دردشة حوامل أهل الرياض - دردشة بنات الرياض - تجمع حوامل الرياض

[منولة 3]

المشاركة الأصلية كتبت بواسطة بنت الاجواد

مستشفى الحبيب وش رايكم فيه للولاده

بالنسبة لي مستشفى الحبيب هو افضل مستشفى للولادة راجعت فيه لما كنت بكريه في ولدي عند زاهيه كمكم مره كويسه بس الحين اراجع في التخصصي الطبي حجزت عند نادية الحامضة والله مادري عنها بس مادحينها كثير البنات وزحمه عندها ما لقيت موعد الا بعد اسبوع لان تاميني ما يشمل الحبيب ولا كان رحت له

[ام صدام]

هلا بالحوامل كلهم

بغيت اسالكم عن مستشفى العسكري ناويه اولد فيه

لكن انا اصلن ساكنه بالطايف وجايه عند اهلي بالرياض وابي اراجع

للشهر التاسع في نفس المستشفى وزوجي ظابط ووفتحت ملف وطلعت بطاقه
لكن بالطايف
هل اكيد اقدر ادخل المستشفى بالبطاقه هاذي ؟؟

وهل اقدر اروح اسوي كشف واراجع مسائي في الليل يعني في العسكري

والا بس في الصباح وبعد الظهر ؟؟

[الثرما]

السلام عليكم

كيفكم كروشات

انا جديده على المنتدى وحبيت اشاركم في موضوعكم هذا
انا من الرياض وبالشهر السابع وبكريه وما ادري وش اسوي احس اني متوهقه
امي كبيره بالسن ومن زمان عن النفاس وحوسته واختي لسى ماتزوجت
واحس اني من جد متوهقه بالنفاس والجمعه والزياره بالمستشفى
ما ادري وش اسوي
ياليت نتساعد بهالموضوع وتعلمونا اخر اخبار التجهيزات للنفاس
مثل الاستقبال والضيافه ولبس الاستقبال ومدس البيبي ومشد البطن
اساله كثيييير تدور براسي
وش رايكم لو كل يوم نفتح نقاش بموضوع وافضل الاماكن اللي تبيع هالاشياء

اذا موافقين نبداء


وعزيزتي اللي سالت عن سربال انا اعرفه بالشرقيه وقد رحت له بس ماقد شفته بالرياض

[@@الجوووري@@]

الثرما حبيبتي على حسب حمولتس والناس اللي بيجونكم
يعني كثير من البنات حددوا انهم يجون يسلمون على الضيوف وبروحون من دون مايشوفون النونو عشان كثرت الحسد وماتنسدح عند الضيوف لان بعضهم يطول وتعرفين النفاس تبي حمام والا تجوع يعني شي زي كذا

وبالنسبه للهوم ان كنتي بالرياض عندتس عطاره ابن حسين

اما للحلويات اشتري لتس سله حلوى وبس

وحطي توزيعات مكسرات

وبالنسبه للتوزيعات روحي للسويلم واختاري اللي تبين

وش بعد تبين انا حاضره وانا على فكره نفس ضروفس فعشان كذا سالت المنتدى وماقصروا

[@@الجوووري@@]

ام صدام الظاهر انهم يقبلونك وترىما فيه مراجعات الا الصباح والظهر

[@@الجوووري@@]

مين جربت ولاده قوى الامن بالريااااااااااااااااااااااااااااض

[ام صدام]

تسلمين يالجوري الله يسهلك يا رب

وللاسف مالي خلفيه بقوى الامن ..
ان شاء الله البنات يردون عليك وتلقين الجواب الي يكفيك ..

[الثرما]

الجوري حمولتي عماني لاني ماخذه ولد عمي وخواله مالي احتكاك فيهم فما اإدري عن نظامهم
بس ضيوفي هاي كلاس يعني لازم ابالغ بكل شي والا بينقدون تخبرين هالحركات
اللهوم وهالخرابيط خالتي الله يجزاها خير جهزتها لي
انا افكر الحين في الاراب حقة النفاس من وين اجيبها
صديقتي قالت لي البس بالمستشفى روب بالبيت جلابيات فخمه
وعندي رابط وحده تجيب توزيعات من امريكا مره جنان بحط لكم الرابط

[أمونه*]

هلا وغلا بنات شلونكم كروشات
انابدونك ... الله يعافيك ومشكوره الله يكفيك ويكفي عيالك الشر إن شاء الله مايجيك شي
الجوري ... الله يعافيك ويجزاك خير على النصيحه
قوى الأمن يقولون زين اعرف وحده ولدت فيه ثلاث مرات تمدحه




يلي سألت عن سلمان شفت حريم كثير والله مايمدحونه يقولون المعامله والنظافه اي شي بس ماتدرين الولاده حظوظ

[شذى الورد$$]

السلام عليكم /

أنا سجلت بالمنتدى عشان أستفيد منكم

ونتبادل خبرات