دردشة بنات فلسطين , دردشة حوامل فلسطين , تجمع بنات فلسطين

[لولو حمادة]

صباح الخير

عيون المها سبحان الله قبل شوي جيتي على بالي وتزكرت موعد سفرك
ان شاء الله بتصلي بالسلامة ومايغلبك ادومة بالسفر
باقي الصبايا يسعد صباحكم

[Snowwhite-90]

المشاركة الأصلية كتبت بواسطة عيـ‘ـون المهـ‘ـا

}{ يسعـ‘ـد صَبـ‘ـاحكم و طلّتكُـم ,,صَبـ‘ـاح البسمـ‘ـه
و المحبـ‘ـه لتواجدكم,, صبـ‘ـاح النقـ‘ـاء و الصفـ‘ـاء ,,
لقلـ‘ـوبكم ,, صبـ‘ـاح الـ‘ـورد بشـ‘ـذى الـ‘ـود لحـ‘ـروفكم ,,
ياللي ارتسمـ‘ـت هـ‘ـون و راح تضـ‘ـل منحـ‘ـوته على
صفحـ‘ـة هالمكـ‘ـان ياللي جمعنـ‘ـا ,,}{

-----

رغم ضيق وقتي لكني ما بنسى اخوااات جمعني فيهم القدر
في هالمكان و ان شاء الله تضل الموده وصال و المحبه وسطنا [:
ما لئيت كلمه تحل محل هالكلمه ""ان شاء الله ربي يجمعنا تحت ظل عرشه متحابين فيه ""
اكيد راح اشتاق لاخبآركم آلحلوه خلال فترة سفري
و ان شاء الله بتجدد لقائي معكم حبيباتي و اكيد بتمنالكم اطيب الاوقات تحت مظلة هالصفحه و تقضو اجازة صيف حلوه مع احبابكم
اطيب الامنيات و ارق الهمسات لــــــــــ
الغاليه أأأأأأأأم جــــــــــودي
سهــــ 2012ــــى
بينـــك روز
سمــا الدنيــــا
ام عــــزمي
عسولــة فلســـطين
حيفــــــــا
دمـــوع الليـــل
لولو الفلسطــــينيه
دـــــوـــــdodo ــــدو
غُمـوض أُنثــــــى
حـلا أآلماس
إم عبد الله لولو
لــولو حمـــاده
حــواء مثاليه
إنبثاقة امل
ام عمر القدس
ام عمر رشـا
نور العمر :: مبروك مقدماا الف الحمد لله على سلامتك و سلامة البيبي

يجعل المعـزَّه بينّّا دائمـــا و بذور الاحترام مزروعه بينا
معلش حبيباتي كلماتي كتير قليله و رغم اني تعبانه شوي
بس ما حبيت اترك هالمكان دون ما ابعت سلام الكم
take care [:
و ان شاء الله كل ما لئيت فرصه بطمنكم عني
دعــــــــــواتكم

المشاركة الأصلية كتبت بواسطة عيـ‘ـون المهـ‘ـا

أإأإأم جـــــــــودي
**
يا صُحبة في الله تحلو الحياة بهم
هم معدن الخير في الناس طابت سجاياهم
هم أصل الود تسعد الروح بذكراهم
و بين الضلوع في حنايا القلب ماواهم
فيا رب احفظهم و زدهم في مزاياهم

صباح جمعـــه مشرق يحمل كل الخير الك
يمكن يكون هاد اخر تعقيب الي لاخت غاليه لامست شخصيتها الحلوه
من خلال كلماتها اللي صافحت حروفي هون و قدرت اكون فكره رائعه
لا يمكن ان انساها في مخيلتي
نعمَ الاخت و نعمَ الصديقه
حبيبتي ام جودي بتمنالك كل الخير و السعاده و ان شاء الله تفرحي
بحمودي و ربي يتمم الك حملك على خير و تشوفي حمودي و البيبي دائما هم حوليكي و يملو عليكي الحياه بالضحكه و الابتسامه
ربي يحفظ ما عندك و يجعلهم قرة عين الك و لزوجك و يضلو بهجة الحياه و جمالها
بتمنى توصلي بوساتي لحمودي و ادوم كمان ببعت سلام لحمودي و الك و للبيبي
هههههههه
معلش يا قمر عم بكتب و انا تعبانه شوي بس اكيد اللي في القلب اكبر من اي وصف
ان شاء الله كل ما سنحت لي فرصه راح اتواصل معكم {;
اغلى سلام

