل يعني بفردها طبقة اولى وبعدين بحط الحشوة وبفرد الطبقة الاخيرة وممكن تحطي طبقة بشاميل فوق وتحطيها بالفرن

-
اللي عاملة قطايف باللبن تبعتلي انا بمووووووووت فيه ومش عاملاه اليوم اهئ

[احساس أنثى]

برضو طريقتك حلوة ياغموض وشكلها تشهي

حكيتها لحماتي قالت خلينا على الكبه بالبرغل هههههههههههه

الظاهر ماعجبتها خخخخخخخخخخ

ياالله انا بستفيد منكم بكره بس اسير ببيت لحالي بطبقها ^_^

[لولو حمادة]

احساس عندو لابتوب الاطفال وكمان تلفون بيحكي الفواكة وموسيقة وعندو بيانو كبير والعاب كثيربس بيزهق بغزة كان بيلعب مع اخواني وبيطلعو بره البيت وكمان مع اعمامو عماتو كلهم صغار بس هلا مافي حدا عندو

[احساس أنثى]

ياحرام تعود على اجواء غزه

ياالله بكره بتعود على الجو يلي عندكم

معلش الاطفال بدهم طولة بال

[غُمُوض أُنثَى]

عاد انا يا احساس نفسي اعمل كبة البرغل بس دورت هون في تونس ع برغل ما لقيت

يختي هدول ما عندهم شي والله قهروني .. قال نزلت اجهز لرمضان قال خخخ مافي قمر الدين ولا كركديه ولا اي شي من يلي متعودين عليهم ..

لولو زعلتيني ع ابنك اصلا الصغار ما بنبسطوا الا مع الصغار الي زيهم طيب انتي ما بتعرفي حد بالامارات جارات او قرايب مثلا