تجمع حوامل اللي موعد ولادتهم في شهر محرم 1433

[الحلم الضايع]

تصدقين يا الاميره دودي هريت نفسي مشي من بدايه التاسع امشي ساعه او ساعتين وعديت التاسع ودخلت العاشر وما جاني طلق بالأخير عطوني صناعي وبعدين السداده كيف اعرف طاحت ولا لا

[الحلم الضايع]

يا بكريات ترا بطنك بالحمل الاول غير الثاني بالأول صغير بالثاني اكبر أكيد انا بحملي الاول بالتاسع كني بالسادس بس الحمل هذا مشاء الله اكبر

[sara*_*]

هاي بنات كل عام وانتو بخير
ادري اني قاطعه بس جد الحاله صعبه
دعواتكم

[ورده بين ايديه]

اخيرا نمتلي شووووي
دودي يعطو الطبيعي اسبوع
والقيصري اسبوعين بس في بعض الاستاذات تتساهل معااك
وتعطيك اسبوعين
لاتقولي سيتي ماكس ماعنده حاطه املي كله فيه
ومحلات السواني اكرها يجيك بدي مافيه ولا شئ حتى يكون داخلي بحدود 300
وينزل بالتخفيض سعره للارض حراميه عيني عينك
بس عندهم التنانير حلوه


مو شرط بطنك تكون صغيره معناته الجنين صغير معلومه قريتها
انا ماشاء الله ماالي بطن كأني ببداية الرابع بس ماتدري يمكن نهاية الحمل تكون طلعت وبانت
شئ حلو ومو حلو صح

الحلم لا ان شاء الله مانحتاج ندخل العاشر انا استنى الايام تعدي ع نار
والسداده قريت انها تكون كتلة افرازات اما معاها دم وانتي بكرامه واحيان مايكون معاها شئ
ومن وحده لوحده تختلف

كم عمر ولدك الله يخليه لك وماتحسيه يغار من اللي في الطريق

سااااره ياادبه << سبة الشووق
والله وحشتيني ومره فقدتك
كيفك وكيف البيبي وايش قالولك بنت ولا ولد
الله يكوون في عونك ويخفف عنك ويهدي بالك
لاتقطعينا*

[الريمـ]

مرحبا حلواات
وين وصلتوا بالتجهيز للنونوات
انا صبغت الغرفة وركبت الستارة باقي الفرش والاثاث
وبالنسبة للملابس اخذت كم قطعة بس ايام التخفيضات :)

[@@الجوووري@@]

الحلم الضايع : سبحان الله وانتي تحكين عن زوجك كنه زوجي والله ورربي نفس الشي لو يشوف خواته غلطانات قدام عينه يقول اكيد انتي مسويه لهم شي من وراي والا خواتي مايغلطون,, لدرجه انه يقول خواتي مثل الملائكه وانتي ابليس عندهم .. وشقتي قريبه جدا عند شقتهم واحس اني انا الزوجه الثانيه لان دائما الزوجه الثانيه مهضوم حقها ,,ولي متزوجه سنتين




اكليل : غصب وانا اختس اشيل هم حسبي الله عليهم



غزاله شقراء: من اول ماتزوجت وهم كذا بس كلما لهم يزيدون لدرجه انهم يتركون المكيفات تشتغل عشان زوجي وهو اللي يدفع الفاتوره يعني بالعربي مايبونه يصرف علي ويسالونه عطيتها فلوس والا لا .. واحنا اللي بنشتري لها اغراض النونو اكيد مو حبا فيني عشان يجيبون لي خلاقين وباقي الفلوس يحطونها بجيبهم



الاميره دودي : وربي صارحتها اكثر من مره احس انها ساعات زوجته يسوي معها حركات وربي وربي وربي مايسويها معي كل هاذا عشان اخته عانس



ورده بين ايديه : يسلموا على النصايح الله يجعلها في ميزان حسناتك ,,,حبيبتي هو اهم شي عنده اهله لو ماالبس الا من ابو ريالين , انا عادي ماعندي مشكله بس على الاقل يعطيني حقوقي تخيلي حتى بذاك الشي يقول احس ان جسم اختي احلى يعني انه يتخيل جسم اخته حتى باللحظات الخاصه جدا
وبالنسبه لوزن الجنين يقولون فيه حليب يسمنه وغير كذا اذا هو بصحه وعافيه لا تاخذين شي ولا تقلقين ابد ترى كثير قالوا كذا وصارمابه اصح منهم بس انتي استودعيه الله وماعليك



اللهم من رفع يديه ودعا لي بسخره زوجي اللهم ياربي ياعظيم اسعده بالدنيا وبالاخره وحقق مطلوبه امييييييييييييييين

[@@الجوووري@@]

الريم هلا حبيبتي وين بتاخذين الاثاث .. انتي من الرياض

[حـنـيـن]

’,

السسلام عليكم
وش اخباركم بنات .. ان شاء الله طيبين


’,

[حـنـيـن]

’,

الجووري
ولله احترت اش اقولك
بسس انتي لاتخلينه يستهين فيك ويهددك بالطلاق كان نهايتك ع ايده
اذا تقدرين ازعلي وروحي لبيت اهلك فتره اكييد بيفقدك
انا مو قصدي احرضك او اسبب مشاكل بينكم
بس اذا بالتفاهم مانفع حاولي بالقوه
ع العموم ربي يسخره لك ويجعله خاتم بـ اصبعك


’,

[حـنـيـن]

المشاركة الأصلية كتبت بواسطة الريمـ

مرحبا حلواات
وين وصلتوا بالتجهيز للنونوات
انا صبغت الغرفة وركبت الستارة باقي الفرش والاثاث
وبالنسبة للملابس اخذت كم قطعة بس ايام التخفيضات :)

’,

مششاء الله عليك
انا الى الان ماسويت شئ
امس رحت للمحلات تفصيل مفارش نفاس
وماعجبني شئ وشكلي بطلب من اخت السحاب الي معنا
بالمنتدى تفصلي

’,