حبيبة قلبي ام ادم يسعد صباحك ،، غاليتي بالبداية بشكرك من كل قلبي على هالكلمات الاكثر من رائعة ،، وصراحة مو قادرة اعبرلك على مدى سعادتي وانا بقراها ،، اقسم بالله حبيبتي اني بكيت وانا بقرأ هالحروف الرقيقة اتخيلت نفسي بعرفك وجها لوجه وبودعك على ارض الواقع مو من وراء الشاشة هاد اولا وثانيا بكيت من فرحي بتخصيص هالحروف الغالية لالي ،، بوعدك راح تضل كلماتك المميزة محفورة بقلبي لاني بعتبرها من اغلى واروع الهدايا الي وصلتني من اغلى واحب اخت وصديقة على قلبي ،، بشكرك مرة تانية يا عمررري وبتمنى لو بقدر بهاللحظة ارسل كلمات بهالرقة والاحساس الك يا اغلى ام ادم ،،، اعذريني حبيبتي على تأخري بالرد على تعقيبك ،، كنت يوم الجمعة عالبحر وصار ما لم يكن بالحسبان هههههه ،، ما بعرف اذا شفتوها بالتلفزيون ولا لأ ،، اجت عاصفة شديدة وغيمة سودا شكلها مرعب اكيييد صبايا غزة شافوها ،، وبعدها محمد مرض واخد برد :( بس الحمدلله ما طولت معه شفي بيومين ،، لهيك ما قدرت ارد بس كنت اقرأ تعقيباتكم واتابعكم من الموبايل ،، والله ما غبتي عن بالي لحظة وكنت اعد الايام على موعد سفرك ،، حبيبة قلبي بتمنى تكون رحلة خفيفة و مريحة وممتعة الك ولادوم ولانا واسيل ،، ربي يسعدك ويجمعك باهلك واحبابك على خير وحابة اطلب منك طلب صغير اذا ممكن ،، ياااااااا ريت لو كل فترة تطمنيني عنك وتنقشي كلماتك المميزة هون ونسعد بطلتك علينا لانك هتتركي فراغ كبيييير بالتجمع :( وراح اشتاقلك جدا جدا جدا يا اروع البشر الذين اهداني اياهم القدر ،، حبيبتي بوسيلي اطفالك الامامير كتييير وسلمي على اهلك وانبسطي قد ما تقدري بالقدس ،، ربي يرجعلنا اياكي بالسلامة يا عمرري ويسعدك وينور طريقك دايما ،، ارق تحياتي لاغلى عيون ( عيوووون المها )

[Snowwhite-90]

يسعد صباحكم صبايا ،، كيفكم اشتقتلكم كتييير :)
اول شي
غموووووض الف الف مبروووووك حبيبتي والله فرحتلك من كل قلبي ،، ربي يتمملك حملك على خير ويرزقك طفل سليم معافى ،، اكيييد الصبايا ما قصروا بتقديم النصايح الك ،،، ربي يجزاهم كل خير ،، واهم شي نفسيتك دايما تكون مرتاحة ومبسوطة ،، ربي يسعدك دايما ،، عقبال يا رب حيفااا وانبثاقة عشان تكمل فرحتنا ،، طمنينا عن موعدك مع الدكتور ،،،

[Snowwhite-90]

