أحلى تجمع لحوامل التوأم الجزء الرابع

[ward22]

Just hope

مع انك نطيتي ردي الطويل عليك هئ .. بس برد مرة ثانية =(
لا تجرين ورا الحكومي تابعي خاص واطمني ع نفسك
ودام عندك اجهاضين انصحك تستخيري وتسوي ربط
حتى لو قالولك مايحتاج .. والله يسهللك ..

.
.

مدام خولة ..

انت مثلي بالثالث .. اسبوع وادخل الرابع الله يسهل لنا يارب ..
مافكر بالولادة قد ماافكر من الخوف من اي مفاجآت
الله يبعد عننا الشرر ويتمملنا ع خير ياااارب ..
الولادة نفسيا صراحة مو متقبلة انها تكون طبيعي لتوينز
احس انه يخوف وخطر ومتعب ..
الله يسهل

.
.

اتمنى الفررح ..

الله يسهل لك يارب ويتمم عليك ع خير .. انت الحين باي شهر بالضبط ?
اما الطلق طبعا ماجربت بس قرييت تجارب والكل يقول انه طلقين ..
عشان كذا ارتعت من فكرة الطبيعي اكثر ..
تفكرين تاخذين ابرة ظهر ?

.
.

بنات متى تبدا البطن تكبر ع الملابس تقريبا ?
وايش نوعية الالم والنغزات اللي يكون طبيعي لو حسيت فيها
واللي يكون مو طبيعي ?

بديت احس بنغزات بس يعني ع فترات مقاربة مقارنة ب قبل
واحساس خفيف بعظم الحوض ماعرف اوصفه .. وكمان بالرحم من الامام والجوانب كل مرة شكل
كله مو آلام فعلية بس احاسيس زي النغزات بس مو حادة
اتمنى احد فهمني "^^

انا مو قلقانة احسه طبيعي وبنفس الوقت اخاف اطمن نفسي ع شي مو صح
لان الدكتورة باخر زيارة قالتلي تحسي باي الم تحت قلت لا
فمدري هذا يتصنف الم او لا
فانتوا طمنوني .. الله يطمنكم دنياا واخرة ..

[سوزان الرياض]

مرحبا بنات
شفت هذا المقطع وجاء على بالي ارسله لكم
Natural Labor & Delivery of Twins! - YouTube
تجيب توام ولاده طبيعيه
ادعولي ربي يرزقني توام
ماشاء الله والله يهون عليكم جميعا

[اتمنى الفرح]

ورد 22 انا بالاسبوع 34 الحين يعني الثامن وبقولج ترى كل فتره في الام شكل فتره تحسين بضيق النفس
وقلبج يدق بسرعه مع اقل حركه كانج مسويه شي كبير
وفتره عظام الحوض توجع وانا عندي بنت الله يحفظها ماخذه رجلي اليمين مقعد لها بالسياره ولاترضى مره كذا
ومره كذا فتضغط على الحوض اما النغزات غالبا تكون غازات ولا افكر بشي لا بابر ولا بغيره أبي خخخخخ اركز الان على الطلق
شلون يصيرون توام ويقولون بينهم دقايق يعني اطلق وأولد مااعتقد بطول علشان اطلق مره ثانيه
اما المقطع


سوزان الرياض قاعده افكر افتح ولا ماافتح شرايكم خخخخخ

[اتمنى الفرح]

سلمى العمر الله يهون عليج يارب معدتج حساسه جدا انا ذبحني الحرقان لاهو طالع بره واستفرق ولاهو نازل

جست هوب لاكيسين مايعني بويضتين ممكن داخل كيس واحد او كيسين بس مشيمه وحده فتكون بويضه
اذا كانت بويضتين فاكيد كل واحد بكيس داخل مشيمته لخبطتيني بصراحه لان هم يتاكدون دايما من المشيمات اول كم مشيمه اذا طلعت وحده
يبون يعرفون كل واحد بكيس امنيوسي لحاله وهو افضل من كيس واحد يجمعهم

المدام خوله صلي على النبي محمد عليه افضل الصلاه والسلام اتركي الخوف من الولاده على جنب عيشي الحياه خخخخخ الاعراض والحركات والذي منه بعدين اذا وصلتي الثامن حاتي الولاده ماتعرفين كم تاخذي من التاسع

[سوزان الرياض]

شوفي المقطع ما يخوف وهي تولد بالعكس اذا خلصت تضحك ويحضنها الدكتور
وبعدين فيه لهم صور وعمرهم سنه مره يجننو ماشاءالله

[اتمنى الفرح]

شخبار ام فطامي

[Just Hope]

المشاركة الأصلية كتبت بواسطة ward22

just hope

مع انك نطيتي ردي الطويل عليك هئ .. بس برد مرة ثانية =(
لا تجرين ورا الحكومي تابعي خاص واطمني ع نفسك
ودام عندك اجهاضين انصحك تستخيري وتسوي ربط
حتى لو قالولك مايحتاج .. والله يسهللك ..

.
.

..

العتب عالنظر :$
انا من حملت وانا عند اهلي ما اتحرك وما سويت متابعة بأي مستوصف اروح كل شهر مره اسوي سونار
والاجهاضين اللي قبل واحد كنت في اول زواجي واهله بديرة بعيدة ورحنا لهم سيارة وزوجي الله يهديه سواقته فاشله
والثاني كان بعد الاجهاض على طول بينهم دورة وحدة بس وما اخذت علاجات
والربط قلت للي عندي بس محد ايدني فقلت بتوكل على الله واخليها عالراحة
وحاليا في الاسبوع الخامس عشر ما يمدي حتى لو بغيت اسوي
حتى حركتهم للحين ما حسيت فيها :(

[Just Hope]

المشاركة الأصلية كتبت بواسطة اتمنى الفرح

جست هوب لاكيسين مايعني بويضتين ممكن داخل كيس واحد او كيسين بس مشيمه وحده فتكون بويضه
اذا كانت بويضتين فاكيد كل واحد بكيس داخل مشيمته لخبطتيني بصراحه لان هم يتاكدون دايما من المشيمات اول كم مشيمه اذا طلعت وحده
يبون يعرفون كل واحد بكيس امنيوسي لحاله وهو افضل من كيس واحد يجمعهم

والله ما عرفت لهم انا اراجع عند مستوصف الرأي الطبي واحسها تسكتني وفكرت اغير المستوصف
رحت بالاسبوع الثامن وقالت كيسين وكان كل واحد بجهه وواحد اكبر من الثاني بشوي
ولما رحت بالاسبوع الثالث عشر دخلت عند دكتورة ثانية ولما سألتها مشيمة او ثنتين قالت وحدة كيف يجي ثنتين
حسيتها بس تبي تمشيني
وقلت هالشهر ان شاء الله بروح مستوصف الصحة والحياة

[اتمنى الفرح]

جوست هوب يعني انت مشيمه وحده وكيسين وهذا حمل متطابق شكلج انت بالدمام ليه ماتتابعين بمستشفى النساء والولاده

كروشات ابي اسالكم جسمي حار حتى وانا اشرب ماي كثير واجلس تحت المكيف لاحظت اني دافيه مااحب المس وجهي بديني احس بحراره ولا اعرق اقول يمكن تخف حراره الجسم من صار لها كذا وايش سويتوا والماي هالايام في التروش من دافي الى حار الله يعينا على هالجو

[Just Hope]

انا اعالج بمجمع الملك فهد الطبي بالظهران بس ما عطوني موعد بدري
فكرت بالنساء والولادة بس كثير يسبونه وخصوصا يوم نقلو للمبنى الجديد