حوامل الشهر الرابع تفضلوا معاي نشوف بطنك كبر ولا

[al-faras]

اي وبطني كروشه صغيره للحين ماطلع بس قريت ان هاي شي طبيعي في اول حمله وان بيطلع مره وحده والحركه للحين ماحس فيها بس بعد يقولون هاي على حسب نشاط البيبي وقوته

[خجول وردي]

أناا بالإسبوع الـ 15 و اممم بطني .. والله كرشتي زينه خخخخ .. كبر يعني .. بس بعد مايبين عدل =.= إلا لو لبست شوي ضيق .. بس كثير ضيق لأ xD
أحس احيانا بثقل بالراس ، بعطش .. ساعات روحتي ع الحمام تزيد وساعات تقل
اما حركة الجنين ، بما انه ثالث حمل لي و أول حمل اوصل فيه لي هالمرحله ما شاء الله الله يتمم لي ولكم ع خير .. xD .. فأنا هبلة بحركات الجنين .. بس احيان احس برفرفة لو شي .. مادري انه كان الجنين او شي ثاني
+ يجيني الم بالظهر بين وقت و الثاني .. و أحس بخمول O: .. و شهيتي بالظهر تكون قليله .. بسرعة أشبع

[فوفو سكر]

انا طلعت لي من وانا بشهر الثاني والحين متوسطه بس اللوعه ماراحت

واحس برفرفة ربي يتمم لنا على خير

[صفوووو]

السلام عليكم بنات انا ف نهايت الشهر الرابع وصرت احس بحركة الجنين ولسه كرشتي مو مره كبيرة بس خايفه مره باقي يومين وادخل الخامس بس طحت قبل امس وماصرت احس بالحركة مثل اول امانه سعدوني

[om ahmad]

الله يتمم لنا على خير و يرزق كل محروم

[نوارة الحب]

اشكرك علي موضوع المفيد انا يمكن لي 7 ايام من دخولي الرابع ماعرف الي احس فيه تقلصات اوغزات اوحركة الجنين انا في الحمل الاول
انشاء الله يرزقنا بالدرية الصالحة والخلقة التامة

[سنبل الخير]

انا بكرية لي بالرابع ثلاثة ايام بطني كأنه بده يكبر،الحركة نفسي احس بيها بس ماني عارف اللي احسه كأنه غازات ،الوحم اجتمع علي حمل اول مرة ومرارة ماأشتهي اكل خالص نقص وزني اكثر من 10 كيلو عاد ماأعرف إذا بيروح الوحم لأني ماأكل شي بسبب الوحم والمرارة الله يعين ويتمم على خير يارب ،. حبيباتي الحوامل لا تنسوا هذه الأدعية (ربي اجعلني مقيم الصلاة ومن ذريتي ربنا وتقبل دعاء)و(ربي هب لي من لدنك ذرية طيبة إنك سميع الدعاء). متى موعد ولادتكم انا لسى ماقالت لي الدكتورة ماأدري ليش*

[دلوعة يسووري]

أنآ بكرية
وليآ في الشهر الرآبع إسبوع ونص تقريبآ
وبطني أحس إنهآ كبرت شوية
لكن الوحم مستمر ومتعب بالمرة
بس الحركة مدري الصرآحة اللي أحس فيه أيش بالضبط ؟؟!
بس أوقات أحس بطني كأنهآ أتيبست
خآصة لو نومتي كآنت غلط شوية

مآبي أطول عليكم
بس الله يقومنآ كلنآ بالسلامة يآرب
ويرزقنآ الذرية الصآلحة

تحيآآتي

[حلمي أشوفك]

والله بطني شوي كبرت بس مو كثير والحركة اللي أحس فيها ماأعرف مرة نبض مرة رفرفة ماني عارفة والله أنا في بداية الرابع دعواتكم لي بطفل سليم معافى تام الخلقة

[حلم السنين !]

هلا فيكم ..
تسلمي ع الموضوع وفكرته الحلووة ,,
شسمه انا توني خلصت الشهر الثالث ودخلت الرابع لكن لسه ماحسيت بكبر او شئ
بطني نفسه منقسم قسمين لآن فيني كرشة صغنونة قبل احمل
وبالنسبة للدوخة نفسها وللأن كله آحس بلوعه من آشم الاشياء اللي كرهتها
تعبت من الاستفراغ ومن الم الظهر اللي مو مخليني انام
استغفر الله بس ,,