دودووو حبيبة قلبي يسعد صباحك،، كيفك ؟؟ اشتقتلك كتييير ؟؟ معلش حبيبتي ما تزعلي لانه عمورة المشاكس مغير وضعيته ،، اهم شي بهالفترة راحتك النفسية وعدم القلق والتفكير ،، ودايما الله ببعتلنا الخير ،، لو ربنا رايدلك العملية ما تفكري بتعبها او شي هي فترة وبتعدي ،، سواء كان طبيعي او عملية لا تزعلي لانه بعدها هتحملي بين ايديكي تعب 9 شهور وهتنسي التعب والارهاق كله ان شاء الله ،، وكمان لما تشوفي فرحة زوجك بالبيبي هتكوني طايرة من الفرح طبيعي هههههه ،،

[Snowwhite-90]

باقي الصبايا يسعد صباحكم وان شاء الله نهاركم سعيد ،،

حبيباتي صبايا غزة ،، مين شافت الغيمة الكييرة السودا والعاصفة الشديدة الي صارت يوم الجمعة قبل المغرب بشوي ؟؟
احكيلكم شو صار معنا يوم الجمعة،،، كنا عالبحر والجو مشمس ورائع وانبسطنا كتييييير وفجاة بدقيقتين الجو صار اسود ورياااااح شديدة وموج البحر عالي كتييييير وصار بخوف ،، وكل الطاولات والكراسي الي عالشط طاروا هههههه والناس هربوا ،، كأنه الله يجيرنا تسونامي ،، ع طول ركبنا السيارات وروحنا هههههه بس شي مررررعب ،، على قد ما كنا خايفين الا انه انبسطنا بهالظاهرة الغريبة المفاجأة حسينا باكششششن هههههه ،، يا ريت فيني انزل الصور الي صورتهم

[Snowwhite-90]

صبايا اعذروني على عدم ذكر اسماءكم بس بخاف انسى حدا والله ،، انتوا دايما بالقلب ومكانتكم محفوظة

[احساس أنثى]

يسعد صباحكم جميعاااااا
ام محمد والله ماحسينا يمكن انتو عان كنتو ع البحر حسيتو فيها اكتر يالله الحمد لله ع سلامتكم

صبايا يلي عندها واتس اب ابعتولي رقمكم
غموض يلي زعلت مره بعتلك رقمي ومابعتيلي رقمك ياضرسانه ع قولة السوريين :)

[beboo]

بخخخ

صباح الفل كيفكم

عيون المها

تروحي وترجعي بالسلامة والله يجمعك بحبايبك على خير وسلامة يارب

سنووايت

حبيبتي انا من غزة وكنا تقريبا على البحر >> حلوة هادي تقريبا هههههههههههه شو يعني البحر الى حبشتكنات

المهم انا حسيت بانه صار الهوا كتير لهيك روحنا بس بعد العصر بشوى فما شفت الغيمة يلي بتقولى عليها

الحمدلله على سلامتكم ياعسل

احساس

ياضرسانة كيفك وكيف ابو الزوز والنونو الصغير مغلبك ؟

باي شهر صرتي ؟

[حواء مثالية]

صبااااااااااااااحو كيفكم

عيييييييييييون والله ما انتبهت لردك الله يسهل عليكي يا عمري واكيد كل فلسطين بتنور بطلتك

غمووووض لون الفستان اخضر فسدقي مرصع كرستااااااااال موديله غريب كثير ناعم وحلووو

والكرستال اخضر مموج راح اكوووون قمر

[لولو الفلسطينية]

صباح الخيرات يا حلوات
عيون المها
حبيبتي رح نشتاقلك
تروحي و ترجعي بالسلامة يا رب
ان شاء الله تنبسطي و تقضي مع اهلك و حبايبك وقت حلو
بوساتي للاولاد
الله يخليلك اياهم
ام جودي
يسعد صباحك يا عسل اشتقنالك
الحمد لله على سلامتكم
و سلامة قلبو حمودي ... الله يخليلك اياه و تشوفيه احلى عريس
حواء
اكييييد رح تطلعي قمر يا قمر
ان شاء الله عقبال ما تشوفي ولادك عرسان يا رب
احساس
يسعد صباحك وين هالغيبة يا بنت ؟؟
انبثاقة
ويييييييييييييييينك ؟؟ اشتقنالك
كل الصبايا ربنا يسعد اوقاتكم و يحقق امانيكم
في حد صاحي و الا هئة ؟؟