دردشة حوامل مصر - دردشة بنات مصر - تجمع حوامل مصر

[MALAK2010]

علشان انتى مارحتيش من شهر؟؟؟؟؟
لما انتى رحتى بعد عشر ايام وعملتى التحاليل ماسمعتيش النبض؟؟؟

[dr.princess]

malak2010
البنات هنا فى المنتدى بيقولوا بيبان من الاسبوع الخامس لو سونار مهبلى والاسبوع السابع او الثامن لو سونار عادى من على البطن

[MALAK2010]

طيب انتى فى العاشر؟؟ ممكن علشان بقالك شهر مارحتيش
ان شاء الله اكيد لما تروحى المرة الجاية هتسمعية وهتسمعية بيغنى كمان

[dr.princess]

انا فى اخر كشف فضلت مستنية كتييير فدخلت للدكتورة كنت هموووت من التعب و خرجت من عندها عملت التحاليل ورجعتلها تانى ونسيت أسئلها وهى كمان زى ما قلتلكم قبل كده مش بتتكلم خالص لا بالحلو ولا بالوحش ماقلتش اى حاجة ولا حتى قالتلى تعالى تانى ولا جابت سيرة النبض بتاتا
هى قالت كل حاجة تمام وجوزى بيقولى لو شايفة حاجة مش طبيعية كانت قالت
انا هروحلها كمان أسبوع ابقى أشوف ساعتها

[dr.princess]

malak2010
انا كنت هناك من 20 يوم مش من شهر

[somia]

برنسس انا عملت سونار مهبلي وبالرغم من كده الاستاذ نفسه مظهرش مش بس نبضه

[MALAK2010]

ربنا يطمنك يا حبيبتى وجوزك عندة حق هى اكيد شافت ان الجنين الحمد لله بيكبر وهى كلامها قليل ولو كان فى حاجة لا قدر الله كانت قالت
اطمنى وربنا يسهل الاسبوع الجاى تطمنينا

[dr.princess]

somia
اه والله ربنا العالم

[MALAK2010]

وماتقلقيش نفسك يا حبيبتى ان شاء الله خير
انا دايما اقول اكتر واحدة قلقانة فى العالم هى المصرية وانا طبعا اكتر واحدة فى المصريات واخدة المركز الاول بدون منافس ههههههه

[dr.princess]

somia
بلاش تكترى من السونار المهبلى سمعت انه مش كويس وخصوصا فى اول الحمل

malak2010
ماتقوليش على القلق ده ماما هى المركز الاول ووالله لو حلفتى بأيه
انا مش قلقانة اوى يعنى
سايباها على ربنا واللى كاتبه خير فى كل الاحوال
ده انا حتى بفكر ما اروحش الاسبوع الجاى واروح الاسبوع اللى بعده ولا كده هبقى باردة أوى هههههههه