** ليبيا زين علي زين ليبيا ورد وياسمين ** تجمع الليبيات

[جوهرة ليبيا]

السلام عليكم ورحمه الله وبركاته

كيف حالكم جميييعا

[جوهرة ليبيا]

سوسو الف الف لاباس علي الدلوعه ريومي الحلوه وربي يشفيها يسخفوا الصغار لما يمرضوا

وردي بالك عليها وراقبيها

وخشي وطمنينا عليها

[جوهرة ليبيا]

علي فكره سوسو والله موضوع الصور في بالي وقلت لراجلي لكن والله ماعنده فضوه ايعلمني ايروح المغرب ويادوب يتغدي ويهدرز معانا

ودوره اتجي العشره نهدرز عليه بروحي في دارنا ورنو تقعد تلعب مع وخيتها في الدار العمليه ويدوش ويررررررقد طووول

ولو تقدري تشرحيلي كيف انزلهم يااااااريت

[جوهرة ليبيا]

اوشي مبارك ماعولتوا وياريت اتنزلي صوره قريبه للي لبستيه

فروسه ماشاء الله مطبخك متكامل بالاجهزه ربي يزيدك ويبارك

راجلي السبت بيغيرلي غساله الصحون لان الاولي طلعت ماتنفعش حتي بعد ماعدلنا النظام متاعها ويارب اتعاوني حتي شوي

وتعررفي انا عندي هللللبه اجهزه كهربائيه والحق كلهم نستعمل فيهم

ودولاب مطبخي مخدوم ثلات جيهات وكبييييير ووااااسع ومع ذلك مضايقه فيه من كثرتهم

ان شاء الله ايكون مطبخك في ليبيا واااااااااسع

[جوهرة ليبيا]

هدهد ربي يعاونك علي سومه الاموره ذكرتني في ريناد

خوله ربي يتمم حملك وولادتك علي خير واتشوفي وليدك بالف خير

شموووووسه فاقدينك

جنوده اخبارك ياعسوله

وكل البنات يارب اتكونوا بالف خير

[جوهرة ليبيا]

تعبت امس في العزومه شوي بس فاتت علي خير

اليوم فاجئني راجلي باحلي باقة ورد وتوته رياضيه ازرق ملكي في الابيض

تهبببل طلعت كيوت فيها يحبهم التوتات وكان يلقي ديما نلبسهم خخخخ

ايقولي وتطلعي احلي لما تتريضي عالسير بيهم

وتوه سلام بنمشي نراجع شوي مادام الحلوه راقده





اللهم صلي وسلم وبارك علي سيدنا محمد

[خوله 2014]

المشاركة الأصلية كتبت بواسطة اوشي

خولة عزيزتي

ايش اخبارك انت والبيبي ..

ام فراس كفت ووفت الله يبارك فيها

توة هنا كلهم اللمات ايديرو في رز بالخلطة مع كباب الحلة او كفتة طرف كبير او شيش طاوق اواثنين منهن

مع نوعين موالح او ثلثة مع نوعين سلاطات ومشروب

الله يبارك فيك يا اوخيتي والله ان شاءالله حتي اني هكي قررت اندير رز بلاو ومعاه حويجات حارات وان شاءالله ربي ايسهل وبارك الله فيك عالاهتمام لكن يا اوخيتي بالله بنسال سؤال لو سمحتي اني نقدر انطيب قبل يوم العزومه باش اسهللي وزي شني متلا ..... نقصد الي يتحمل اني انديرة قبل العزومه بيوم .....تحياتي

[هدية الخالق]

السلام عليكم صباح الورد شن اخباركم
سوسو لا باس علي رنومة إن شاء الله بالشفي عليها

[هدية الخالق]

خولة شوفي هذا رابط صفحة المطبخ الليبي في كندا عالفيس بوك فيها أفكار ممكن يفيدوك في وحدة حاطه صور عزومتها بعد الجياب

https://www.google.ca/url?sa=t&rct=j...58187178,d.cGU

[dr.loly]

المشاركة الأصلية كتبت بواسطة sosolibya

مساء الورد
الله يبارك فيك غاليتي.. أوشي

والله ريم حالة مسكينة من المرض حتى المشي مرات ماتقدر تمشي تمرد مرد

وحتى العياط مالاقيتله جهد

خلي نحكيلكم

ليها متع 3 أيام طايحة وفاشلة قلت حرار عادية نديرلها في زلابيط وخلاص وقلت خلي تاخدة مناعة
هكي بروحها من غير دواء

المهم لما لقيتها زادت فشلت..

قلت خلاص نرفعها للمستشفى طول بالك عندها جفاف ولا نقص كالسيوم وقلت مرات يخلاها ..

المهم

شافتها الدكتورة قلتلها فاشلة ووذنها توجع فيها

بالك عندها مشكلة ولا جفاف ولاحاجة

قالتلي عندها اسهال ... لا

باهي ردان )(ترجيع)
....لالا..

شافت حلقها قالت كويس
وشافت الوذان طبعا وريم تعيط ماتبيش بالسيف ..

تخدملي هذه فاشلة........,,,,,,

والحرارة تشي وتجي وقاستها قالت كويسة


قالتلي اليوم فطرت قلتلها لا ... قالتلي خلاص روحي فطريها..


ااااااااااااااااااااااااااه تخيلو ... صاعقة هههههههههههه
وروحنا...


بالليل زاد فشلها ورفعناها لولد عمي دكتور أنف وأذن وحنجرة

شافها وقال عندها إلتهاب حلق وإلتهاب في ألأذن الوسطى

تخيلو .. قريب هبلت من هاديك الدكتورة ..

وطبعا ريم رافضة الدواء تماما بالسيييييييييييييف لدرجة الصبح رجعت منه..

والله مسكينة تقطع القلب وتبيني جنبها وخلاص وتوا رقدت

تيلو بكري نشطت شوية وبتلعب لقيتها طايحة ومتكية عالتراب..


ربي يشفيها ياااااااااااااااارب..

ياروحي يا ريوم قديش وجعتني
يوجعوا العويله بعد يمرضوا لدرجة يفشلوااا

بصراحه مش دكتوره هذه .. عليك برود مش فاطره فطريها يعني حالتها هكي من قل الاوكال ههههه( النماذج هذه اللي مخربه سمعة الطب في ليبيا .. يخدموا بلا ضمير .. مايحسابوا ان الطب مهنة انسانيه اولا وأخرآ قبل كل شئ ) والواااحد ماتعب وجاك الا كان متوجع ومنتهي


عارفه من اول ماحكيتي ف البدايه عنها توقعتهااا ام التهاب اذن او لوووز بم ان صدرها ما يدريش في صوت .. هذوما الامراض ال3 لي يفشلوا ف العيل .. حسب خبرتي الطبيه

بجانب التهاب البلعوووم
,,,


عارفه فروسي مرة مرض علينااا نص الليل و قعدت ماما مش متحمله تقولي هي والوالد هي نشيلوه المستشفي ولا رضــيت قلت يطلع الصبح ونشيله لدكتورره خصيصا ان كان ماسك يومها في المصحه الخاصه لي انجيب فيها..

قعد قلبي يتقطع ونبكي عليه وماما وخواتي يعانن فيه


بعد شلنااه طلع عنده التهاااب صــدر..ياروحي دارله بخاااار فوري وعطاني كورتيزون 3 ايااام..وعلاج كحة نقاط .. ودوا حراره .. ومزيل احتقان أنــف

وقالي نقصيله من كمية الحليب في الرضاعه..


عمومآ ان شاء الله لاباس ع الاموووره .. ياااارب

وطمنينا عليهااا